Isaías 57:2 - Li Santil hu

² Eb li nequeꞌxba̱nu li ti̱quilal nequeꞌxic chi hila̱nc saꞌ tuktu̱quil usilal nak nequeꞌcam.

Q'eqchi Bible

² ut neke'xtikib' hilank sa' tuqtuukilal. Xe'wank sa' tiikilal ut anaqwan neke'hilank sa' li xmuqleb'aaleb'.

Isaías 57:2 ပူးပေါင်းရင်းမြစ်များ

Apocalipsis 14:13

Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.—

2 Corintios 5:1

Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

San Lucas 2:29

—At Ka̱cuaꞌ, anakcuan xaba̱nu joꞌ xayechiꞌi cue. Anakcuan naru tinca̱mk chi cꞌojcꞌo inchꞌo̱l,

Li xHu LAJ JOB 3:17

Eb li yibeb ru xnaꞌleb nequeꞌxcanab xba̱nunquil li incꞌaꞌ us nak nequeꞌcam. Ut eb li lublu̱queb chi cꞌanjelac nequeꞌhilan nak nequeꞌcam.

2 Corintios 5:8

La̱in ninye nak cau kachꞌo̱l riqꞌuin li Dios. Nakaj raj ca̱mc ut xcanabanquil li katzꞌejcual aꞌin re nak naru toxic saꞌ choxa chi cua̱nc riqꞌuin li Ka̱cuaꞌ Jesucristo.

San Lucas 7:50

Ut li Jesús quixye cuiꞌchic re li ixk: —Xban nak cuan a̱pa̱ba̱l, xatcoleꞌ. Joꞌcan nak ayu chi sa saꞌ a̱chꞌo̱l, chan re.

San Mateo 25:21

Ut lix patrón quixye re: “Kꞌaxal us xaba̱nu. La̱at cha̱bilat ut tzꞌakalat aj cꞌanjel. Saꞌ xbe̱n li caꞌchꞌin xinkꞌaxtesi a̱cue, cha̱bil xat-el. Anakcuan tinkꞌaxtesi chic nabal a̱cue. Chisahokꞌ saꞌ la̱ chꞌo̱l xban nak tattzꞌako̱nk ajcuiꞌ riqꞌuin li sahil chꞌo̱lejil li cuan cuiqꞌuin la̱in,” chan.

Eclesiastés 12:7

Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

2 Crónicas 16:14

Quimukeꞌ saꞌ lix tenamit laj David saꞌ li naꞌajej li quixcauresi laj Asa. Saꞌ li naꞌajej li queꞌxmuk cuiꞌ queꞌxqꞌue nabal pa̱y ru li sununquil ban yi̱banbil xbaneb li nequeꞌxnau yi̱ba̱nc sununquil ban. Nak ac xeꞌxmuk, queꞌxloch jun nimla xam re xqꞌuebal xlokꞌal.

San Lucas 16:22

Quicuulac xkꞌehil nak quicam li nebaꞌ ut quicꞌameꞌ xbaneb li ángel toj saꞌ choxa bar cuan cuiꞌ laj Abraham. Ut quicam ajcuiꞌ li biom ut quimukeꞌ.

Ezequiel 32:25

Saꞌ xya̱nkeb li camenak quiqꞌueheꞌ lix naꞌaj lix reyeb laj Elam rochbeneb li qꞌuila soldado. Ut chixjun sutam cuanqueb lix mukleba̱leb. Chixjunileb aꞌan incꞌaꞌ queꞌxpa̱b li Dios ut queꞌcamsi̱c saꞌ li ple̱t. Queꞌxqꞌue xxiuheb li tenamit nak toj yoꞌyo̱queb. Abanan xuta̱nal queꞌxcꞌul nak queꞌco̱eb saꞌ xnaꞌajeb li camenak.

Filipenses 1:23

Chꞌaꞌaj chokꞌ cue xnaubal bar cuan li kꞌaxal us. Nacuaj raj ca̱mc re nak tinxic riqꞌuin li Cristo. Aꞌan raj li kꞌaxal us chokꞌ cue la̱in.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Isaías 26:7

Ti̱c ru li be li nequeꞌnumeꞌ cuiꞌ li ti̱queb xchꞌo̱l. At Ka̱cuaꞌ, la̱at nacatti̱cobresin re li be chiruheb.

Isaías 14:18

Chixjunileb lix reyeb li tenamit queꞌmukeꞌ saꞌ xya̱lal ut aran yo̱queb chi hila̱nc chi xju̱nkaleb saꞌ lix mukleba̱leb.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Salmos 37:37

Cheqꞌuehak retal li ti̱queb xchꞌo̱l ut li cha̱bileb xnaꞌleb. Li nacuan saꞌ tuktu̱quil usilal ta̱cua̱nk ralal xcꞌajol.

Daniel 12:13

Ut la̱at, at Daniel, ti̱cak taxak la̱ yuꞌam toj saꞌ rosoꞌjic. Tatca̱mk abanan tatcuacli̱k cuiꞌchic ut ta̱cꞌul la̱ kꞌajca̱munquil saꞌ rosoꞌjiqueb li cutan, chan cue li xakxo saꞌ xbe̱n li haꞌ.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.