Isaías 57:18 - Li Santil hu

¹⁸ Usta ac ninnau chanru lix naꞌlebeb, abanan la̱in tinqꞌuirtesiheb. La̱in tinberesiheb ut tincꞌojob xchꞌo̱leb.

Q'eqchi Bible

¹⁸ Ak xwil li xb'aanuhom, ab'an tink'irtasi, tinb'eresi ut tink'ojob' xch'ool a'an jo'wi' li neke'yaab'ak chirix;

Isaías 57:18 ပူးပေါင်းရင်းမြစ်များ

Jeremías 33:6

Abanan la̱in tinqꞌuirtesiheb lin tenamit Jerusalén ut tinqꞌue xcacuilal xchꞌo̱leb. Ut tebinqꞌue cuiꞌchic chi cua̱nc saꞌ tuktu̱quil usilal. Ut ma̱cꞌaꞌ chic ta̱chꞌiꞌchꞌiꞌi̱nk reheb.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Jeremías 31:3

Li Ka̱cuaꞌ quixcꞌutbesi rib chiruheb laj Israel junxil ut quixye reheb: —La̱in junelic ninrahoc e̱re. Joꞌcan nak junelic nacuuxta̱na e̱ru.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Isaías 49:10

Incꞌaꞌ chic teꞌtzꞌoca̱k chi moco ta̱chakik reheb, ut lix tikcual li sakꞌe incꞌaꞌ ta̱chꞌiꞌchꞌiꞌi̱nk reheb xban nak li Jun li na-uxta̱nan ruheb tixberesiheb ut tixcꞌameb cuan cuiꞌ li yuꞌam haꞌ.

Isaías 30:26

Li po ta̱lemtzꞌu̱nk joꞌ li sakꞌe. Ut li sakꞌe kꞌaxal cuiꞌchic ta̱lemtzꞌu̱nk. Cuukub sut xtikcual chiru li naxqꞌue rajlal cutan. Chixjunil aꞌin ta̱cꞌulma̱nk saꞌ eb li cutan nak li Ka̱cuaꞌ tixcꞌameb cuiꞌchic saꞌ usilal lix tenamit ut tixqꞌueheb cuiꞌchic chi cua̱nc saꞌ lix naꞌajeb.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Eclesiastés 9:4

Li ani toj yoꞌyo cuan cꞌaꞌru naroybeni. Abanan li camenak chic ma̱cꞌaꞌ cꞌaꞌru naroybeni. Jun li tzꞌiꞌ yoꞌyo nacꞌanjelac, abanan li cakcoj camenak chic, aꞌan ma̱cꞌaꞌ na-oc cuiꞌ. Naraj naxye nak kꞌaxal us chokꞌ re li yoꞌyo chiru li ac camenak chic.

Salmos 51:12

Chaqꞌue ta cuiꞌchic chicuecꞌa li sahil chꞌo̱lej li caqꞌue chak cue nak xina̱col. Ut chaqꞌue taxak xcacuilal inchꞌo̱l re nak tinba̱nu li cꞌaꞌru nacacuaj.

Salmos 23:2

Aꞌan naxqꞌue chixjunil li cꞌaꞌru nacuaj joꞌ jun li pastor naril chi us lix carner. Naxcꞌam lix carner saꞌ li naꞌajej bar cuan cuiꞌ li cha̱bil pachꞌayaꞌ ut naxqꞌueheb chi hila̱nc. Chire li tuktu̱quil haꞌ naxqꞌueheb chi ucꞌac.

Romanos 5:20

Li chakꞌrab quiqꞌueheꞌ re xcꞌutbal nak numtajenak li ma̱c. Ut nak quinumta li ma̱c, kꞌaxal cuiꞌchic quinumta li rusilal li Dios saꞌ xbe̱n li ma̱c.

San Lucas 15:20

Saꞌ junpa̱t quicuacli ut quisukꞌi saꞌ rochoch lix yucuaꞌ. Toj cuan ajcuiꞌ chak chi najt nak qui-ileꞌ xban lix yucuaꞌ. Ut li yucuaꞌbej quiril xtokꞌoba̱l ru. Co̱ saꞌ a̱nil chixcꞌulbal li ralal. Quixkꞌalu ut quirutzꞌ ru.

Salmos 94:19

Nak incꞌaꞌ chic nintau cꞌaꞌru tinba̱nu, la̱at nacacꞌojob inchꞌo̱l. La̱at nacaqꞌue xsahil inchꞌo̱l.

Isaías 19:22

Li Ka̱cuaꞌ tixqꞌueheb laj Egipto chixtojbal rix lix ma̱queb. Abanan li Ka̱cuaꞌ tixcuyeb xma̱c ut tixtenkꞌaheb cuiꞌchic ut ta̱rosobtesiheb. Eb laj Egipto teꞌxsicꞌ li Ka̱cuaꞌ ut li Ka̱cuaꞌ ta̱ril xtokꞌoba̱leb ru ut ta̱rosobtesiheb.

Isaías 52:12

Abanan moco saꞌ a̱nil ta tex-e̱lk, chi moco tex-e̱lelik nak tex-e̱lk. Li Ka̱cuaꞌ aꞌan li ta̱cꞌamok be che̱ru ut aꞌan ajcuiꞌ li ta̱ilok e̱re.

Isaías 53:5

Abanan ma̱cꞌaꞌ xma̱c aꞌan. Yal xban li kama̱c ban la̱o nak quixcꞌul li raylal. Quisaqꞌueꞌ xban li kama̱usilal. Riqꞌuin li rahobtesi̱c li quixcꞌul, quixqꞌue ke li tuktu̱quil usilal ut riqꞌuin lix yocꞌolal, coxqꞌuirtesi.

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

Zacarías 1:13

Ut li Ka̱cuaꞌ Dios quichakꞌoc riqꞌuin cha̱bil a̱tin ut li ángel li yo̱ chi a̱tinac cuiqꞌuin quicꞌojla xchꞌo̱l chirabinquil li cꞌaꞌru quixye li Dios.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Jeremías 30:17

La̱in texinqꞌuirtesi ut tinban le̱ yocꞌolal, usta eb li xicꞌ nequeꞌiloc e̱re nequeꞌxye nak li tenamit Sión tzꞌekta̱nanbil ut ma̱ ani nacꞌoxlan re.