Isaías 57:17 - Li Santil hu

¹⁷ Xban li ma̱usilal li nequeꞌxba̱nu ut xban nak chixjunil nequeꞌxrahi ru, la̱in xinjoskꞌoꞌ riqꞌuineb. La̱in xinqꞌueheb chixtojbal lix ma̱queb ut xincanabeb xjuneseb. Abanan xeꞌxcacuubresi xchꞌo̱leb ut junelic xeꞌxba̱nu li incꞌaꞌ us.

Q'eqchi Bible

¹⁷ Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

Isaías 57:17 ပူးပေါင်းရင်းမြစ်များ

Isaías 56:11

Chanchaneb li tzꞌiꞌ li junes cuaꞌac nequeꞌraj ut incꞌaꞌ nacꞌojla xchꞌo̱leb. Chanchaneb laj ilol xul li incꞌaꞌ nequeꞌxtau xya̱lal. Chixjunileb nequeꞌxba̱nu li cꞌaꞌru nequeꞌraj ut junes li cꞌaꞌru us chokꞌ reheb nequeꞌxcꞌoxla.

Colosenses 3:5

Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios.

Jeremías 6:13

Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

2 Pedro 2:14

Aꞌaneb aj muxul caxa̱r. Caꞌaj cuiꞌ ixk nequeꞌxcꞌoxla ut incꞌaꞌ nequeꞌxcanab ma̱cobc. Nequeꞌoc chixkꞌunbesinquileb li toj kꞌuneb xchꞌo̱l. Eb li cui̱nk aꞌin cꞌaynakeb chixrahinquil ru li biomal. Eb aꞌan majecuanbileb chi junaj cua xban li Dios.

1 Timoteo 6:9

Abanan eb li nequeꞌrahoc ru li biomal, nequeꞌxqꞌue rib chi a̱le̱c ut nequeꞌxba̱nu li yibru aj naꞌleb. Aꞌan napoꞌoc ru lix cꞌaꞌuxeb ut riqꞌuin chixjunil li incꞌaꞌ us nequeꞌxba̱nu, nequeꞌxsach lix pa̱ba̱leb.

San Lucas 12:15

Ut quixye ajcuiꞌ reheb chixjunileb li cuanqueb aran: —Qꞌuehomak retal li cꞌaꞌru te̱ba̱nu. Incꞌaꞌ yo̱kex chixrahinquil ru li biomal, xban nak moco riqꞌuin ta kabiomal yoꞌyo̱co, chan.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Jeremías 22:17

Abanan li cꞌaꞌru nacacꞌoxla la̱at, caꞌaj cuiꞌ xra̱bal ru li cꞌaꞌak re ru ut li cꞌaꞌru nacacꞌul riqꞌuin balakꞌic. Nacarahobtesiheb li ma̱cꞌaꞌeb xma̱c ut nacacamsiheb, chan li Ka̱cuaꞌ.

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

Isaías 45:15

Li Ka̱cuaꞌ, le̱ Dios la̱ex aj Israel, aꞌan laj Colol e̱re. Aꞌan incꞌaꞌ na-ilman ru.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Eclesiastés 6:9

Kꞌaxal us nak tixcꞌojob xchꞌo̱l riqꞌuin li joꞌ qꞌuial cuan re chiru nak yo̱k chi cꞌoxlac chirix nabal xtzꞌakob li cꞌaꞌru re xban nak aꞌan ma̱cꞌaꞌ na-oc cuiꞌ. Junes raylal naxqꞌue.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Isaías 2:7

Cꞌajoꞌ li plata ut li oro cuan saꞌ lix tenamiteb. Nabal li cꞌaꞌak re ru terto xtzꞌak cuan riqꞌuineb. Nabaleb lix cacua̱y ut kꞌaxal cuiꞌchic nabal lix carruajeb.

Isaías 42:24

¿Ani li quiqꞌuehoc re chi elkꞌa̱c li cꞌaꞌru reheb li ralal xcꞌajol laj Jacob? Ut, ¿Ani li quikꞌaxtesin reheb laj Israel chi rahobtesi̱c? ¿Ma ma̱cuaꞌ ta biꞌ aꞌan li Ka̱cuaꞌ li xeꞌma̱cob chiru? Eb aꞌan incꞌaꞌ xeꞌxba̱nu li cꞌaꞌru quiraj li Ka̱cuaꞌ chi moco queꞌxba̱nu li cꞌaꞌru naxye saꞌ lix chakꞌrab.

Isaías 64:9

At Ka̱cuaꞌ, incꞌaꞌ taxak chinumta̱k la̱ joskꞌil saꞌ kabe̱n. Incꞌaꞌ taxak chicua̱nk saꞌ a̱chꞌo̱l junelic li kama̱c. Chacuil taxak xtokꞌoba̱l ku xban nak la̱o la̱ tenamit.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Jeremías 51:13

La̱ex aj Babilonia, li sutsu le̱ tenamit xbaneb li nimaꞌ, ta̱sachekꞌ e̱ru. Nabal le̱ biomal, abanan xcuulac xkꞌehil nak tex-osokꞌ.

Jeremías 8:6

Xinqꞌue retal chi tzꞌakal li cꞌaꞌru nequeꞌxye. Incꞌaꞌ nequeꞌa̱tinac saꞌ xya̱lal. Ma̱ ani nayotꞌeꞌ xchꞌo̱l xban li ma̱usilal naxba̱nu. Ma̱ ani naxye, “¿Cꞌaꞌru li incꞌaꞌ us xinba̱nu?” Nequeꞌxba̱nu ban li cꞌaꞌru nequeꞌraj. Chanchaneb li cacua̱y li nequeꞌxcutbe rib nak nequeꞌxic saꞌ li ple̱t.