Isaías 57:14 - Li Santil hu

¹⁴ Ut ta̱abima̱nk nak li Ka̱cuaꞌ tixye: —Chisukꞌi̱k cuiqꞌuin lin tenamit. Yi̱bomak li be ut ti̱cobresihomak ru. Ut isihomak chixjunil li cꞌaꞌru naramoc re lix beheb lin tenamit.—

Q'eqchi Bible

¹⁴ Toja' naq taayeemanq: “Tuqub'omaq, tuqub'omaq ru ut tehomaq li b'e; isihomaq chixjunil li naramok re xb'e lintenamit”.

Isaías 57:14 ပူးပေါင်းရင်းမြစ်များ

Isaías 62:10

Numenkex saꞌ li oqueba̱l re li tenamit. Yi̱bomak li be. Ti̱cobresihomak ru le̱ be chiruheb lin tenamit. Isihomak li pec saꞌ li be. Ut taksihomak li bandera re nak eb li tenamit teꞌril.

Isaías 40:3

Quicuabi jun xya̱b cux quixye cue chi joꞌcaꞌin: —Yi̱bomak ru li be saꞌ li chaki chꞌochꞌ chiru li Ka̱cuaꞌ. Ti̱cobresihomak li be chiru li kaDios.

Isaías 35:8

Ta̱cua̱nk aran jun li cha̱bil be. “Xbehil li Santilal” xcꞌabaꞌ. Eb li incꞌaꞌ useb xnaꞌleb incꞌaꞌ teꞌoc saꞌ li be aꞌan, chi moco teꞌoc aran li ma̱cꞌaꞌeb xnaꞌleb.

Jeremías 18:15

Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu.

1 Corintios 8:13

Joꞌcan nak cui li nintzaca naxqꞌue chi ma̱cobc li cuech aj pa̱banelil, ma̱ jokꞌe chic tintiu li mayejanbil tib xban nak incꞌaꞌ nacuaj nak teꞌma̱cobk inban la̱in.

Romanos 14:13

Chikacanabak xcuechꞌinquil kib chi kibil kib ut chikaba̱nu li us re nak li kech aj pa̱banelil incꞌaꞌ teꞌchꞌina̱nk xchꞌo̱leb saꞌ lix pa̱ba̱leb chi moco teꞌoc cuiꞌchic chi ma̱cobc kaban.

Hebreos 12:13

Ti̱cobresihomak ru le̱ be re nak li ye̱k incꞌaꞌ chic tixbachꞌ li rok; ta̱cacuu̱k ban. Naraj naxye: ti̱cak taxak le̱ yuꞌam re nak li toj acꞌ saꞌ lix pa̱ba̱l incꞌaꞌ ta̱chꞌina̱nk xchꞌo̱l. Teꞌcacuu̱k ban xchꞌo̱leb saꞌ lix pa̱ba̱leb.

2 Corintios 6:3

La̱o incꞌaꞌ nakaj xba̱nunquil li cꞌaꞌak re ru li ta̱ramok re chiruheb li ani teꞌraj pa̱ba̱nc re nak ma̱ ani ta̱cuechꞌok rix li cꞌanjel li yo̱co chixba̱nunquil.

1 Corintios 1:23

Aban la̱o nakachꞌolob xya̱lal nak li Cristo quicam chiru li cruz re kacolbal. Abanan li ca̱mc chiru cruz xuta̱nal chiruheb laj judío ut incꞌaꞌ nequeꞌraj xtaubal xya̱lal lix camic li Cristo. Joꞌcan nak chiruheb laj judío lix ya̱lal lix camic li Cristo chanchan jun li pec nequeꞌxtich rokeb chiru. Joꞌcan ajcuiꞌ chiruheb li ma̱cuaꞌeb aj judío, lix ya̱lal lix camic li Cristo to̱ntil naꞌleb chiruheb.

1 Corintios 8:9

Naru te̱tzaca li mayejanbil tzacae̱mk. Abanan cheqꞌuehak retal nak incꞌaꞌ te̱luctasi xchꞌo̱l li toj kꞌuneb xchꞌo̱l saꞌ lix pa̱ba̱leb xban nak nequetzaca aꞌan. Cheqꞌuehak retal nak incꞌaꞌ ta̱oc cuiꞌchic chi ma̱cobc e̱ban la̱ex.

Salmos 68:4

Chexbicha̱nk re xlokꞌoninquil li Dios. Chexbicha̱nk re xqꞌuebal xlokꞌal lix cꞌabaꞌ. Chenima ru li cuan saꞌ li chok li yo̱ chi cꞌamoc be. Nimajcual Dios lix cꞌabaꞌ. Chisahokꞌ taxak saꞌ le̱ chꞌo̱l riqꞌuin li Ka̱cuaꞌ.

Isaías 49:11

La̱in tinti̱cobresiheb li be saꞌ eb li tzu̱l ut tinyi̱beb li ni̱nki be re teꞌnumekꞌ cuiꞌ lin tenamit, chan li Dios.