Isaías 56:9 - Li Santil hu

⁹ La̱ex li jalan e̱tenamit, cha̱lkex ut chapomak li tenamit aꞌin joꞌ nak li joskꞌ aj xul naxchap lix tib toj retal naxchoy.

Q'eqchi Bible

⁹ Ex josq' aj xul, kimqex; ex xul li wankex chaq sa'eb' li k'iche', kimqex chi wa'ak.

Isaías 56:9 ပူးပေါင်းရင်းမြစ်များ

Jeremías 12:9

Li tenamit li sicꞌbil ru inban chanchaneb li xul li chꞌinaꞌus saꞌ rix, li nequeꞌrupupic, li quisuteꞌ xbaneb li cꞌuch li teꞌajok xcamsinquil. Bokomakeb chixjunileb li joskꞌ aj xul li cuanqueb saꞌ qꞌuicheꞌ re teꞌcha̱lk chixtiubal lix tibeb.

Ezequiel 39:17

Li nimajcual Dios quixye cue; —At ralal cui̱nk, bokeb li joskꞌ aj xul ut eb li qꞌuila pa̱y ru li xul li nequeꞌrupupic re teꞌcha̱lk saꞌ li mayejac li yo̱quin chixcauresinquil. Aꞌan jun nimla mayejac saꞌ eb li tzu̱l li cuanqueb Israel. Ta̱cua̱nk li tib re teꞌxtiu ut ta̱cua̱nk li quicꞌ re teꞌrucꞌ.

Ezequiel 29:5

La̱in tatincanab saꞌ li chaki chꞌochꞌ a̱cuochbeneb chixjunileb li car li cuanqueb saꞌ eb li nimaꞌ. Tatcana̱k chi tꞌantꞌo saꞌ chꞌochꞌ ut incꞌaꞌ tatmukekꞌ. Ut eb li joskꞌ aj xul ut eb li soꞌsol teꞌxtiu le̱ tibel.

Isaías 18:6

Ut eb le̱ tibel teꞌcanaba̱k chi tꞌantꞌo̱queb saꞌ eb li tzu̱l. Ut teꞌtiꞌekꞌ xbaneb li soꞌsol ut eb li joskꞌ aj xul, joꞌ saꞌ sakꞌehil joꞌ ajcuiꞌ saꞌ li habalkꞌe.

Deuteronomio 28:26

Eb laj xicꞌanel xul ut eb li joskꞌ aj xul teꞌxtiu le̱ tibel nak camenakex chic ut ma̱ ani ta̱chikꞌok reheb.

Salmos 104:20

La̱at caqꞌue li kꞌojyi̱n ut eb li xul li cuanqueb saꞌ qꞌuicheꞌ nequeꞌel chi be̱c chiru li kꞌojyi̱n.

Isaías 46:11

La̱in xinsicꞌ ru jun li cui̱nk saꞌ li oriente. Saꞌ najtil tenamit ta̱cha̱lk. Chanchan jun li soꞌsol nak tixsach ruheb li xicꞌ nequeꞌiloc e̱re. Li cꞌaꞌru xinye, aꞌan li ta̱cꞌulma̱nk. Li cꞌaꞌru xincꞌu̱b ru, aꞌan li tinba̱nu.

Jeremías 23:1

Raylal ta̱cha̱lk saꞌ xbe̱neb li nequeꞌcꞌamoc be saꞌ xya̱nkeb lin tenamit xban nak xeꞌxcanab chi jeqꞌui̱c ruheb lin tenamit ut xeꞌxcanab chi sachecꞌ ruheb.