Isaías 56:7 - Li Santil hu

⁷ la̱in tincꞌameb saꞌ lin santil tzu̱l ut tinqꞌue xsahileb xchꞌo̱l saꞌ lin templo li nequeꞌtijoc cuiꞌ. La̱in tincꞌul lix mayej ut li xul li nequeꞌxcꞌat chiru lin artal. Lin templo, aꞌan li naꞌajej re tijoc re chixjunileb li tenamit, chan li Ka̱cuaꞌ.

Q'eqchi Bible

⁷ laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Isaías 56:7 ပူးပေါင်းရင်းမြစ်များ

San Marcos 11:17

Ut qui-oc xchꞌolobanquil xya̱lal chiruheb ut quixye: —¿Ma incꞌaꞌ ta biꞌ tzꞌi̱banbil saꞌ li Santil Hu li cꞌaꞌru quixye li Dios? “Li cuochoch, aꞌan re teꞌtijok cuiꞌ chixjunileb li tenamit.” Abanan la̱ex xeqꞌue li rochoch li Dios chokꞌ xnaꞌajeb laj e̱lkꞌ, chan li Jesús.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

San Lucas 19:46

Quixye reheb: —Tzꞌi̱banbil retalil saꞌ li Santil Hu chi joꞌcaꞌin: Li cuochoch aꞌin re teꞌtijok cuiꞌ li tenamit. Abanan la̱ex xeqꞌue li templo chokꞌ xnaꞌajeb laj e̱lkꞌ, chan li Jesús.

San Mateo 21:13

Quixye reheb: —Joꞌcaꞌin tzꞌi̱banbil saꞌ li Santil Hu chirix li rochoch li Dios: Li cuochoch aꞌin re teꞌtijok cuiꞌ li tenamit nak cuan. Abanan la̱ex xeqꞌue li rochoch li Dios chokꞌ xnaꞌajeb laj e̱lkꞌ, chan li Jesús reheb.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Salmos 2:6

Li Dios quixye: —Xinxakab li Rey li xinsicꞌ ru. La̱in xinxakaban re saꞌ lin santil tenamit Sión.— (Jerusalén nayeman ajcuiꞌ re.)

Hebreos 12:22

Abanan la̱ex incꞌaꞌ xeba̱nu joꞌ queꞌxba̱nu eb laj Israel. Nak la̱ex nequepa̱b li Cristo, chanchan nak ac xexjiloc riqꞌuin li tzu̱l Sión. Sión naraj naxye li santil choxa cuan cuiꞌ li yoꞌyo̱quil Dios. Acꞌ Jerusalén nayeman ajcuiꞌ re li naꞌajej aꞌan. Aran cuanqueb li qꞌuila okꞌob chi ángel. Yo̱queb chixlokꞌoninquil li Dios.

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

1 Timoteo 2:8

Yalak bar chꞌutchꞌu̱quex chixlokꞌoninquil li Dios, nacuaj nak eb li cui̱nk teꞌcꞌamok be chi tijoc. Abanan, tento nak ti̱cak xchꞌo̱leb li cui̱nk aꞌin ut ma̱cꞌaꞌak xjoskꞌil chi moco teꞌcuechꞌi̱nk.

Éxodo 28:38

Li mitra junelic cua̱nk saꞌ xjolom laj Aarón nak tixkꞌaxtesi chiru li Dios lix mayejeb li tenamit. Ut cui teꞌpaltok laj Israel riqꞌuin li mayej teꞌxqꞌue, lix ma̱queb ta̱cana̱k saꞌ xbe̱n laj Aarón. Abanan li Dios tixcꞌul lix mayejeb xban nak li jun chꞌina pere̱l chi oro tzꞌi̱banbil cuiꞌ li a̱tin junelic cua̱nk saꞌ xjolom laj Aarón.

Isaías 11:9

Saꞌ lin santil tzu̱l ma̱ ani chic tixchꞌeꞌ rib ut incꞌaꞌ chic teꞌxrahobtesi ribeb chi ribileb rib xban nak chixjunil li ruchichꞌochꞌ nujenak riqꞌuin lix naꞌleb li Ka̱cuaꞌ joꞌ nak nanujac li palau riqꞌuin haꞌ.

Isaías 19:19

Saꞌ eb li cutan aꞌan ta̱cua̱nk jun li artal re xlokꞌoninquil li Ka̱cuaꞌ aran Egipto. Ut ta̱cua̱nk ajcuiꞌ jun li pec najt xteram saꞌ li nuba̱l re xqꞌuebal xlokꞌal li Ka̱cuaꞌ.

Isaías 19:21

Li Ka̱cuaꞌ tixcꞌutbesi rib chiruheb laj Egipto re nak teꞌxqꞌue retal nak aꞌan li Ka̱cuaꞌ ut teꞌxlokꞌoni. Teꞌxqꞌue chokꞌ xmayej li ru li trigo ut teꞌmayejak chiru li Ka̱cuaꞌ. Teꞌxye re li Ka̱cuaꞌ cꞌaꞌru li teꞌxba̱nu ut teꞌxba̱nu li cꞌaꞌru teꞌxyechiꞌi.

Isaías 25:6

Saꞌ li tzu̱l Sión li Ka̱cuaꞌ li nimajcual Dios tixba̱nu jun li ninkꞌe re chixjunileb li xni̱nkal ru tenamit. Teꞌxtzaca li cha̱bil tzacae̱mk ut teꞌrucꞌ li cha̱bil vino.

Isaías 56:5

la̱in tinqꞌue reheb li cꞌaꞌru lokꞌ chiruheb li cocꞌal. Tzꞌi̱banbilak retalil lix cꞌabaꞌeb chiru li tzꞌac saꞌ lin templo. Lix cꞌabaꞌeb ta̱julticama̱nk chi junelic kꞌe cutan. Incꞌaꞌ ta̱sachk.

Isaías 60:7

Teꞌxchꞌutub chixjunileb li queto̱mk aran Cedar re teꞌxcꞌam e̱riqꞌuin. Teꞌxsi e̱re li carner re Nebaiot. Ut aꞌan ta̱cꞌanjelak re teꞌxmayeja saꞌ li artal li nequeꞌxlokꞌoni cuiꞌ. Ut li Ka̱cuaꞌ tixqꞌue xlokꞌal saꞌ lix templo.

Isaías 60:11

Incꞌaꞌ chic ta̱tzꞌapma̱nk li oqueba̱l re le̱ tenamit. Junelic teto̱k chi kꞌek chi cutan, re nak eb li tenamit teꞌxcꞌam chak chokꞌ e̱re lix biomaleb. Eb lix reyeb li jalan xtenamiteb teꞌcꞌamekꞌ chak e̱riqꞌuin.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Isaías 65:25

Eb laj xoj ut eb li carner cuotz teꞌcuaꞌak. Ut li cakcoj teꞌcuaꞌak pim joꞌ li bo̱yx. Ut li cꞌantiꞌ teꞌxlou li poks ut incꞌaꞌ chic teꞌtiꞌok. Saꞌ li tzu̱l Sión li sicꞌbil ru inban, incꞌaꞌ chic teꞌtiꞌok li xul ut incꞌaꞌ chic teꞌxba̱nu raylal, chan li Dios.

Jeremías 7:11

¿Ma xsukꞌi ta biꞌ lin templo li ninlokꞌoni̱c cuiꞌ chokꞌ xnaꞌajeb aj e̱lkꞌ nak nequecꞌoxla la̱ex? ¿Ma incꞌaꞌ ta biꞌ ninnau cꞌaꞌru yo̱quex chixba̱nunquil?” chan li Ka̱cuaꞌ.

Ezequiel 20:40

Abanan mokon che̱junilex la̱ex aj Israel tine̱lokꞌoni saꞌ lin santil naꞌajej saꞌ li tzu̱l Sión li cuan aran Israel. Ta̱sahokꞌ inchꞌo̱l e̱riqꞌuin xban nak che̱junilex texcꞌanjelak chicuu. La̱in tinye e̱re nak te̱cꞌam le̱ mayej chicuu ut la̱in tincꞌul. Te̱cꞌam chak cue li xbe̱n ru le̱ racui̱mk ut li cꞌaꞌru lokꞌ che̱ru.

Ezequiel 47:22

Nak te̱bu̱li rix li chꞌochꞌ re te̱jeqꞌui saꞌ e̱ya̱nk, te̱qꞌue ajcuiꞌ reheb li jalaneb xtenamit li cuanqueb saꞌ e̱ya̱nk. Teꞌxcꞌul lix chꞌochꞌeb li cuanqueb ralal xcꞌajol li queꞌyoꞌla saꞌ le̱ tenamit. Teꞌbu̱lik e̱rochben re nak teꞌtzꞌak chꞌochꞌ saꞌ e̱ya̱nk la̱ex aj Israel.

Joel 3:17

La̱ex te̱nau nak la̱in li Ka̱cuaꞌ le̱ Dios ut cuanquin saꞌ lin santil naꞌaj saꞌ xbe̱n li tzu̱l Sión. Li tenamit Jerusalén ta̱santobresi̱k ut incꞌaꞌ chic teꞌcha̱lk li jalaneb xtenamit chi numta̱c saꞌ xbe̱n li tenamit Israel.

1 Reyes 8:41

Ma̱re cuanqueb jalan xtenamit ma̱cuaꞌ xcomoneb la̱ tenamit Israel teꞌcha̱lk saꞌ najtil tenamit chixya̱banquil la̱ cꞌabaꞌ saꞌ li naꞌajej aꞌin.

Isaías 57:13

Nak te̱jap e̱re chixtzꞌa̱manquil e̱tenkꞌanquil, eb le̱ yi̱banbil dios incꞌaꞌ textenkꞌa. Texcꞌamekꞌ xban ikꞌ usta moco cau ta ta̱ecꞌa̱nk. Abanan eb li nequeꞌxcꞌojob xchꞌo̱l cuiqꞌuin teꞌre̱chani li naꞌajej ut teꞌre̱chani ajcuiꞌ lin santil tzu̱l.

Isaías 65:11

Abanan la̱ex li nequextzꞌekta̱nan cue, ra te̱cꞌul joꞌ ajcuiꞌ li nequeꞌtzꞌekta̱nan re lin santil tzu̱l. Ra te̱cꞌul la̱ex li nequemayeja li tzacae̱mk ut li vino chiruheb li yi̱banbil dios Gad ut Mení, lix diosil li biomal.