Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 56:6 - Li Santil hu

6 Ut eb li jalan xtenamiteb li tineꞌxpa̱b ut teꞌcꞌanjelak chicuu ut teꞌrahok cue, cui nequeꞌx-oxlokꞌi li hiloba̱l cutan ut incꞌaꞌ nequeꞌxmux ru ut incꞌaꞌ nequeꞌxkꞌet lin contrato,

အခန်းကိုကြည့်ပါ။ ကော်ပီ

Q'eqchi Bible

6 Ut eb' laj ab'l xtenamit li xe'xq'axtesi rib' re li Qaawa' cho'q aj k'anjel chiru re xraab'al li Yos ut k'anjelak chiru, wi te'roxloq'i li sábado ut ink'a' te'xmux ru, wi kawaqeb' xch'ool rik'in linsumwank,

အခန်းကိုကြည့်ပါ။ ကော်ပီ




Isaías 56:6
24 ပူးပေါင်းရင်းမြစ်များ  

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.


Qꞌuehomak xlokꞌal li hiloba̱l cutan ut incꞌaꞌ te̱ba̱nu li cꞌaꞌru nequeraj e̱junes saꞌ lin santil cutan. Aꞌinak jun cutan re sahil chꞌo̱lejil ut kꞌaxal lokꞌ. Cheqꞌuehak xlokꞌal ut me̱mux ru. Me̱ba̱nu li cꞌaꞌru nequeraj la̱ex ut mex-a̱tinac chi ma̱cꞌaꞌ rajbal.


Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.


Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.


Cuanqueb li teꞌxye, “La̱in rehin li Ka̱cuaꞌ.” Ut cuanqueb cuiꞌchic li teꞌxye, “La̱in rehin laj Jacob.” Ut cuanqueb li teꞌxtzꞌi̱ba chiruheb xtel “La̱in rehin li Ka̱cuaꞌ” ut teꞌxye nak aꞌan xcomoneb laj Israel.—


Saꞌ li cutan nak nakachꞌutub kib chixlokꞌoninquil li Ka̱cuaꞌ, riqꞌuin xcuanquil li Santil Musikꞌej, li Dios quixcꞌutbesi jun li visión chicuu. Quicuabi jun xya̱b cux chicuix. Chanchan xya̱b jun li trompeta yo̱ chi ecꞌa̱nc.


Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.


Us xak reheb li nequeꞌxcuy xnumsinquil li raylal ut incꞌaꞌ nequeꞌchꞌinan xchꞌo̱l. Li ani naxcuy xnumsinquil li yalecꞌ teꞌxcꞌul lix ma̱tan li naxyechiꞌi li Dios reheb li nequeꞌrahoc re. Ut lix ma̱taneb, aꞌan li yuꞌam chi junelic.


Chicua̱nk taxak li rusilal li Dios e̱riqꞌuin che̱junilex la̱ex li nequexrahoc re li Ka̱cuaꞌ Jesucristo chi anchal e̱chꞌo̱l ut chi junelic. Joꞌcan taxak.


Incꞌaꞌ xkacꞌoxla nak nabal ta teꞌxqꞌue. Queꞌxkꞌaxtesi rib chiru li Dios ut queꞌxyechiꞌi ajcuiꞌ rib chikatenkꞌanquil joꞌ naraj li Dios.


Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.


Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.


Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.


Eb li jalan xtenamit teꞌcꞌanjelak che̱ru. Aꞌaneb teꞌilok reheb le̱ queto̱mk. Teꞌxtrabaji le̱ chꞌochꞌ ut teꞌxcꞌacꞌale le̱ racui̱mk.


Li Ka̱cuaꞌ quixye reheb li cuanqueb Jerusalén: —Eb li jalaneb xtenamit teꞌxyi̱b cuiꞌchic li tzꞌac li sutsu cuiꞌ le̱ tenamit. Eb lix reyeb teꞌcꞌanjelak che̱ru. Nak yo̱ injoskꞌil la̱in quexinqꞌue chixtojbal e̱ma̱c. Abanan anakcuan xban nak xcuil xtokꞌoba̱l e̱re, xcuuxta̱na cuiꞌchic e̱ru.


Li Ka̱cuaꞌ ta̱ril xtokꞌoba̱l ruheb laj Israel, li ralal xcꞌajol laj Jacob. Tixsicꞌ cuiꞌchic ruheb ut tixcꞌameb cuiꞌchic saꞌ lix naꞌajeb. Ut eb li jalaneb xtenamiteb teꞌcha̱lk chi cua̱nc aran rochbeneb.


Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.


Abanan eb laj Israel queꞌxkꞌetkꞌeti ribeb chicuu saꞌ li chaki chꞌochꞌ. Incꞌaꞌ queꞌxba̱nu li cꞌaꞌru quinye reheb. Queꞌxtzꞌekta̱na lin chakꞌrab usta queꞌxnau nak riqꞌuin xba̱nunquil li cꞌaꞌru ninye cua̱nk xyuꞌameb. Ut queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb ut tinsach ruheb saꞌ li chaki chꞌochꞌ.


Nak te̱bu̱li rix li chꞌochꞌ re te̱jeqꞌui saꞌ e̱ya̱nk, te̱qꞌue ajcuiꞌ reheb li jalaneb xtenamit li cuanqueb saꞌ e̱ya̱nk. Teꞌxcꞌul lix chꞌochꞌeb li cuanqueb ralal xcꞌajol li queꞌyoꞌla saꞌ le̱ tenamit. Teꞌbu̱lik e̱rochben re nak teꞌtzꞌak chꞌochꞌ saꞌ e̱ya̱nk la̱ex aj Israel.


Li cuanqueb chak chi najt teꞌcha̱lk chi tenkꞌa̱nc re xyi̱banquil lix templo li Ka̱cuaꞌ. Riqꞌuin aꞌin te̱qꞌue retal nak li Ka̱cuaꞌ li nimajcual Dios, aꞌan li quitaklan chak cue saꞌ e̱ya̱nk. Ut chixjunil aꞌin talajcꞌulma̱nk nak la̱ex te̱rabi ut te̱ba̱nu li cꞌaꞌru naxye li Ka̱cuaꞌ li kaDios.—


Ma̱re cuanqueb jalan xtenamit ma̱cuaꞌ xcomoneb la̱ tenamit Israel teꞌcha̱lk saꞌ najtil tenamit chixya̱banquil la̱ cꞌabaꞌ saꞌ li naꞌajej aꞌin.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ