Isaías 56:3 - Li Santil hu

³ Cui cuan junak li jalan xtenamit tixpa̱b li Ka̱cuaꞌ incꞌaꞌ naru tixye nak li Ka̱cuaꞌ incꞌaꞌ tixcꞌul saꞌ xya̱nkeb li ralal xcꞌajol. Chi moco junak li eunuco naru tixye, “ma̱cꞌaꞌ nin-oc cuiꞌ xban nak incꞌaꞌ naru nacuan cualal incꞌajol”.

Q'eqchi Bible

³ Naq junaq ab'l tenamit tixq'axtesi rib' re li Qaawa', ink'a' naru tixye: “Li Qaawa' ink'a' tinxk'ul sa' xyanqeb' li xtenamit”. Chi moko li winq kapuninb'il tixye: “Laa'in jun chaqiche'”.

Isaías 56:3 ပူးပေါင်းရင်းမြစ်များ

1 Corintios 6:17

Ut ani naxjunaji rib riqꞌuin li Ka̱cuaꞌ, aꞌan junaj chic riqꞌuin saꞌ musikꞌej.

Efesios 2:22

Joꞌcan ajcuiꞌ la̱ex. Xban nak rehex chic li Cristo, junajex chic riqꞌuineb laj pa̱banel. Ut la̱ex ajcuiꞌ li rochoch li Dios xban nak li Santil Musikꞌej cuan e̱riqꞌuin.

Romanos 15:16

La̱in nincꞌanjelac chiru li Jesucristo saꞌ xya̱nkeb li ma̱cuaꞌeb aj judío. Lin cꞌanjel aꞌan xchꞌolobanquil xya̱lal li colba-ib re nak eb li ma̱cuaꞌeb aj judío teꞌxkꞌaxtesi rib chiru li Dios. Ut li Dios ta̱sahokꞌ saꞌ xchꞌo̱l riqꞌuineb, ut teꞌsantobresi̱k xban li Santil Musikꞌej.

Hechos 17:4

Cuanqueb aj judío queꞌpa̱ban ut queꞌcana chirochbeninquil laj Pablo ut laj Silas. Joꞌcan ajcuiꞌ queꞌxba̱nu nabaleb laj griego li nequeꞌxlokꞌoni li Dios. Ut nabaleb li ixk li naꞌno̱queb ru queꞌpa̱ban.

Hechos 10:34

Quixtiquib a̱tinac laj Pedro ut quixye: —Anakcuan xinqꞌue retal chi tzꞌakal nak li Dios incꞌaꞌ naxsicꞌ ru li ani naxra.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Isaías 56:5

la̱in tinqꞌue reheb li cꞌaꞌru lokꞌ chiruheb li cocꞌal. Tzꞌi̱banbilak retalil lix cꞌabaꞌeb chiru li tzꞌac saꞌ lin templo. Lix cꞌabaꞌeb ta̱julticama̱nk chi junelic kꞌe cutan. Incꞌaꞌ ta̱sachk.

Isaías 39:7

Ut cuanqueb ajcuiꞌ la̱ cualal a̱cꞌajol li teꞌcꞌamekꞌ. Eb aꞌan teꞌcua̱nk chokꞌ eunucos saꞌ li rochoch lix reyeb laj Babilonia, chan.

Isaías 14:1

Li Ka̱cuaꞌ ta̱ril xtokꞌoba̱l ruheb laj Israel, li ralal xcꞌajol laj Jacob. Tixsicꞌ cuiꞌchic ruheb ut tixcꞌameb cuiꞌchic saꞌ lix naꞌajeb. Ut eb li jalaneb xtenamiteb teꞌcha̱lk chi cua̱nc aran rochbeneb.

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Números 18:4

Teꞌcꞌanjelak a̱cuochben ut teꞌxba̱nu li cꞌanjel saꞌ li tabernáculo. Ma̱ jun jalan naru teꞌtenkꞌa̱nk e̱re nak yo̱kex chi cꞌanjelac saꞌ li tabernáculo.

1 Pedro 1:1

La̱in laj Pedro. La̱in x-apóstol li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li xejeqꞌui e̱rib saꞌ li junju̱nk chi naꞌajej. Yal numecꞌ yo̱quex xban nak ma̱cuaꞌ e̱tenamit li cuanquex cuiꞌ, la̱ex li cuanquex saꞌ xcue̱nt Ponto, ut saꞌ xcue̱nt Galacia ut Capadocia, joꞌ ajcuiꞌ li cuanquex saꞌ xcue̱nt Asia ut Bitinia.

Hechos 18:7

Joꞌcan nak laj Pablo qui-el saꞌ xya̱nkeb ut co̱ chi cua̱nc saꞌ rochoch jun li cui̱nk ma̱cuaꞌ aj judío. Aj Justo xcꞌabaꞌ. Li cui̱nk aꞌan naxlokꞌoni li Dios. Li rochoch cuan chixcꞌatk li cab li nequeꞌxchꞌutub cuiꞌ ribeb laj judío.

Efesios 2:12

Junxil moco cuan ta li Cristo e̱riqꞌuin ut ma̱cuaꞌex xcomoneb laj Israel. Incꞌaꞌ querabi resil li contrato li quiyehoc resil lix cꞌulunic laj Colonel. Cuanquex arin saꞌ ruchichꞌochꞌ chi ma̱cꞌaꞌ cꞌaꞌru yo̱quex chiroybeninquil ut chi ma̱cꞌaꞌ li Dios e̱riqꞌuin.

Levítico 21:20

Chi moco li cꞌutzcꞌu rix, chi moco li metꞌ aj cui̱nk, chi moco li cuan xyajel li xnakꞌ ru, chi moco li cuan xox chirix, chi moco li sal rix, chi moco li tochꞌol xnakꞌ xtzꞌejcual naru nequeꞌcꞌanjelac chi qꞌuehoc mayej.

2 Crónicas 6:32

Ma̱re cuanqueb jalan xtenamit ma̱cuaꞌ xcomoneb la̱ tenamit Israel teꞌcha̱lk saꞌ najtil tenamit chixya̱banquil la̱ cꞌabaꞌ saꞌ li templo aꞌin xban nak teꞌrabi nak kꞌaxal nim la̱ cuanquil ut nim la̱ cuuxta̱n.

Isaías 56:6

Ut eb li jalan xtenamiteb li tineꞌxpa̱b ut teꞌcꞌanjelak chicuu ut teꞌrahok cue, cui nequeꞌx-oxlokꞌi li hiloba̱l cutan ut incꞌaꞌ nequeꞌxmux ru ut incꞌaꞌ nequeꞌxkꞌet lin contrato,

Levítico 25:45

Naru te̱lokꞌ chokꞌ e̱mo̱s li jalan xtenamiteb li cuanqueb saꞌ e̱ya̱nk. Ut naru ajcuiꞌ te̱lokꞌ li ralal xcꞌajol eb aꞌan li teꞌyoꞌla̱k saꞌ le̱ tenamit.

Deuteronomio 23:9

Nak acak xic e̱re chi pletic riqꞌuineb li xicꞌ nequeꞌiloc e̱re cheqꞌuehak retal re nak incꞌaꞌ te̱ba̱nu li cꞌaꞌak re ru incꞌaꞌ us.

Ester 9:27

chixjunileb laj judío queꞌxye nak teꞌxba̱nu li ninkꞌe aꞌin rajlal chihab. Ut queꞌxcꞌaytesi ajcuiꞌ li ralal xcꞌajoleb xninkꞌeinquil li cutan aꞌan. Ut queꞌxye nak li joꞌ qꞌuialeb li queꞌoc saꞌ xya̱nkeb laj judío teꞌxninkꞌei ajcuiꞌ li cutan aꞌan. Junelic teꞌxninkꞌei ru li cuib chi cutan aꞌan rajlal chihab.