Isaías 55:9 - Li Santil hu

⁹ Kꞌaxal cuiꞌchic nabal lin naꞌleb la̱in ut kꞌaxal cha̱bil chiru le̱ naꞌleb la̱ex. Lin cꞌaꞌux la̱in naxkꞌax ru le̱ cꞌaꞌux la̱ex. Chanchan xnajtil li choxa saꞌ xbe̱n li ruchichꞌochꞌ.

Q'eqchi Bible

⁹ Jo' naq q'axal najt wank li choxa sa' xb'een li ruuchich'och', jo'kan ajwi' linna'leb' naxq'ax ru leena'leb' ut q'axal nim link'a'uxl chiru leek'a'uxl laa'ex.

Isaías 55:9 ပူးပေါင်းရင်းမြစ်များ

Salmos 103:11

Kꞌaxal nim lix rahom li Ka̱cuaꞌ. Chanchan xnimal li choxa li cuan saꞌ xbe̱n li ruchichꞌochꞌ. Joꞌcan lix nimal lix rahom saꞌ xbe̱neb li nequeꞌxxucua ru.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Salmos 77:19

Usta kꞌaxal cham li palau, abanan la̱at catnumeꞌ aran nak cajach ru ut ma̱ ani qui-iloc re nak catnumeꞌ aran.

Salmos 36:5

Abanan la̱at, at Ka̱cuaꞌ, kꞌaxal nim la̱ rahom. Incꞌaꞌ naru xbisbal. Kꞌaxal nim la̱ cuuxta̱n saꞌ xbe̱neb la̱ cualal a̱cꞌajol.

Salmos 89:2

Tinye resil nak la̱ cuuxta̱n incꞌaꞌ nalaj incꞌaꞌ na-osoꞌ. Cuan ban chi junelic. Joꞌ nak li choxa cuan saꞌ xnaꞌaj chi junelic, joꞌcan ajcuiꞌ la̱ cha̱bilal cuan chi junelic.

2 Samuel 7:19

At Ka̱cuaꞌ Dios, cha̱cuu la̱at toj ma̱jiꞌ tzꞌakal li xaye xban nak xaye ajcuiꞌ nak junelic xakxo̱k xcuanquileb li cualal incꞌajol li teꞌcua̱nk mokon. Ma̱ jun cui̱nk naba̱nun re li nacaba̱nu la̱at, at Ka̱cuaꞌ, at nimajcual Dios.

Isaías 14:24

Ac xye riqꞌuin juramento li nimajcual Dios li a̱tin aꞌin: —Relic chi ya̱l nak ta̱cꞌulma̱nk joꞌ xincꞌu̱b ru la̱in. Ta̱cꞌulma̱nk joꞌ xinye la̱in.

Salmos 92:6

Li ani ma̱cꞌaꞌ xnaꞌleb incꞌaꞌ naxtau ru li naꞌleb aꞌin.