Isaías 55:3 - Li Santil hu

³ Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Q'eqchi Bible

³ Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Isaías 55:3 ပူးပေါင်းရင်းမြစ်များ

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

Proverbios 4:20

Ex cualal incꞌajol, cheqꞌuehak retal chi us li yo̱quin chixyebal e̱re ut qꞌuehomak e̱chꞌo̱l chixba̱nunquil.

San Juan 10:27

Eb li cualal incꞌajol nequeꞌrabi li cꞌaꞌru ninye. La̱in ninnauheb ru ut eb aꞌan nequeꞌxba̱nu li cꞌaꞌru ninye.

Hechos 13:34

Quixcuaclesi cuiꞌchic chi yoꞌyo saꞌ xya̱nkeb li camenak ut incꞌaꞌ chic ta̱ca̱mk joꞌ tzꞌi̱banbil retalil saꞌ li hu Isaías li naxye chi joꞌcaꞌin: La̱in texcuosobtesi ut tinqꞌue e̱re li ma̱tan li quinyechiꞌi re laj David junxil. (Isa. 55:3)

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

San Juan 6:37

Chixjunileb li tixkꞌaxtesi cue li Yucuaꞌbej, tineꞌxpa̱b. Ut li ani napa̱ban cue, la̱in incꞌaꞌ tintzꞌekta̱na.

Isaías 61:8

La̱in li Ka̱cuaꞌ Dios. Nacuulac chicuu li ti̱quilal ut xicꞌ nacuil li elkꞌac ut li ma̱c. Xban xti̱quilal inchꞌo̱l la̱in tinqꞌue xra̱baleb lin tenamit. Tinba̱nu jun contrato riqꞌuineb ut xakabanbilak xcuanquil chi junelic.

Salmos 78:1

Ex intenamit, cheqꞌuehak retal li tijleb li oc cue chixyebal e̱re ut canabomak e̱rib chirabinquil li cua̱tin.

Isaías 54:8

Nak yo̱ injoskꞌil xinmuk cuib che̱ru junpa̱t. Abanan xban nak junelic nin-uxta̱nan u, la̱in tincuil cuiꞌchic xtokꞌoba̱l e̱ru, chan li Ka̱cuaꞌ laj Colol e̱re.

Levítico 18:5

Cui te̱ba̱nu li cꞌaꞌru naxye lin chakꞌrab li xinqꞌue e̱re, ut cui te̱ba̱nu chixjunil li cꞌaꞌru xexintakla cuiꞌ, ta̱cua̱nk le̱ yuꞌam. La̱in li Ka̱cuaꞌ le̱ Dios.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

San Juan 8:47

Cui ta la̱ex ralal xcꞌajol li Dios, nequepa̱b raj li cꞌaꞌru naxye. Abanan la̱ex ma̱cuaꞌex ralal xcꞌajol li Dios. Joꞌcan nak incꞌaꞌ nequeraj rabinquil li cꞌaꞌru naxye, chan li Jesús.

San Mateo 17:5

Toj yo̱ ajcuiꞌ chi a̱tinac aꞌan nak quichal saꞌ xbe̱neb jun li chok nalemtzꞌun. Li Dios quia̱tinac chak saꞌ li chok, ut quixye: —Aꞌin li cualal raro inban. Riqꞌuin aꞌan nasahoꞌ inchꞌo̱l. Cherabihak li cꞌaꞌru tixye.—

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Jeremías 30:9

Teꞌcꞌanjelak ban chic chicuu la̱in lix Dioseb ut chiru li ralal laj David li tinxakab chokꞌ xreyeb.

Salmos 119:112

Ut quinqꞌue inchꞌo̱l chixba̱nunquil li cꞌaꞌru naxye la̱ chakꞌrab chalen toj chirix incamic.

Salmos 89:28

Junelic tinra aꞌan ut incꞌaꞌ ta̱sachk xcuanquil li contrato li xinba̱nu riqꞌuin.

2 Samuel 23:5

Usta ma̱cuaꞌ joꞌcaneb li cualal incꞌajol riqꞌuin li Dios, abanan li Dios quixba̱nu li contrato cuiqꞌuin ut xakxo̱k xcuanquil chi junelic. Aꞌan xyehoc re chixjunil li cꞌaꞌak re ru aꞌin, ut tento ta̱uxma̱nk usta toj ma̱jiꞌ nacꞌulman. Ninnau nak laj Colol cue tixba̱nu li cꞌaꞌru nacuaj.

San Mateo 13:16

Us xak e̱re la̱ex xban nak nequex-iloc ut nequeqꞌue retal li cꞌaꞌru nequeril. Nequex-abin ut nequetau ru lix ya̱lal.

Romanos 10:5

Laj Moisés quitzꞌi̱bac chirix li chakꞌrab ut quixye: Cui ani tixpa̱b li chakꞌrab ut tixba̱nu chi tzꞌakal li cꞌaꞌru naxye, aꞌan ti̱c xchꞌo̱l chiru li Dios ut ta̱cua̱nk xyuꞌam.

San Juan 7:37

Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

2 Crónicas 6:42

At Ka̱cuaꞌ, at kaDios, chasume taxak li cꞌaꞌru nintzꞌa̱ma cha̱cuu. La̱in li rey li sicꞌbil cuu a̱ban. Ut chijulticokꞌ taxak a̱cue la̱ rahom saꞌ xbe̱n laj David laj cꞌanjel cha̱cuu, chan laj Salomón.

Salmos 119:175

Chaqꞌue taxak inyuꞌam re nak tinqꞌue a̱lokꞌal. Ut aꞌ taxak la̱ chakꞌrab chiqꞌuehok re xcacuilal inchꞌo̱l.

Isaías 51:4

Chine̱rabi, ex intenamit. Cheqꞌuehak retal li oc cue chixyebal. La̱in tinqꞌue lin chakꞌrab reheb li xni̱nkal ru tenamit. Ut lin ti̱quilal ta̱cutanobresi̱nk reheb li tenamit.

Isaías 54:10

Usta na-ecꞌasi̱c li tzu̱l saꞌ xnaꞌajeb ut usta nequeꞌtꞌaneꞌ li tzu̱l, abanan lin rahom saꞌ e̱be̱n ma̱ jokꞌe ta̱jala̱k. Junelic ban texinra. Tinba̱nu li xinye saꞌ li contrato li xinba̱nu e̱riqꞌuin re nak junelic cua̱nko saꞌ usilal, chan li Ka̱cuaꞌ li na-uxta̱nan e̱ru.

Jeremías 38:20

Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.

Ezequiel 16:60

Abanan toj cuan saꞌ inchꞌo̱l cꞌaꞌru quinye saꞌ li contrato li quinba̱nu a̱cuiqꞌuin saꞌ a̱sa̱jilal. La̱in tinxakab xcuanquil li contrato chi junelic.

Ezequiel 34:24

La̱in li Ka̱cuaꞌ. La̱inak lix Dioseb ut laj David laj cꞌanjel chicuu ta̱takla̱nk saꞌ xbe̱neb. La̱in li Ka̱cuaꞌ xinyehoc re aꞌin.

Ezequiel 37:26

La̱in tinba̱nu jun li contrato riqꞌuineb chi junelic re nak teꞌcua̱nk saꞌ tuktu̱quil usilal. Tinxakabeb saꞌ xnaꞌajeb ut tebinqꞌue chi qꞌuia̱nc. Ut tinqꞌue lin templo chi cua̱nc saꞌ lix naꞌajeb chi junelic.

Amós 5:4

Ut quixye ajcuiꞌ li Ka̱cuaꞌ reheb laj Israel: —Sicꞌomakin la̱in ut ta̱cua̱nk e̱yuꞌam chi tzꞌakal.

Amós 5:6

—Sicꞌomakin ban la̱in, chan li Ka̱cuaꞌ, ut ta̱cua̱nk le̱ yuꞌam chi tzꞌakal, xban nak cui incꞌaꞌ tine̱sicꞌ, tinrakok a̱tin saꞌ e̱be̱n. Chanchan xam tintakla chak nak tinrakok a̱tin saꞌ e̱be̱n la̱ex laj Israel. Chixjunileb teꞌcꞌatekꞌ xban li xam ut ma̱ ani junak saꞌ xya̱nkeb laj Bet-el ta̱ru̱k ta̱chupuk re li xam, chan li Dios.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

Éxodo 15:26

Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

2 Samuel 7:29

La̱in nintzꞌa̱ma cha̱cuu nak ta̱cuosobtesiheb li cualal incꞌajol. Junelic xakxo̱k taxak saꞌ xnaꞌaj lix cuanquileb. Osobtesinbilakeb a̱ban chi junelic xban nak xaye nak ta̱cuosobtesiheb, chan laj David.

Salmos 89:29

Junes eb li ralal xcꞌajol teꞌoc chokꞌ rey chokꞌ ru̱chil aꞌan junelic kꞌe cutan.

Proverbios 7:2

Checꞌu̱la saꞌ le̱ chꞌo̱l le̱ chakꞌrabinquil li nequexintakla cuiꞌ re nak us texcua̱nk saꞌ le̱ yuꞌam. Cherahak lin chakꞌrab joꞌ nak nequera li xnakꞌ e̱ru.

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.