Isaías 54:6 - Li Santil hu

⁶ La̱ex aj Israel, chanchanex jun li ixk li xsumla nak toj sa̱j ut ra saꞌ xchꞌo̱l xban nak quicanaba̱c xban lix be̱lom. La̱in li Ka̱cuaꞌ texinbok cuiꞌchic cuiqꞌuin joꞌ li be̱lomej li naxcꞌam cuiꞌchic saꞌ usilal li rixakil.

Q'eqchi Bible

⁶ Laa'at chanchanat jun li ixaqilb'ej naq xatwank, jo' jun li ixq kanab'anb'il xb'aan li xb'eelom ut ra sa' xch'ool; ab'an anaqwan xatxb'oq wi' chik li Qaawa' ut naxye aawe: “Ma naru xtz'eqtaanankil li ixq sik'b'il chaq ru sa' linsaajilal?

Isaías 54:6 ပူးပေါင်းရင်းမြစ်များ

Isaías 62:4

Incꞌaꞌ chic ta̱yehekꞌ “tzꞌekta̱nanbil” reheb, chi moco ta̱yehekꞌ reheb nak sachbil ru lix naꞌajeb. Ta̱yehekꞌ ban reheb “Hefzi-bá” ut ta̱yehekꞌ “Beula” re lix chꞌochꞌeb xban nak li Ka̱cuaꞌ quisahoꞌ saꞌ xchꞌo̱l riqꞌuineb ut aꞌan chanchanak jun li be̱lomej li naxra lix chꞌochꞌ.

Eclesiastés 9:9

Chanumsi la̱ yuꞌam chi sa saꞌ a̱chꞌo̱l riqꞌuin li ixk li nacara. Chanumsihak chi us la̱ yuꞌam li ma̱cꞌaꞌ na-oc cuiꞌ li quiqꞌueheꞌ a̱cue saꞌ ruchichꞌochꞌ, xban nak caꞌaj cuiꞌ aꞌan li naru ta̱ba̱nu re xyalbal xsahil la̱ cꞌanjel.

Proverbios 5:18

Kꞌaxal lokꞌ nak cua̱nkeb la̱ cualal a̱cꞌajol. Chisahokꞌ taxak saꞌ a̱chꞌo̱l riqꞌuin la̱ cuixakil li xatsumla̱k cuiꞌ saꞌ a̱sa̱jilal.

Malaquías 2:14

Ut la̱ex nequeye, “¿Cꞌaꞌut nak incꞌaꞌ chic naxcꞌul li kamayej li Ka̱cuaꞌ?” chanquex. Aꞌan incꞌaꞌ naxcꞌul xban nak aꞌan naxnau nak la̱ex xekꞌet li a̱tin li quesume chak xba̱nunquil nak quexsumla saꞌ e̱sa̱jilal. Ut le̱ rixakil, aꞌan raj li tzꞌakal e̱rochben ut le̱ sum a̱tin. Abanan anakcuan xekꞌet le̱ ra̱tin li queye saꞌ li contrato li queba̱nu riqꞌuineb le̱ rixakil.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

2 Corintios 7:6

Abanan li Dios naxcꞌojob xchꞌo̱leb li raheb saꞌ xchꞌo̱l. Ut aꞌan quixqꞌue xcacuilal kachꞌo̱l riqꞌuin lix cꞌulunic laj Tito.

Oseas 2:19

Joꞌcaꞌin quixye li Ka̱cuaꞌ reheb lix tenamit: —La̱ex aj Israel, chanchanex li cuixakil. Texincꞌam chi jun aj cua cuiqꞌuin. Texincꞌam saꞌ ti̱quilal ut saꞌ xya̱lal. Junelic texinra ut tincuuxta̱na e̱ru.

Jeremías 30:17

La̱in texinqꞌuirtesi ut tinban le̱ yocꞌolal, usta eb li xicꞌ nequeꞌiloc e̱re nequeꞌxye nak li tenamit Sión tzꞌekta̱nanbil ut ma̱ ani nacꞌoxlan re.