Isaías 54:5 - Li Santil hu

⁵ La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Q'eqchi Bible

⁵ Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Isaías 54:5 ပူးပေါင်းရင်းမြစ်များ

Isaías 48:17

Li Dios Santo, le̱ Dios la̱ex aj Israel, laj Colol e̱re, quixye chi joꞌcaꞌin: —La̱in li Ka̱cuaꞌ le̱ Dios. La̱in nincꞌutuc che̱ru li cꞌaꞌru te̱ba̱nu re nak us tex-e̱lk. La̱in ninberesin e̱re re nak te̱ba̱nu li us.

Ezequiel 16:8

Mokon chic la̱in quinnumeꞌ cuancat cuiꞌ ut quinqꞌue retal nak xat-ixkiloꞌ ut ac xcuulac xkꞌehil nak ta̱cua̱nk a̱be̱lom. Joꞌcan nak catintzꞌap riqꞌuin lin tꞌicr xban nak tꞌustꞌu̱cat. Quinba̱nu li contrato nak quinsumla a̱cuiqꞌuin ut la̱at chic cue.

San Juan 3:29

Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

Efesios 5:32

Kꞌaxal lokꞌ lix ya̱lal li naꞌleb aꞌin. Abanan la̱in ninye e̱re nak naxcꞌut ajcuiꞌ chiku nak la̱o aj pa̱banel junajo chic riqꞌuin li Cristo.

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.

San Lucas 1:32

Nimak xcuanquil nak ta̱cua̱nk ut chixjunileb teꞌnaꞌok re nak aꞌan tzꞌakal Ralal li Dios. Ut li Ka̱cuaꞌ ta̱qꞌuehok xcuanquil chi takla̱nc joꞌ nak quicuan chi takla̱nc li rey David lix xeꞌto̱nil yucuaꞌ.

Jeremías 51:19

Moco joꞌcan ta li Ka̱cuaꞌ lix Dios laj Jacob. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan li quisicꞌoc ruheb laj Israel chokꞌ xtenamit. “Li Ka̱cuaꞌ li Nimajcual Dios” xcꞌabaꞌ.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Isaías 6:3

Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Jeremías 10:16

Abanan li Ka̱cuaꞌ lix Dios laj Jacob ma̱cuaꞌ joꞌcan tixcꞌul. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan quisicꞌoc ruheb laj Israel chokꞌ xtenamit. Li Ka̱cuaꞌ “Nimajcual Dios” xcꞌabaꞌ.

Isaías 43:14

Li Ka̱cuaꞌ lix santil Dioseb laj Israel li nacoloc e̱re naxye chi joꞌcaꞌin: —La̱in tintaklaheb li xicꞌ nequeꞌiloc reheb laj Babilonia chi pletic riqꞌuineb re e̱colbal la̱ex. La̱in tinqꞌueheb chi numta̱c saꞌ xbe̱neb. Ut eb li tenamit teꞌchapekꞌ ut teꞌcꞌamekꞌ saꞌ lix jucubeb li queꞌxkꞌetkꞌeti cuiꞌ ribeb junxil.

Isaías 51:15

La̱in li Ka̱cuaꞌ la̱ Dios. La̱in ninqꞌue chi ecꞌa̱nc li palau re nak ta̱ecꞌa̱nk ru. “Nimajcual Dios” incꞌabaꞌ.

Isaías 48:2

Abanan nequenimobresi e̱rib ut nequeye nak li Santil Tenamit, aꞌan le̱ tenamit la̱ex. Ut nequeye nak cau e̱chꞌo̱l riqꞌuin lix Dioseb laj Israel, li Ka̱cuaꞌ li nimajcual Dios xcꞌabaꞌ.

Isaías 11:9

Saꞌ lin santil tzu̱l ma̱ ani chic tixchꞌeꞌ rib ut incꞌaꞌ chic teꞌxrahobtesi ribeb chi ribileb rib xban nak chixjunil li ruchichꞌochꞌ nujenak riqꞌuin lix naꞌleb li Ka̱cuaꞌ joꞌ nak nanujac li palau riqꞌuin haꞌ.

Isaías 45:11

Li Ka̱cuaꞌ lix santil Dioseb laj Israel li quiyoꞌobtesin re chixjunil quixye: —¿Ma ta̱ru̱k ta biꞌ te̱cuechꞌ rixeb li cualal incꞌajol? ¿Ma ta̱ru̱k ta biꞌ te̱cuechꞌ rix li cꞌaꞌru ninba̱nu la̱in?

Isaías 54:8

Nak yo̱ injoskꞌil xinmuk cuib che̱ru junpa̱t. Abanan xban nak junelic nin-uxta̱nan u, la̱in tincuil cuiꞌchic xtokꞌoba̱l e̱ru, chan li Ka̱cuaꞌ laj Colol e̱re.

Isaías 65:16

Li ani naraj nak ta̱osobtesi̱k tixtzꞌa̱ma li rosobtesinquil cuiqꞌuin la̱in, li tzꞌakal Dios. Ut li ani tixba̱nu li juramento tixba̱nu saꞌ incꞌabaꞌ la̱in, li tzꞌakal Dios. Ut ta̱sachk saꞌ inchꞌo̱l chi junaj cua li cꞌaꞌru quicꞌulman. Chanchan tzꞌaptzꞌo xbe̱n ta̱cana̱k, chan li Dios.

Oseas 2:16

Ut incꞌaꞌ chic tixye: “At Baal, la̱at laj e̱chal cue.” Tixye ban cue: “at inbe̱lom.”

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Josué 3:11

Ut lix Lokꞌlaj Ca̱x li Ka̱cuaꞌ laj e̱chal re chixjunil li ruchichꞌochꞌ, aꞌan ta̱cꞌamok be chiku nak tonumekꞌ jun pacꞌal li nimaꞌ.

Josué 3:13

Nak teꞌxxakab li rokeb saꞌ li nimaꞌ Jordán eb laj tij li yo̱keb chi cꞌamoc re lix Lokꞌlaj Ca̱x li Ka̱cuaꞌ laj e̱chal re chixjunil li ruchichꞌochꞌ, li haꞌ tixjach rib chi ribil rib. Li rok li haꞌ li nachal chak takecꞌ tixtu̱b rib. Incꞌaꞌ chic ta̱be̱k, chan laj Josué.

Li xHu LAJ JOB 19:25

La̱in ninnau nak li nacoloc cue yoꞌyo. Ut ninnau nak aꞌan ta̱a̱tinak chicuix re incolbal arin saꞌ ruchichꞌochꞌ.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Oseas 2:18

Saꞌ eb li cutan aꞌan la̱in tinba̱nu jun li contrato riqꞌuineb li joskꞌ aj xul li cuanqueb saꞌ qꞌuicheꞌ ut riqꞌuineb li xul li nequeꞌrupupic chiru choxa joꞌ ajcuiꞌ riqꞌuineb li xul li nequeꞌxjucuqui ribeb chiru chꞌochꞌ. Tinba̱nu li contrato riqꞌuineb re nak incꞌaꞌ chic teꞌxchꞌiꞌchꞌiꞌi li tenamit. Ut tincuisi saꞌ ruchichꞌochꞌ li tzimaj ut li chꞌi̱chꞌ re pletic ut eb lin tenamit cua̱nkeb chic saꞌ tuktu̱quil usilal.