Isaías 54:4 - Li Santil hu

⁴ Mexxucuac xban nak incꞌaꞌ texxuta̱na̱k. Incꞌaꞌ ta̱cꞌutekꞌ e̱xuta̱n. Ta̱sachk saꞌ e̱chꞌo̱l li xuta̱n li xecꞌul saꞌ e̱sa̱jilal. Incꞌaꞌ chic ta̱julticokꞌ e̱re li raylal li xecꞌul nak xexcanaba̱c xban li Dios. Chanchan nak la̱ex chic xma̱lcaꞌan.

Q'eqchi Bible

⁴ Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Isaías 54:4 ပူးပေါင်းရင်းမြစ်များ

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

1 Pedro 2:6

Tzꞌi̱banbil retalil saꞌ li Santil Hu li quixye li Dios chirix li Cristo nak quixye chi joꞌcaꞌin: La̱in xinsicꞌ ru li Colonel joꞌ nak laj tzꞌac naxsicꞌ ru li cha̱bil pec chokꞌ xxeꞌ li cab. Xinsicꞌ ru chokꞌ xxeꞌ le̱ pa̱ba̱l. Li ani ta̱pa̱ba̱nk re incꞌaꞌ ta̱chꞌina̱nk xchꞌo̱l. (Isa. 28:16)

Jeremías 31:19

Nak ac xatkatzꞌekta̱na xkacꞌoxla nak incꞌaꞌ us xkaba̱nu ut xkajal kacꞌaꞌux. Nak ac xoa̱qꞌue chixtojbal kama̱c, xkatacuasi kib xban xrahil kachꞌo̱l. Xuta̱nal xkacꞌul xban li ma̱usilal xkaba̱nu saꞌ kasa̱jilal.”

Isaías 61:7

Xban nak kꞌaxal cuiꞌchic nabal li raylal ut li xuta̱n xecꞌul, joꞌcan nak kꞌaxal nabal ajcuiꞌ le̱ ma̱tan te̱cꞌul. Caꞌ sut xqꞌuial le̱ lokꞌal te̱cꞌul nak cua̱nkex cuiꞌchic saꞌ le̱ naꞌaj. Ut ta̱cua̱nk chi junelic xsahilal e̱chꞌo̱l.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Ezequiel 16:43

La̱at xsach saꞌ a̱chꞌo̱l cꞌaꞌru quinba̱nu a̱cue saꞌ a̱caꞌchꞌinal. Ut cachikꞌ injoskꞌil riqꞌuin chixjunil li caba̱nu. Xban aꞌan nak tatinqꞌue chixtojbal rix la̱ ma̱usilal. Ut incꞌaꞌ xcꞌojla a̱chꞌo̱l riqꞌuin li caba̱nu toj retal camux ru la̱ sumlajic ut caba̱nu li moco uxc ta naraj.

Ezequiel 16:22

Nak yo̱cat chixlokꞌoninquil li yi̱banbil dios ut chixba̱nunquil li ma̱usilal, incꞌaꞌ quinak saꞌ a̱chꞌo̱l chanru nak catcuan chak saꞌ a̱caꞌchꞌinal. Incꞌaꞌ quinak saꞌ a̱chꞌo̱l nak tꞌustꞌu̱cat ut yo̱cat chi ecꞌa̱nc saꞌ la̱ quiqꞌuel.

Isaías 4:1

Saꞌ eb li cutan aꞌan teꞌxpleti rib cuukub chi ixk chirix jun chi cui̱nk. Teꞌraj nak teꞌcꞌamekꞌ xban li jun chi cui̱nk ut teꞌxye re nak eb aꞌan teꞌxchꞌolani ribeb xjuneseb ut teꞌxtikib rib xjuneseb. Teꞌraj nak ta̱sumla̱k riqꞌuineb re nak ta̱e̱lk lix xuta̱neb.

Isaías 25:8

Li nimajcual Dios ta̱risi xcuanquil li ca̱mc. Tixmes li xyaꞌal ruheb. Ta̱risi lix xuta̱neb lix tenamit saꞌ chixjunil li ruchichꞌochꞌ. Li Ka̱cuaꞌ, aꞌan li quiyehoc re aꞌin.

Isaías 29:22

Joꞌcan nak li Ka̱cuaꞌ li quicoloc re laj Abraham, naxye chi joꞌcaꞌin: —Ex ralal xcꞌajol laj Jacob, incꞌaꞌ chic ta̱cꞌutekꞌ le̱ xuta̱n, chi moco texsakquirinokꞌ xban le̱ xiu.

Isaías 50:7

Li Ka̱cuaꞌ Dios aꞌan li natenkꞌan cue. Joꞌcan nak incꞌaꞌ ra nacuecꞌa nak niquineꞌxhob. La̱in xakxo̱quin chi cau joꞌ jun li sako̱nac. La̱in ninnau nak incꞌaꞌ xuta̱nal tine̱lk mokon.

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Lamentaciones 1:1

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

Ezequiel 36:15

Incꞌaꞌ chic tebinqꞌue chi hobecꞌ xbaneb li xni̱nkal ru tenamit, chi moco teꞌnumta̱k chic saꞌ xbe̱neb, chi moco teꞌca̱mk chic li ralal xcꞌajoleb laj Israel, chan li Ka̱cuaꞌ.

Joel 2:21

La̱ex aj Judá, mexxucuac. Chisahokꞌ ban saꞌ e̱chꞌo̱l, xban nak nabal li sachba chꞌo̱lej tixba̱nu li Ka̱cuaꞌ.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Zacarías 10:6

La̱in tinqꞌue xcacuil xchꞌo̱leb li ralal xcꞌajol laj Judá. Ut tincoleb ajcuiꞌ li ralal xcꞌajol laj José. Tebinqꞌue cuiꞌchic chi sukꞌi̱c saꞌ lix naꞌajeb. La̱in tincuuxta̱na ruheb. Chanchan nak ma̱ jun sut xintzꞌekta̱naheb xban nak la̱in li Ka̱cuaꞌ lix Dioseb. Ut tincuabi li cꞌaꞌru teꞌxtzꞌa̱ma chicuu.

Li xHu LAJ JOB 11:16

Ta̱sachk saꞌ a̱chꞌo̱l chixjunil li raylal li yo̱cat chixcꞌulbal. Ta̱numekꞌ xrahil a̱chꞌo̱l joꞌ nak nanumeꞌ li haꞌ saꞌ li rok haꞌ.

Isaías 65:16

Li ani naraj nak ta̱osobtesi̱k tixtzꞌa̱ma li rosobtesinquil cuiqꞌuin la̱in, li tzꞌakal Dios. Ut li ani tixba̱nu li juramento tixba̱nu saꞌ incꞌabaꞌ la̱in, li tzꞌakal Dios. Ut ta̱sachk saꞌ inchꞌo̱l chi junaj cua li cꞌaꞌru quicꞌulman. Chanchan tzꞌaptzꞌo xbe̱n ta̱cana̱k, chan li Dios.