Isaías 54:2 - Li Santil hu

² Chenimobresiheb le̱ muheba̱l li nequexcuan cuiꞌ. Nimak rok le̱ cꞌa̱m li nachapoc re li muheba̱l ut qꞌuehomakeb xcacuub li cheꞌ li nequeꞌchapoc re li cꞌa̱m saꞌ chꞌochꞌ.

Q'eqchi Bible

² Nimob'resi xsa' li muheb'aal wankat wi', seeb'a aawib' chi xhelb'al li xt'ilkem; tiq roq li xk'aamal ut lap chi cham eb' li che' neke'chapok re,

Isaías 54:2 ပူးပေါင်းရင်းမြစ်များ

Isaías 33:20

Ilomak li tenamit Sión li noconinkꞌei̱c cuiꞌ. Te̱ril li tenamit Jerusalén. Tuktu̱k chic ru chixjunil. Chanchanak jun li nimla muheba̱l tꞌicr li incꞌaꞌ chic ta̱jalma̱nk xnaꞌaj. Incꞌaꞌ chic ta̱isi̱k li cheꞌ li nachapoc re saꞌ chꞌochꞌ, chi moco ta̱tꞌupekꞌ li cꞌa̱m li nachapoc re.

Éxodo 39:40

Ut queꞌxkꞌaxtesi ajcuiꞌ li tꞌicr li ta̱cꞌanjelak re xtzꞌapbal li neba̱l joꞌ ajcuiꞌ li okech ut lix naꞌajeb li teꞌxqꞌue cuiꞌ, joꞌ ajcuiꞌ li tꞌicr li teꞌxqꞌue saꞌ li oqueba̱l re li neba̱l, joꞌqueb ajcuiꞌ li cꞌa̱m ut li chꞌi̱chꞌ li ta̱chapok re li cꞌa̱m saꞌ chꞌochꞌ. Queꞌxkꞌaxtesi chixjunil li cꞌaꞌru ta̱cꞌanjelak saꞌ li tabernáculo.

Jeremías 10:20

Xeꞌpoꞌi̱c li katenamit. Chanchan nak xpoꞌeꞌ li kamuheba̱l. Ut queꞌtꞌupeꞌ li laso li chapcho̱queb cuiꞌ. Eb li kalal kacꞌajol xoeꞌxcanab kajunes. Xeꞌsacheꞌ ruheb. Ma̱ ani chic ta̱ru̱k ta̱xakaba̱nk re li kamuheba̱l. Ma̱ ani ta̱ru̱k ta̱yi̱ba̱nk re li katenamit.

Éxodo 35:18

Teꞌxyi̱b li cꞌa̱m joꞌ ajcuiꞌ li chꞌi̱chꞌ li ta̱chapok re saꞌ chꞌochꞌ li rokechal li tabernáculo joꞌ ajcuiꞌ li rokechal li neba̱l.

Génesis 26:22

Ut laj Isaac queꞌel aran ut queꞌco̱eb saꞌ jalan chic naꞌajej. Ut aran queꞌxbec jun chic lix julel haꞌ. Aran ma̱ ani chic queꞌchꞌiꞌchꞌiꞌin re chirix li becbil haꞌ. Laj Isaac quixqꞌue Rehobot chokꞌ xcꞌabaꞌ li becbil haꞌ aꞌan. Ut laj Isaac quixye: —Anakcuan li Ka̱cuaꞌ Dios xoxtenkꞌa chixtaubal jun li kanaꞌaj cha̱bil. Sa chic tocua̱nk arin ut ta̱cua̱nk chixjunil li cꞌaꞌru ke, chan.

Isaías 26:15

At Ka̱cuaꞌ, la̱at xatqꞌuehoc re chi nima̱nc li katenamit ut a̱cꞌulub nak ta̱qꞌuehekꞌ a̱lokꞌal. Ut xanimobresi lix nuba̱l li kanaꞌaj.

Miqueas 7:11

Ta̱cuulak xkꞌehil nak ta̱yi̱ba̱k cuiꞌchic li tzꞌac li sutsu cuiꞌ le̱ tenamit ut ta̱nima̱nk le̱ naꞌaj la̱ex li cuanquex Jerusalén.