Isaías 54:16 - Li Santil hu

¹⁶ La̱in quinyi̱ban re laj tenol chꞌi̱chꞌ ut aꞌan naxloch lix xam ut naxyi̱b li chꞌi̱chꞌ re pletic. Ut la̱in ajcuiꞌ quinyi̱ban reheb li cui̱nk li nequeꞌcamsin.

Q'eqchi Bible

¹⁶ “K'e reetal, laa'in xinyoob'tesink re laj tenol ch'iich', li na'apunk re li ru xam ut naxyiib' li ch'iich' nak'anjelak chiru; laa'in ajwi' xinyoob'tesink re li winq aj sachonel re naq taasachoq ut taajuk'uq.

Isaías 54:16 ပူးပေါင်းရင်းမြစ်များ

Proverbios 16:4

Cuan xya̱lal nak quixyi̱b li cꞌaꞌak re ru li Dios. Ut quixyi̱beb ajcuiꞌ li incꞌaꞌ useb xnaꞌleb re nak teꞌroybeni lix tojbal lix ma̱queb.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Isaías 46:11

La̱in xinsicꞌ ru jun li cui̱nk saꞌ li oriente. Saꞌ najtil tenamit ta̱cha̱lk. Chanchan jun li soꞌsol nak tixsach ruheb li xicꞌ nequeꞌiloc e̱re. Li cꞌaꞌru xinye, aꞌan li ta̱cꞌulma̱nk. Li cꞌaꞌru xincꞌu̱b ru, aꞌan li tinba̱nu.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

1 Samuel 13:19

Ma̱ jun aj tenol chꞌi̱chꞌ cuan saꞌ xya̱nkeb laj Israel xban nak eb laj filisteo incꞌaꞌ queꞌraj nak eb laj Israel teꞌxyi̱b lix chꞌi̱chꞌ re pletic.

Isaías 54:15

Cui ani ta̱pletik e̱riqꞌuin ma̱cuaꞌ xban nak la̱in xinqꞌue xlese̱ns. Eb aꞌan incꞌaꞌ teꞌnumta̱k saꞌ e̱be̱n. La̱ex ban texnumta̱k saꞌ xbe̱neb.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.

Zacarías 1:20

Ut li Ka̱cuaꞌ quixcꞌut chicuu ca̱hib laj tenol chꞌi̱chꞌ.

Zacarías 2:1

Li Ka̱cuaꞌ quixcꞌutbesi chicuu jun chic li visión. Quicuil jun li cui̱nk cuan jun li cꞌa̱m re bisoc saꞌ rukꞌ.

Zacarías 2:4

Ut quixye re: —Ayu saꞌ junpa̱t chixtaubal li cui̱nk li xic re chi bisoc ut ta̱ye re nak teꞌta̱mk cuiꞌchic li cristian saꞌ li tenamit Jerusalén. Xban xqꞌuial li tenamit ut xban xqꞌuialeb lix queto̱mk incꞌaꞌ chic ta̱cua̱nk li tzꞌac li sutsu cuiꞌ li tenamit.