Isaías 54:10 - Li Santil hu

¹⁰ Usta na-ecꞌasi̱c li tzu̱l saꞌ xnaꞌajeb ut usta nequeꞌtꞌaneꞌ li tzu̱l, abanan lin rahom saꞌ e̱be̱n ma̱ jokꞌe ta̱jala̱k. Junelic ban texinra. Tinba̱nu li xinye saꞌ li contrato li xinba̱nu e̱riqꞌuin re nak junelic cua̱nko saꞌ usilal, chan li Ka̱cuaꞌ li na-uxta̱nan e̱ru.

Q'eqchi Bible

¹⁰ Us ta eb' li tzuul te'xjal li xna'ajeb' ut eb' li b'ool te'juk'e'q, ab'an linrahom ink'a' taanajto'q aawik'in, chi moko taasachq xwankil li Sumwank xink'ojob' aawik'in re wank sa' tuqtuukilal”, chan li Qaawa' li na'uxtaanank aawu.

Isaías 54:10 ပူးပေါင်းရင်းမြစ်များ

Salmos 46:2

Joꞌcan nak usta na-ecꞌan li ruchichꞌochꞌ saꞌ xnaꞌaj, la̱o incꞌaꞌ toxucuak. Chi moco toxucuak usta talajeꞌtꞌanekꞌ li tzu̱l saꞌ xchamal li palau.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Romanos 11:29

Li Dios incꞌaꞌ naxjal xcꞌaꞌux riqꞌuin li cꞌaꞌru naxyechiꞌi ke, chi moco naxjal xcꞌaꞌux nak quixsicꞌ ku.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Malaquías 2:5

Saꞌ li contrato li quinba̱nu riqꞌuin laj Leví quinyechiꞌi reheb nak ta̱cua̱nk xyuꞌameb ut teꞌcua̱nk saꞌ tuktu̱quil usilal. Quinba̱nu li contrato riqꞌuineb re nak teꞌxxucua cuu. Ut eb aꞌan queꞌxxucua cuu ut queꞌxcubsi ribeb chicuu.

Isaías 54:8

Nak yo̱ injoskꞌil xinmuk cuib che̱ru junpa̱t. Abanan xban nak junelic nin-uxta̱nan u, la̱in tincuil cuiꞌchic xtokꞌoba̱l e̱ru, chan li Ka̱cuaꞌ laj Colol e̱re.

Isaías 49:10

Incꞌaꞌ chic teꞌtzꞌoca̱k chi moco ta̱chakik reheb, ut lix tikcual li sakꞌe incꞌaꞌ ta̱chꞌiꞌchꞌiꞌi̱nk reheb xban nak li Jun li na-uxta̱nan ruheb tixberesiheb ut tixcꞌameb cuan cuiꞌ li yuꞌam haꞌ.

2 Samuel 23:5

Usta ma̱cuaꞌ joꞌcaneb li cualal incꞌajol riqꞌuin li Dios, abanan li Dios quixba̱nu li contrato cuiqꞌuin ut xakxo̱k xcuanquil chi junelic. Aꞌan xyehoc re chixjunil li cꞌaꞌak re ru aꞌin, ut tento ta̱uxma̱nk usta toj ma̱jiꞌ nacꞌulman. Ninnau nak laj Colol cue tixba̱nu li cꞌaꞌru nacuaj.

Tito 3:5

Li Dios xoxcol ut xorisi saꞌ li kanajter naꞌleb. Ma̱cuaꞌ xban kayehom kaba̱nuhom chi moco xban lix ti̱quilal li kachꞌo̱l. Yal xban lix nimal ruxta̱n li Dios nak coxcol. Cuybil sachbil chic li kama̱c ut acꞌobresinbil chic li kayuꞌam xban li Santil Musikꞌej.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

San Mateo 5:18

Relic chi ya̱l tinye e̱re nak ta̱osokꞌ li choxa, ta̱osokꞌ li ruchichꞌochꞌ, ut yal ta jun xle̱tril chi moco junak retalil li chakꞌrab ta̱sachk xcuanquil. Toj retal talajeꞌcꞌulma̱nk chixjunil.

Hebreos 12:27

Nak naxye “jun sut chic” naraj naxye nak tixsach li ruchichꞌochꞌ, li choxa, ut chixjunil li cꞌaꞌak re ru yi̱banbil. Aꞌut li incꞌaꞌ yi̱banbil, joꞌ li musikꞌanbil xban li Dios, aꞌan ta̱cana̱k chi junelic.

Apocalipsis 6:14

Ut quisach li choxa nak quicuil. Chanchan jun li hu nak quixboti rib. Chixjunil li tzu̱l joꞌ ajcuiꞌ li chꞌochꞌ li sutsu saꞌ haꞌ quilajeꞌecꞌan saꞌ xnaꞌajeb.

Números 25:12

Joꞌcan nak ta̱ye re laj Finees nak la̱in tinba̱nu jun li contrato riqꞌuin re tixcꞌam rib saꞌ usilal cuiqꞌuin.

Salmos 102:26

Li ruchichꞌochꞌ ut li choxa teꞌosokꞌ. Abanan la̱at tatcua̱nk chi junelic kꞌe cutan. La̱at ta̱jal ruheb joꞌ nak najaleꞌ li tꞌicr nak nakꞌeloꞌ. Ut jalbil chic ruheb teꞌcana̱k.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Isaías 55:12

Cꞌajoꞌak xsahil saꞌ le̱ chꞌo̱l nak tex-e̱lk saꞌ li naꞌajej cuanquex cuiꞌ. Saꞌ tuktu̱quil usilal texsukꞌi̱k cuiꞌchic saꞌ le̱ tenamit. Ut teꞌoc cuiꞌchic chi u̱chi̱nc li cheꞌ chi sa saꞌ xchꞌo̱leb. Ut ta̱e̱lk cuiꞌchic chi cha̱bil li acui̱mk saꞌ eb li tzu̱l.

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.

Isaías 61:8

La̱in li Ka̱cuaꞌ Dios. Nacuulac chicuu li ti̱quilal ut xicꞌ nacuil li elkꞌac ut li ma̱c. Xban xti̱quilal inchꞌo̱l la̱in tinqꞌue xra̱baleb lin tenamit. Tinba̱nu jun contrato riqꞌuineb ut xakabanbilak xcuanquil chi junelic.

Isaías 63:7

La̱in tinye resil li rusilal li Dios li nacuan chi junelic. Tinbicha lix lokꞌal xban li cꞌaꞌru naxba̱nu. Quirosobtesiheb laj Israel xban nak junelic na-uxta̱nan u ut junelic narahoc.

Jeremías 31:36

Cui li sakꞌe ut eb li chahim ut li po ma̱cꞌaꞌakeb chic, ma̱cꞌaꞌakeb ajcuiꞌ chic lin tenamit Israel.

Jeremías 33:20

—Incꞌaꞌ naru risinquil xcuanquil li contrato quinba̱nu nak quinxakab saꞌ xnaꞌaj li cutan ut li kꞌojyi̱n. Ac chꞌolchꞌo jokꞌe ta̱cutanokꞌ ut jokꞌe ta̱kꞌojyi̱nokꞌ.

Ezequiel 16:42

Ut chirix aꞌan ma̱cꞌaꞌak chic injoskꞌil saꞌ a̱be̱n. Ut moco xicꞌ ta chic tatcuil.

Salmos 46:3

Usta na-ecꞌan li tzu̱l nak naxsacꞌ rib lix cau ok li palau nak nachal, abanan la̱o incꞌaꞌ toxucuak.

Isaías 49:15

Li Dios quixye: —¿Ma nasach ta biꞌ saꞌ xchꞌo̱l lix cꞌulaꞌal junak naꞌbej? ¿Ma tixcanab ta biꞌ xra̱bal? Usta li naꞌbej nasach saꞌ xchꞌo̱l lix cꞌulaꞌal, la̱in incꞌaꞌ texsachk saꞌ inchꞌo̱l.

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.