Isaías 53:9 - Li Santil hu

⁹ Quimukeꞌ joꞌ nak nequeꞌmukeꞌ eb laj ma̱c. Ut li bar quimukeꞌ cuiꞌ, aꞌan xmukleba̱leb li biom. Quixcꞌul chixjunil li raylal aꞌin usta ma̱ jun sut quima̱cob ut ma̱ jun sut quiticꞌtiꞌic.

Q'eqchi Bible

⁹ Xmuqe'k sa' xyanqeb' laj b'aanuhom maa'usilal ut rik'ineb' li b'ihom xtaw li xmuqleb'aal, us ta maajun li maak xb'aanuhom chi moko xyehom junaq tik'ti'.

Isaías 53:9 ပူးပေါင်းရင်းမြစ်များ

1 Pedro 2:22

Li Cristo ma̱cꞌaꞌ xma̱c. Ut ma̱ jun sut quibalakꞌin.

1 Juan 3:5

La̱ex nequenau nak li Ka̱cuaꞌ Jesucristo quicꞌulun re xcuybal ut xsachbal li kama̱c. Relic chi ya̱l nak aꞌan ma̱cuaꞌ aj ma̱c.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Hebreos 4:15

Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

1 Corintios 15:4

Joꞌ nak queꞌxtzꞌi̱ba chak li profeta najter, joꞌcan quicꞌulman. Li Ka̱cuaꞌ Jesucristo quimukeꞌ ut quicuacli cuiꞌchic chi yoꞌyo saꞌ rox li cutan.