Isaías 53:8 - Li Santil hu

⁸ Quichapeꞌ ut quirakeꞌ a̱tin saꞌ xbe̱n ut quicꞌameꞌ chi camsi̱c, usta ma̱cꞌaꞌ xma̱c. Ut ma̱ ani qui-iloc xtokꞌoba̱l ru. Quicamsi̱c yal xban li kama̱c la̱o.

Q'eqchi Bible

⁸ Xe'xchap, xe'xraq aatin sa' xb'een ut xe'xkamsi chi maa'ani x'ilok xtoq'ob'aal ru. X'isiik sa' li ruuchich'och' a'in ut xmaakeb' lintenamit naq xkamsiik.

Isaías 53:8 ပူးပေါင်းရင်းမြစ်များ

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Hechos 8:33

Usta ma̱cꞌaꞌ xma̱c, quichapeꞌ ut quiqꞌueheꞌ chi camsi̱c. Ut ma̱ ani qui-oquen chirix re xcolbal. Quicamsi̱c ban. ¿Ani ta̱ru̱k ta̱yehok li resil lix yibal ru xnaꞌlebeb li rech tenamitil? (Isa. 53:7-8)

San Juan 19:7

Abanan eb laj judío queꞌxye: —La̱o cuan kachakꞌrab ut li kachakꞌrab naxye nak ta̱camsi̱k xban nak aꞌan quixqꞌue rib chokꞌ Ralal li Dios.—

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Romanos 1:4

Li Ka̱cuaꞌ Jesucristo aꞌan tzꞌakal Dios. Numtajenak lix santilal. Riqꞌuin lix nimal xcuanquil, li Dios quixcuaclesi cuiꞌchic chi yoꞌyo saꞌ xya̱nkeb li camenak re xcꞌutbal chiku nak aꞌan tzꞌakal Ralal li Dios.

Isaías 53:5

Abanan ma̱cꞌaꞌ xma̱c aꞌan. Yal xban li kama̱c ban la̱o nak quixcꞌul li raylal. Quisaqꞌueꞌ xban li kama̱usilal. Riqꞌuin li rahobtesi̱c li quixcꞌul, quixqꞌue ke li tuktu̱quil usilal ut riqꞌuin lix yocꞌolal, coxqꞌuirtesi.

Salmos 69:12

Niquineꞌxhob li nequeꞌcꞌojla chire li oqueba̱l ut eb li calajenak niquineꞌxhob nak nequeꞌbichan.

San Mateo 1:1

Saꞌ li hu aꞌin tzꞌi̱banbil retalil joꞌ qꞌuialeb lix xeꞌ xto̱nal li Jesucristo. Li Jesucristo ralal xcꞌajol li rey David ut ralal xcꞌajol ajcuiꞌ laj Abraham.

Salmos 88:5

Chanchan nak tzꞌektzꞌo̱quin saꞌ xya̱nkeb li camenak. Chanchanin jun xcomoneb li queꞌcamsi̱c chi chꞌi̱chꞌ saꞌ li ple̱t, li ac xeꞌmukeꞌ. Incꞌaꞌ chic cacoleb ut incꞌaꞌ chic nequeꞌjulticoꞌ a̱cue.

Jeremías 11:19

La̱in chanchanin jun li carner li yo̱ chi cꞌamecꞌ chi camsi̱c. Ma̱cꞌaꞌ saꞌ inchꞌo̱l nak yo̱queb chixcꞌu̱banquil chanru nak tineꞌxcamsi. Yo̱queb chixyebal, “Kacamsihak li cui̱nk aꞌin joꞌ nak nayoqꞌueꞌ li cheꞌ li cuan ru. Kisihak chi jun aj cua saꞌ ruchichꞌochꞌ re nak ma̱ ani chic ta̱jultica̱nk re,” chanqueb.

Lamentaciones 3:54

Saꞌ inchꞌo̱l la̱in nak oc cue chi subu̱nc saꞌ haꞌ. Ut quinye: —Anakcuan xin-osoꞌ.—