Isaías 53:6 - Li Santil hu

⁶ La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Q'eqchi Bible

⁶ Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Isaías 53:6 ပူးပေါင်းရင်းမြစ်များ

1 Pedro 2:25

La̱ex sachso̱quex saꞌ le̱ ma̱c nak quexcuan chak. Chanchanex li carner sachenak li nachaꞌchaꞌi rib yalak bar chi ma̱cꞌaꞌ aj ilol re. Abanan anakcuan xexchal cuiꞌchic riqꞌuin li Cristo ut aꞌan chic ta̱ilok e̱re.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Salmos 119:176

Ya̱l nak la̱in xinpaltoꞌ cha̱cuu. Chanchanin jun li carner sachenak. Joꞌcan nak nintzꞌa̱ma cha̱cuu nak tina̱tenkꞌa re nak tincua̱nk chi sum a̱tin a̱cuiqꞌuin. La̱in incꞌaꞌ xintzꞌekta̱na chi junaj cua la̱ chakꞌrab.

Romanos 4:25

Li Jesucristo quixkꞌaxtesi rib chi ca̱mc xban li kama̱c ut quicuacli cuiꞌchic chi yoꞌyo saꞌ xya̱nkeb li camenak re xti̱cobresinquil li kachꞌo̱l chiru li Dios.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Santiago 5:20

Chenauhak la̱ex nak li ani tixsukꞌisi chak junak li ras ri̱tzꞌin saꞌ xya̱lal re nak tixcanab xba̱nunquil li ma̱c, aꞌan tixcol li ras ri̱tzꞌin chiru li ca̱mc. Ut saꞌ xcꞌabaꞌ li jun aꞌan, nabal li ma̱c ta̱cuyekꞌ ta̱sachekꞌ xban li Dios.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Isaías 56:11

Chanchaneb li tzꞌiꞌ li junes cuaꞌac nequeꞌraj ut incꞌaꞌ nacꞌojla xchꞌo̱leb. Chanchaneb laj ilol xul li incꞌaꞌ nequeꞌxtau xya̱lal. Chixjunileb nequeꞌxba̱nu li cꞌaꞌru nequeꞌraj ut junes li cꞌaꞌru us chokꞌ reheb nequeꞌxcꞌoxla.

Salmos 69:4

Nabaleb li xicꞌ nequeꞌiloc cue. Kꞌaxal cuiꞌchic nabaleb chiru xqꞌuial li cuismal. Nequeꞌnumta saꞌ inbe̱n. Nequeꞌraj insachbal usta ma̱cꞌaꞌ inma̱c chiruheb. ¿Ma ta̱ru̱k ta biꞌ tinkꞌajsi reheb li incꞌaꞌ xcuelkꞌa chiruheb?

Ezequiel 3:18

Nak la̱in tinteneb ca̱mc saꞌ xbe̱n li yo̱ chixba̱nunquil ma̱usilal, la̱at tento nak ta̱ye re nak incꞌaꞌ us yo̱ re nak tixcanab li ma̱usilal ut incꞌaꞌ ta̱ca̱mk. Ut cui la̱at incꞌaꞌ ta̱ye re ut cui li jun aꞌan ta̱ca̱mk xban li ma̱usilal, a̱ma̱c la̱at nak ta̱ca̱mk saꞌ li ma̱c.

Isaías 6:7

Ut quixnumsi li ru xam chi xtzꞌu̱mal cue ut quixye: —Anakcuan xinnumsi chi xtzꞌu̱mal a̱cue li ru xam aꞌin, ut riqꞌuin aꞌin isinbil chic la̱ ma̱usilal ut cuybil sachbil chic la̱ ma̱c, chan cue.

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.

Isaías 53:5

Abanan ma̱cꞌaꞌ xma̱c aꞌan. Yal xban li kama̱c ban la̱o nak quixcꞌul li raylal. Quisaqꞌueꞌ xban li kama̱usilal. Riqꞌuin li rahobtesi̱c li quixcꞌul, quixqꞌue ke li tuktu̱quil usilal ut riqꞌuin lix yocꞌolal, coxqꞌuirtesi.

Isaías 53:7

Kꞌaxal ra queꞌxba̱nu re, abanan quixcubsi rib chiruheb ut quixcuy chixjunil. Ma̱ jun a̱tin quixye reheb. Chanchan li chꞌina carner oc re chi camsi̱c. Chanchan li carner oqueb re chirisinquil li rix. Ma̱ jun a̱tin quixye.

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

Isaías 55:8

Li Ka̱cuaꞌ quixye: —Lin cꞌaꞌux la̱in moco juntakꞌe̱t ta riqꞌuin le̱ cꞌaꞌux la̱ex; chi moco le̱ naꞌleb la̱ex juntakꞌe̱t riqꞌuin lin naꞌleb la̱in.

Jeremías 50:6

Eb lin tenamit chanchaneb li carner li queꞌbalakꞌi̱c xbaneb laj ilol reheb ut queꞌxchaꞌchaꞌi ribeb yalak bar saꞌ xya̱nkeb li cocꞌ bol ut eb li tzu̱l. Quisach chiruheb lix naꞌajeb li teꞌhila̱nk raj cuiꞌ.

Daniel 9:5

La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

Génesis 22:6

Laj Abraham quixqꞌue li siꞌ chiri̱ka laj Isaac. Li siꞌ aꞌan ta̱cꞌanjelak re xcꞌatbal li mayej. Ut laj Abraham quixcꞌam xchꞌi̱chꞌ ut quixcꞌam ajcuiꞌ caꞌchꞌin li ru xam re xlochbal li siꞌ. Ut cuotz queꞌtakeꞌ saꞌ li tzu̱l laj Abraham rochben li ralal.

Jueces 21:25

Saꞌ eb li cutan aꞌan ma̱cꞌaꞌ xreyeb laj Israel. Chixjunileb queꞌxba̱nu li cꞌaꞌru queꞌraj xba̱nunquil xjuneseb.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.