Isaías 53:4 - Li Santil hu

⁴ Relic chi ya̱l nak quixcuy li raylal li xkacꞌul raj la̱o. Quixcꞌul li rahobtesi̱c li xkacꞌul raj la̱o. Saꞌ kachꞌo̱l la̱o nak li Dios quitaklan chak re li raylal ut li rahobtesi̱c quixcꞌul re xtojbal rix li ma̱c.

Q'eqchi Bible

⁴ A'an xk'uluk re li qayajel ut xkuy riiqaninkil li qarahilal. Xqak'oxla naq xrape', xtiq'e' ut xrahob'tesiik xb'aan li Qaawa'.

Isaías 53:4 ပူးပေါင်းရင်းမြစ်များ

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

San Mateo 8:17

Aꞌin quicꞌulman joꞌ quixye li profeta Isaías, nak quixye chi joꞌcaꞌin: Aꞌan quicꞌamoc re li kayajel, ut aꞌan quicꞌuluc re li karaylal. (Isa. 53:4)

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

San Juan 19:7

Abanan eb laj judío queꞌxye: —La̱o cuan kachakꞌrab ut li kachakꞌrab naxye nak ta̱camsi̱k xban nak aꞌan quixqꞌue rib chokꞌ Ralal li Dios.—

Salmos 69:26

Nequeꞌxrahobtesi li catakla chak chi cꞌuluc raylal ut cꞌajoꞌ nak nequeꞌxhob.

San Mateo 26:37

Ut quixcꞌam chirix laj Pedro joꞌqueb ajcuiꞌ li cuib chi ralal laj Zebedeo. Ut li Jesús qui-oc chi rahocꞌ saꞌ xchꞌo̱l ut cꞌajoꞌ nak ta̱yotꞌekꞌ xchꞌo̱l.

Romanos 4:25

Li Jesucristo quixkꞌaxtesi rib chi ca̱mc xban li kama̱c ut quicuacli cuiꞌchic chi yoꞌyo saꞌ xya̱nkeb li camenak re xti̱cobresinquil li kachꞌo̱l chiru li Dios.

Levítico 16:10

Ut li chiba̱t jun li ta̱rachꞌab, laj Aarón tixkꞌaxtesi chi yoꞌyo chiru li Ka̱cuaꞌ ut chirix aꞌan tixtakla saꞌ li chaki chꞌochꞌ re xtojbal rix lix ma̱queb li tenamit.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Números 7:15

Quixqꞌue ajcuiꞌ jun li toro toj sa̱j; jun li te̱lom carner, ut jun li te̱lom carner jun chihab cuan re, re li cꞌatbil mayej.

Números 7:45

Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej.

Salmos 69:8

Eb li cuas chanchan incꞌaꞌ nequeꞌxnau cuu ut chanchan li jalan intenamit nak niquineꞌril.

Salmos 69:27

Ma̱usilal taxak ta̱qꞌue saꞌ xbe̱neb chokꞌ xtojbal rix li ma̱usilal li nequeꞌxba̱nu. Incꞌaꞌ taxak ta̱cuyeb xma̱queb.