Isaías 53:3 - Li Santil hu

³ Xicꞌ qui-ileꞌ ut quitzꞌekta̱na̱c xbaneb li cuanqueb saꞌ ruchichꞌochꞌ. Junes rahil chꞌo̱lejil quixcꞌul ut quixcuy li rahobtesi̱c. Ma̱ ani quiraj iloc re. Quikatzꞌekta̱na ut ma̱cꞌaꞌ na-oc cuiꞌ chiku nak quikil.

Q'eqchi Bible

³ A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

Isaías 53:3 ပူးပေါင်းရင်းမြစ်များ

San Mateo 26:67

Tojoꞌnak cuan queꞌchu̱ban re saꞌ ru. Ut cuan queꞌsacꞌoc re ut cuan queꞌpakꞌlen re chi rukꞌeb.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

San Marcos 14:34

Quixye reheb lix tzolom: —Cuan jun raylal saꞌ inchꞌo̱l yo̱ chinyotꞌbal. La̱in nacuecꞌa nak incꞌaꞌ chic tincuy. Cana̱kex arin ut yoꞌlenkex.—

Isaías 53:4

Relic chi ya̱l nak quixcuy li raylal li xkacꞌul raj la̱o. Quixcꞌul li rahobtesi̱c li xkacꞌul raj la̱o. Saꞌ kachꞌo̱l la̱o nak li Dios quitaklan chak re li raylal ut li rahobtesi̱c quixcꞌul re xtojbal rix li ma̱c.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

Isaías 50:6

Quinkꞌaxtesi ban lix yi cuix chi saqꞌuecꞌ. Ut quincanab cuib re teꞌxmichꞌ lin mach. Ut incꞌaꞌ quinmuk li xnakꞌ cuu chiruheb nak quineꞌxhob ut nak quineꞌxchu̱ba.

Hebreos 4:15

Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob.

San Lucas 9:22

Ut quixye ajcuiꞌ reheb: —La̱in li Cꞌajolbej. Tento nak tincꞌul nabal li raylal. Tintzꞌekta̱na̱k xbaneb li xakabanbileb chi cꞌanjelac saꞌ li templo, joꞌ ajcuiꞌ xbaneb li xbe̱nil aj tij, ut xbaneb laj tzꞌi̱b. Tincamsi̱k, abanan tincuacli̱k cuiꞌchic chi yoꞌyo saꞌ rox li cutan, chan li Jesús.

San Lucas 16:14

Nak eb laj fariseo queꞌrabi li quixye li Jesús, queꞌoc chixseꞌenquil xban nak nequeꞌxra lix biomaleb.

San Lucas 8:53

Chixjunileb li cuanqueb aran queꞌxseꞌe li Jesús xban nak queꞌxnau nak li xkaꞌal camenak chic.

San Marcos 15:19

Ut yo̱queb chixsaqꞌuinquil saꞌ xjolom riqꞌuin cheꞌ. Cuan queꞌchu̱ban re ut cuan ajcuiꞌ queꞌxcuikꞌib ribeb chiru re retzꞌunquil.

San Marcos 9:12

Ut nak quichakꞌoc li Jesús quixye reheb: —Ya̱l ajcuiꞌ tzꞌi̱banbil retalil nak laj Elías xbe̱n cua ta̱cha̱lk chixcꞌu̱banquil chixjunil li cꞌaꞌak re ru. Ut tzꞌi̱banbil ajcuiꞌ saꞌ li Santil Hu chicuix la̱in li Alalbej nak nabal li raylal tincꞌul ut tineꞌxtzꞌekta̱na.

San Juan 11:35

Ut li Jesús quiya̱bac xban xrahil xchꞌo̱l.

San Juan 8:48

Queꞌchakꞌoc eb laj judío ut queꞌxye re: —Ya̱l ajcuiꞌ nacaye. Samaria la̱ tenamit ut cuan ma̱us aj musikꞌej a̱cuiqꞌuin, chanqueb.

San Mateo 27:63

Ut queꞌxye re: —Ka̱cuaꞌ, xjulticoꞌ ke li a̱tin quixye laj balakꞌ nak toj yoꞌyo̱k. Quixye nak saꞌ rox li cutan ta̱cuacli̱k cuiꞌchic chi yoꞌyo.

Miqueas 5:1

Ex aj Jerusalén, cauresihomak e̱rib xban nak xeꞌchal chi pletic kiqꞌuin. Ut riqꞌuin xukꞌ teꞌxsacꞌ lix nakꞌ ru li narakoc a̱tin saꞌ kabe̱n la̱o aj Israel.

Zacarías 11:8

Ut chiru jun po quinsach ruheb oxib laj ilol reheb li carner. Incꞌaꞌ chic quincuyeb xma̱c xban nak eb aꞌan xicꞌ ajcuiꞌ niquineꞌril la̱in.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

San Lucas 19:41

Nak cuulac re Jerusalén, li Jesús quiya̱bac chirilbal li tenamit.

Salmos 69:29

Kꞌaxal ra cuanquin ut tokꞌoba̱l cuu. China̱cuaclesi, at inDios, ut china̱col.

San Marcos 10:33

Quixye reheb: —Qꞌuehomak retal. Anakcuan yo̱co chi xic Jerusalén. Aran tinkꞌaxtesi̱k la̱in li Cꞌajolbej saꞌ rukꞌeb lix be̱nil aj tij joꞌ ajcuiꞌ saꞌ rukꞌeb laj tzꞌi̱b. Eb aꞌan teꞌxteneb ca̱mc saꞌ inbe̱n ut tineꞌxkꞌaxtesi saꞌ rukꞌeb li ma̱cuaꞌeb aj judío.

San Marcos 10:34

Ut tineꞌxhob, tineꞌxsacꞌ, tineꞌxchu̱ba ut tineꞌxcamsi. Aban saꞌ rox li cutan tincuacli̱k cuiꞌchic chi yoꞌyo saꞌ xya̱nkeb li camenak.—

Isaías 52:14

Nabaleb li cristian queꞌxucuac nak queꞌril. Incꞌaꞌ queꞌxnau ru xban nak ma̱cuaꞌ chic ru cristian li ru xban nak numtajenak li raylal li qui-ux re.

Salmos 88:4

Naru nequeꞌxye nak ac xincam xban nak ma̱cꞌaꞌ chic inmetzꞌe̱u.