Isaías 53:2 - Li Santil hu

² Li Ka̱cuaꞌ quiraj nak laj cꞌanjel chiru ta̱qꞌui̱k joꞌ jun xtux cheꞌ li cuan xxeꞌ saꞌ li chaki chꞌochꞌ. Moco chꞌinaꞌus ta na-iloc chi moco xchakꞌal ta ru. Takil ru abanan ma̱cꞌaꞌ takaj re.

Q'eqchi Bible

² Laj K'anjel a'an xk'iik chiru li Qaawa' jo' jun toon chi che' li xmoqk sa' li chaqich'och'. Moko ch'ina'us ta na'ilok chi moko wank xloq'al; maak'a' junaq k'a' tawi' ru tqak'e wi' xwankil.

Isaías 53:2 ပူးပေါင်းရင်းမြစ်များ

Isaías 52:14

Nabaleb li cristian queꞌxucuac nak queꞌril. Incꞌaꞌ queꞌxnau ru xban nak ma̱cuaꞌ chic ru cristian li ru xban nak numtajenak li raylal li qui-ux re.

Isaías 11:1

Saꞌ xya̱nkeb li ralal xcꞌajol laj Isaí ta̱yoꞌla̱k jun li ta̱takla̱nk. Aꞌan chanchan lix tux jun li cheꞌ.

San Marcos 6:3

—¿Ma ma̱cuaꞌ ta biꞌ aꞌin laj pechꞌ? Ut, ¿ma ma̱cuaꞌ ta biꞌ lix María lix naꞌ? ¿Ma ma̱cuaꞌ ta biꞌ laj Jacobo li ri̱tzꞌin ut laj José, laj Judas ut laj Simón? ¿Ma ma̱cuaꞌ ta biꞌ aꞌin eb li ri̱tzꞌin li cuanqueb saꞌ kaya̱nk? chanqueb. Ut queꞌchal xjoskꞌil saꞌ xbe̱n.

Jeremías 23:5

Quixye li Ka̱cuaꞌ: —Ta̱cuulak xkꞌehil nak la̱in tinqꞌue chi yoꞌla̱c jun li Rey ti̱c xchꞌo̱l. Aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cua̱nk xnaꞌleb chi takla̱nc. Ut ta̱rakok a̱tin saꞌ ti̱quilal saꞌ ruchichꞌochꞌ.

San Marcos 9:12

Ut nak quichakꞌoc li Jesús quixye reheb: —Ya̱l ajcuiꞌ tzꞌi̱banbil retalil nak laj Elías xbe̱n cua ta̱cha̱lk chixcꞌu̱banquil chixjunil li cꞌaꞌak re ru. Ut tzꞌi̱banbil ajcuiꞌ saꞌ li Santil Hu chicuix la̱in li Alalbej nak nabal li raylal tincꞌul ut tineꞌxtzꞌekta̱na.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

1 Pedro 2:14

Ut chexpa̱ba̱nk ajcuiꞌ chiruheb li taklanbileb xban li acuabej chi rakoc a̱tin saꞌ xbe̱neb li nequeꞌxsicꞌ xma̱c ut re ajcuiꞌ nak teꞌxqꞌue xlokꞌal li cha̱bileb xnaꞌleb.

San Juan 19:5

Ut li Jesús qui-el chirix cab. Cuan saꞌ xjolom li corona li yi̱banbil riqꞌuin qꞌuix ut cuan li caki tꞌicr chirix. Laj Pilato quixye reheb: —Cueꞌ li cui̱nk. Ilomak, chan.

San Juan 18:40

Eb aꞌan queꞌxjap re ut queꞌxye: —Incꞌaꞌ. Ma̱cuachꞌab li cui̱nk aꞌan. Achꞌab laj Barrabás, chanqueb. Laj Barrabás, aꞌan jun aj e̱lkꞌ.

San Lucas 9:58

Li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc. Abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinhila̱nk cuiꞌ.—

Zacarías 6:12

Ut ta̱ye re: Joꞌcaꞌin xye li Ka̱cuaꞌ li nimajcual Dios: Li sa̱j cui̱nk li nequeꞌxye “Xtux Cheꞌ” re, aꞌan chanchan jun xtux li cheꞌ li na-el chak saꞌ xya̱nk li xeꞌ. Li cui̱nk aꞌan ta̱yi̱ba̱nk re lix templo li Ka̱cuaꞌ.

San Lucas 2:7

Ut quiyoꞌla li xbe̱n xcꞌulaꞌal, quixlan saꞌ tꞌicr ut quixyocob saꞌ xnaꞌaj xcuaheb li cuacax xban nak ma̱cꞌaꞌ xnaꞌajeb saꞌ eb li ochoch.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Zacarías 3:8

At Josué, la̱at li xbe̱nil laj tij. Chacuabihak la̱at ut cheꞌrabihak ajcuiꞌ eb laj tij li nequeꞌtenkꞌan a̱cue. La̱ex retalil laj cꞌanjel chicuu li tintakla chak, li nequeꞌxye xtux cheꞌ re.