Isaías 53:11 - Li Santil hu

¹¹ Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

Q'eqchi Bible

¹¹ Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Isaías 53:11 ပူးပေါင်းရင်းမြစ်များ

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Romanos 4:24

Quitzꞌi̱ba̱c aj ban cuiꞌ saꞌ kacꞌabaꞌ la̱o. Li Dios naxye nak ti̱c ajcuiꞌ li kachꞌo̱l la̱o cui takapa̱b chi tzꞌakal li quicuaclesin re li Ka̱cuaꞌ Jesucristo chi yoꞌyo saꞌ xya̱nkeb li camenak.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

San Juan 16:21

Junak ixk yoꞌla̱c re lix cꞌulaꞌal narecꞌa xrahil lix raylal. Abanan nak ac xyoꞌla lix cꞌulaꞌal, nasach saꞌ xchꞌo̱l li raylal li quixcꞌul ut nasahoꞌ saꞌ xchꞌo̱l xban nak ac xyoꞌla lix cꞌulaꞌal.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

Isaías 53:8

Quichapeꞌ ut quirakeꞌ a̱tin saꞌ xbe̱n ut quicꞌameꞌ chi camsi̱c, usta ma̱cꞌaꞌ xma̱c. Ut ma̱ ani qui-iloc xtokꞌoba̱l ru. Quicamsi̱c yal xban li kama̱c la̱o.

Isaías 45:25

Abanan li Ka̱cuaꞌ tixye nak ma̱cꞌaꞌ xma̱queb li ralal xcꞌajol laj Israel ut teꞌqꞌuehekꞌ xlokꞌaleb.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

2 Juan 1:3

Aꞌ taxak li rusilal, li ruxta̱n ut li tuktu̱quilal li naxqꞌue li Dios Acuabej ut li Jesucristo li Alalbej chicua̱nk e̱riqꞌuin saꞌ xya̱lal ut riqꞌuin rahoc.

2 Juan 1:1

La̱in aj cꞌamol be cha̱cuu saꞌ la̱ pa̱ba̱l. At hermana, nintzꞌi̱bac a̱cuiqꞌuin la̱at li sicꞌbil a̱cuu xban li Dios. Ut nintzꞌi̱bac ajcuiꞌ riqꞌuineb la̱ cualal a̱cꞌajol. Ya̱l nak la̱in nequexinra. Moco caꞌaj ta cuiꞌ la̱in ninrahoc e̱re. Nequexraheꞌ aj ban cuiꞌ xbaneb chixjunileb li nequeꞌxnau lix ya̱lal.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Gálatas 4:19

Ex inherma̱n, chanchanex incocꞌal nak nequexcuil. Cꞌajoꞌ nak nayotꞌeꞌ inchꞌo̱l saꞌ e̱cꞌabaꞌ la̱ex. Chanchan li raylal li naxcꞌul li ixk li cua̱nc re xcꞌulaꞌal. Cꞌajoꞌ narahoꞌ inchꞌo̱l nak toj ma̱jiꞌ nequekꞌaxtesi e̱rib chi tzꞌakal rubel rok rukꞌ li Cristo.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Romanos 5:9

Ut anakcuan ti̱c chic li kachꞌo̱l chiru li Dios xban xcamic li Jesucristo. Joꞌcan nak relic chi ya̱l nak saꞌ xcꞌabaꞌ li Cristo tocolekꞌ chiru lix joskꞌil li Dios saꞌ xkꞌehil li rakba a̱tin.

San Juan 12:24

Relic chi ya̱l ninye e̱re nak cui li jun tꞌorol chi riyajil trigo incꞌaꞌ na-auman, jun tꞌorolak ajcuiꞌ. Ut cui na-auman, na-osoꞌ saꞌ li chꞌochꞌ. Jun ajcuiꞌ ru li na-osoꞌ, abanan nabal li ru naxqꞌue nak nau̱chin.

San Lucas 22:44

Nak yo̱ chi yotꞌecꞌ xchꞌo̱l, quitijoc cuiꞌchic li Jesús chi kꞌaxal anchal xchꞌo̱l ut lix tikob yo̱ chi tzꞌukuc saꞌ chꞌochꞌ chi ni̱nki tzꞌukul chanchan quicꞌ.

Isaías 49:3

Li Dios quixye cue: —At Israel, la̱at tatcꞌanjelak chicuu. La̱at tatcꞌutbesi̱nk re inlokꞌal, chan.

Isaías 52:13

Li Ka̱cuaꞌ Dios quixye chi joꞌcaꞌin: —Abihomak li oc cue chixyebal e̱re anakcuan. Laj cꞌanjel chicuu us ta̱e̱lk riqꞌuin li cꞌaꞌru tixba̱nu. Nimak xcuanquil ut ta̱qꞌuehekꞌ xnimal xlokꞌal.

Daniel 12:3

Ut eb li cuanqueb xnaꞌleb, li queꞌcꞌutuc re li ti̱quilal chiruheb li tenamit, teꞌqꞌuehekꞌ xlokꞌal chi junelic. Chanchanakeb li sakꞌe ut li chahim li nalemtzꞌun chiru li choxa.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.