Isaías 53:10 - Li Santil hu

¹⁰ Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Q'eqchi Bible

¹⁰ Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Isaías 53:10 ပူးပေါင်းရင်းမြစ်များ

Romanos 8:32

Usta li Acuabej Dios kꞌaxal raro li Ralal xban, incꞌaꞌ quixcol chiru li ca̱mc. Quixkꞌaxtesi ban chi ca̱mc saꞌ kacꞌabaꞌ la̱o. Cui quixqꞌue li Ralal re ca̱mc, ¿ma incꞌaꞌ ta biꞌ tixqꞌue ke chixjunil li cꞌaꞌak re ru quixyechiꞌi ke?

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Efesios 1:5

Xban nak nocoxra, joꞌcan nak quixsicꞌ chak ku re nak la̱ako chic li ralal xcꞌajol saꞌ xcꞌabaꞌ li Jesucristo. Quixba̱nu chi joꞌcan xban nak joꞌcan quiraj.

Romanos 6:9

La̱o nakanau nak li Jesucristo quicuacli cuiꞌchic chi yoꞌyo saꞌ xya̱nkeb li camenak. Li Cristo incꞌaꞌ chic ta̱ca̱mk xban nak ma̱cꞌaꞌ chic xcuanquil li ca̱mc saꞌ xbe̱n.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Romanos 8:8

Joꞌcan nak li toj nequeꞌxba̱nu li naxrahi ru lix chꞌo̱leb, incꞌaꞌ nasahoꞌ xchꞌo̱l li Dios riqꞌuin li nequeꞌxba̱nu.

San Juan 12:24

Relic chi ya̱l ninye e̱re nak cui li jun tꞌorol chi riyajil trigo incꞌaꞌ na-auman, jun tꞌorolak ajcuiꞌ. Ut cui na-auman, na-osoꞌ saꞌ li chꞌochꞌ. Jun ajcuiꞌ ru li na-osoꞌ, abanan nabal li ru naxqꞌue nak nau̱chin.

San Mateo 3:17

Ut qui-abi̱c xya̱b xcux li Dios toj saꞌ choxa nak quixye: —Aꞌan aꞌin li cualal raro inban. Nasahoꞌ inchꞌo̱l riqꞌuin, chan.

Isaías 46:10

La̱in quinyehoc chak re cꞌaꞌru quicꞌulman chalen saꞌ xticlajic toj saꞌ rosoꞌjic. Chalen najter kꞌe cutan la̱in quinyehoc re cꞌaꞌru ta̱cꞌulma̱nk usta toj ma̱jiꞌ nacꞌulman. Li cꞌaꞌru ninye, aꞌan li ta̱cꞌulma̱nk. La̱in ninba̱nu chixjunil li cꞌaꞌru nacuaj.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

Hebreos 7:27

Li Jesucristo ma̱cuaꞌ joꞌqueb lix yucuaꞌileb aj tij li queꞌcuan saꞌ xya̱nkeb laj Israel. Eb aꞌan cuulaj cuulaj nequeꞌxmayeja li xul re xtojbal rix lix ma̱queb joꞌ ajcuiꞌ lix ma̱queb li tenamit. Aban li Jesucristo jun sut ajcuiꞌ quixmayeja rib re xtojbal rix li kama̱c.

Hebreos 2:13

Ut quixye cuiꞌchic: Cauhak inchꞌo̱l riqꞌuin li Dios. Ut quixye ajcuiꞌ: Cueꞌquin arin la̱in, cuochbeneb li ralal xcꞌajol li Dios li xkꞌaxtesi saꞌ cuukꞌ. (Isa. 8:17-18)

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.

San Lucas 1:33

Aꞌanak chic li cua̱nk xcuanquil chi takla̱nc saꞌ xbe̱neb li ralal xcꞌajol laj Jacob. Ut lix cuanquilal ta̱cua̱nk chi junelic. Incꞌaꞌ ta̱osokꞌ, chan li ángel.

San Mateo 17:5

Toj yo̱ ajcuiꞌ chi a̱tinac aꞌan nak quichal saꞌ xbe̱neb jun li chok nalemtzꞌun. Li Dios quia̱tinac chak saꞌ li chok, ut quixye: —Aꞌin li cualal raro inban. Riqꞌuin aꞌan nasahoꞌ inchꞌo̱l. Cherabihak li cꞌaꞌru tixye.—

Sofonías 3:17

Li Ka̱cuaꞌ le̱ Dios cuan e̱riqꞌuin. Aꞌan nim xcuanquil ut aꞌan ta̱colok e̱re. Li Ka̱cuaꞌ sahak xchꞌo̱l e̱riqꞌuin ut riqꞌuin xnimal xrahom tixqꞌue e̱re li acꞌ yuꞌam. Ut ta̱bicha̱nk xban xsahil saꞌ xchꞌo̱l.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.

Ezequiel 37:25

Teꞌcua̱nk saꞌ li chꞌochꞌ li quinqꞌue re laj Jacob laj cꞌanjel chicuu, li queꞌcuan cuiꞌ lix xeꞌto̱nil yucuaꞌeb. Eb aꞌan ut chixjunileb li ralal xcꞌajol li teꞌcua̱nk mokon teꞌcua̱nk saꞌ li naꞌajej aꞌan chi junelic. Ut li rey David ta̱takla̱nk saꞌ xbe̱neb chi junelic.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Jeremías 32:41

Ta̱sahokꞌ saꞌ inchꞌo̱l chixba̱nunquil usilal reheb. Ut tinqꞌueheb chi cua̱nc saꞌ li naꞌajej aꞌin. Relic chi ya̱l tinba̱nu aꞌin chi anchal inchꞌo̱l ut chi anchal inmetzꞌe̱u.

Salmos 149:4

Li Ka̱cuaꞌ sa saꞌ xchꞌo̱l riqꞌuineb lix tenamit ut naxqꞌueheb xlokꞌal li tu̱laneb.

Salmos 147:11

Nasahoꞌ ban xchꞌo̱l riqꞌuin li ani naxucuan ru ut naroybeni nak ta̱uxta̱na̱k ru xban li Ka̱cuaꞌ.

Salmos 89:29

Junes eb li ralal xcꞌajol teꞌoc chokꞌ rey chokꞌ ru̱chil aꞌan junelic kꞌe cutan.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

Salmos 22:30

Eb li cualal incꞌajol teꞌxlokꞌoni li Ka̱cuaꞌ ut junelic teꞌxserakꞌi resil chiruheb li ralal xcꞌajoleb li teꞌcua̱nk mokon.

2 Ts 1:11

Joꞌcan nak junelic nocotijoc che̱rix ut nakatzꞌa̱ma chiru li Dios nak cha̱bilakex taxak re nak e̱cꞌulubak cua̱nc chokꞌ ralal xcꞌajol li Dios. Nakatzꞌa̱ma chiru nak riqꞌuin taxak xnimal xcuanquil, textenkꞌa chixba̱nunquil li us re nak tzꞌakalak re ru le̱ yehom e̱ba̱nuhom saꞌ xcꞌabaꞌ le̱ pa̱ba̱l.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Salmos 89:36

Junelic cua̱nk li ralal xcꞌajol ut junelic cua̱nkeb xcuanquil chokꞌ rey joꞌ najtil ta̱cua̱nk li sakꞌe saꞌ xbe̱n li ruchichꞌochꞌ.

Salmos 72:7

Chinumta̱k ta li tuktu̱quil usilal ut li ti̱quilal nak cua̱nk chi takla̱nc li rey saꞌ xbe̱neb li tenamit joꞌ najtil ta̱cua̱nk li po saꞌ xbe̱n li ruchichꞌochꞌ.

Salmos 69:26

Nequeꞌxrahobtesi li catakla chak chi cꞌuluc raylal ut cꞌajoꞌ nak nequeꞌxhob.

Salmos 21:4

Nak xtzꞌa̱ma xyuꞌam a̱cue, xaqꞌue lix yuꞌam chi najt ru ut xaqꞌue ajcuiꞌ lix yuꞌam chi junelic.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Isaías 54:3

La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Isaías 61:9

Ut eb li ralal xcꞌajol lin tenamit naꞌno̱keb chic ruheb xbaneb li jalan tenamit. Chixjunileb li teꞌilok ruheb teꞌxnau nak aꞌaneb li cualal incꞌajol ut osobtesinbileb inban, chan li Ka̱cuaꞌ.

Isaías 66:22

Joꞌ nak ta̱cua̱nk chi junelic li acꞌ choxa ut li acꞌ ruchichꞌochꞌ li tinyi̱b, joꞌcan ajcuiꞌ nak ta̱cua̱nk chi junelic le̱ ralal e̱cꞌajol. Ut incꞌaꞌ ta̱sachk le̱ cꞌabaꞌ. Cua̱nk ban chi junelic.

Números 7:15

Quixqꞌue ajcuiꞌ jun li toro toj sa̱j; jun li te̱lom carner, ut jun li te̱lom carner jun chihab cuan re, re li cꞌatbil mayej.

Salmos 22:31

Ta̱yehekꞌ ajcuiꞌ resil li Ka̱cuaꞌ reheb li toj teꞌyoꞌla̱k mokon ut ta̱yehekꞌ resil chanru lix ti̱quilal ut chanru nak quixcol lix tenamit.

Isaías 49:4

Abanan la̱in quincꞌoxla nak yo̱quin chi cꞌanjelac chi ma̱cꞌaꞌ rajbal. Saꞌ inchꞌo̱l la̱in nak yo̱quin chixchoybal inmetzꞌe̱u chi ma̱cꞌaꞌ aj e. Abanan, li Dios naxnau ma us ma incꞌaꞌ us li yo̱quin chixba̱nunquil. Aꞌan ta̱qꞌuehok re lin kꞌajca̱munquil.

San Juan 13:32

Cui la̱in tincꞌutbesi lix lokꞌal li Dios, aꞌan chi se̱b ajcuiꞌ tixcꞌutbesi lin lokꞌal la̱in li Cꞌajolbej.