Isaías 52:9 - Li Santil hu

⁹ Jap a̱cue xban xsahil a̱chꞌo̱l ut bichan re xlokꞌoninquil li Ka̱cuaꞌ, la̱at tenamit Jerusalén, li juqꞌuinbil a̱cuu. Sahak saꞌ a̱chꞌo̱l xban nak li Ka̱cuaꞌ tixcoleb lix tenamit ut tixcꞌojob xchꞌo̱leb. Tixcoleb lix tenamit Jerusalén.

Q'eqchi Bible

⁹ Japomaq eere chi b'ichank chi junaj xyaab' leekux, ex xpo'lemil Jerusalén, xb'aan naq li Qaawa' xril xtoq'ob'aal ru li xtenamit, ak xkol Jerusalén.

Isaías 52:9 ပူးပေါင်းရင်းမြစ်များ

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

Salmos 98:4

Chisahokꞌ saꞌ le̱ chꞌo̱l ut chexbicha̱nk che̱junilex la̱ex li cuanquex saꞌ ruchichꞌochꞌ, re xlokꞌoninquil li Ka̱cuaꞌ. Chelokꞌoni li Ka̱cuaꞌ riqꞌuin le̱ bich.

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.

Isaías 55:12

Cꞌajoꞌak xsahil saꞌ le̱ chꞌo̱l nak tex-e̱lk saꞌ li naꞌajej cuanquex cuiꞌ. Saꞌ tuktu̱quil usilal texsukꞌi̱k cuiꞌchic saꞌ le̱ tenamit. Ut teꞌoc cuiꞌchic chi u̱chi̱nc li cheꞌ chi sa saꞌ xchꞌo̱leb. Ut ta̱e̱lk cuiꞌchic chi cha̱bil li acui̱mk saꞌ eb li tzu̱l.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Isaías 44:26

Abanan, la̱in ninba̱nun re nak ta̱uxma̱nk li cꞌaꞌru nequeꞌxye laj cꞌanjel chicuu. Us ta̱e̱lk lix cꞌanjeleb li tintaklaheb. La̱in ninye nak teꞌcua̱nk cuiꞌchic cristian saꞌ li tenamit Jerusalén. Ut teꞌyi̱ba̱k cuiꞌchic li tenamit li cuanqueb Judá, li queꞌsacheꞌ junxil.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Isaías 14:7

Anakcuan eb li tenamit cuanqueb saꞌ tuktu̱quil usilal ut nequeꞌbichan xban xsahil xchꞌo̱leb.

Gálatas 4:27

Joꞌcaꞌin tzꞌi̱banbil saꞌ li Santil Hu: Chisahokꞌ taxak saꞌ a̱chꞌo̱l, at ixk, li incꞌaꞌ nacatqꞌuiresin. Jap a̱cue xban xsahil a̱chꞌo̱l la̱at li incꞌaꞌ a̱cuecꞌahom xrahil li ala̱nc, la̱at li tzꞌekta̱nanbilat xban la̱ be̱lom. Chisahokꞌ taxak saꞌ a̱chꞌo̱l xban nak kꞌaxal nabal cuiꞌchic la̱ cualal a̱cꞌajol ta̱cua̱nk chiruheb li ralal xcꞌajol li lokꞌbil mo̱s. (Isa. 54:1)

Isaías 49:13

At choxa, jap a̱cue xban xsahil a̱chꞌo̱l. At ruchichꞌochꞌ, chisahokꞌ a̱chꞌo̱l. Ut la̱ex tzu̱l chisahokꞌ saꞌ e̱chꞌo̱l xban nak li Ka̱cuaꞌ tixcꞌojob cuiꞌchic xchꞌo̱leb lix tenamit ut ta̱ril cuiꞌchic xtokꞌoba̱l ruheb nak yo̱queb chi cꞌuluc raylal.

Isaías 12:6

Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Isaías 40:1

Li Ka̱cuaꞌ le̱ Dios quixye: —Checꞌojobakeb xchꞌo̱l lin tenamit. Ut cheqꞌuehak xcacuileb xchꞌo̱l.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Miqueas 4:10

Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re.

Salmos 102:22

Teꞌxchꞌutub ribeb aran Jerusalén eb li jalaneb xtenamit rochbeneb lix rey ut junajakeb xchꞌo̱l nak teꞌxqꞌue xlokꞌal li nimajcual Dios.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.