Isaías 52:7 - Li Santil hu

⁷ Cꞌajoꞌ xlokꞌal li rokeb li tenamit nak yo̱keb chi xic saꞌ eb li tzu̱l chixyebal resil li cha̱bil esilal. Nequeꞌxye resil li tuktu̱quil usilal ut li cha̱bilal. Ut nequeꞌxye ajcuiꞌ resil li colba-ib. Nequeꞌxye reheb li cuanqueb Sión, “Li Ka̱cuaꞌ le̱ Dios, aꞌan li Rey”.

Q'eqchi Bible

⁷ K'ajo' xchaq'al ru rilb'al sa' xb'eeneb' li tzuul li roqeb' laj yehol resil li tuqtuukil usilal, li nayehok chaab'il esilal, li napuktesink resil li kolb'a ib' ut naxye re Sión: “Ak yo chi awab'ejink laaYos!”.

Isaías 52:7 ပူးပေါင်းရင်းမြစ်များ

Nahum 1:15

Yo̱ chak chi cha̱lc saꞌ xbe̱n li tzu̱l li taklanbil chak li yo̱ chak chi cꞌamoc re li cha̱bil esilal chirix li tuktu̱quil usilal. Anakcuan ba̱nuhomak le̱ ninkꞌe joꞌ cꞌaynakex xba̱nunquil la̱ex aj Judá ut ba̱nuhomak li cꞌaꞌru xeyechiꞌi re li Dios xban nak incꞌaꞌ chic teꞌnumta̱k saꞌ e̱be̱n li xicꞌ nequeꞌiloc e̱re. Xeꞌsacheꞌ ruheb chi junaj cua.

San Marcos 16:15

Ut li Jesús quixye reheb: —Texxic saꞌ chixjunil li ruchichꞌochꞌ ut te̱chꞌolob xya̱lal li colba-ib chiruheb chixjunileb li tenamit jun sut rubel choxa.

Efesios 6:15

Cauresinbilakex re xyebal resil li colba-ib ut aꞌan ta̱cꞌanjelak e̱re joꞌ e̱xa̱b che̱rok.

Isaías 40:9

At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Salmos 93:1

Li nimajcual Dios, aꞌan li tzꞌakal rey. Cuan xcuanquil saꞌ xbe̱n chixjunil ut cꞌajoꞌ lix lokꞌal. Quixqꞌue saꞌ xnaꞌaj li ruchichꞌochꞌ ut incꞌaꞌ ta̱ecꞌa̱nk saꞌ xnaꞌaj.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

Salmos 68:11

Yal riqꞌuin ra̱tin li Dios, queꞌe̱lelic li xicꞌ nequeꞌiloc re lix tenamit li Dios. Ut nabaleb li ixk queꞌyehoc resil.

San Lucas 2:10

Abanan li ángel quixye reheb: —Mexxucuac xban nak la̱in xinchal xyebal e̱re jun cha̱bil esilal. Aꞌin jun sahil chꞌo̱lej chokꞌ reheb chixjunileb li tenamit.

San Marcos 13:10

Tento nak xbe̱n cua ta̱sutu̱nk xchꞌolobanquil resilal li colba-ib chiruheb chixjunil li tenamit nak toj ma̱jiꞌ na-osoꞌ li ruchichꞌochꞌ.

Apocalipsis 14:6

Ut quicuil jun chic li ángel yo̱ chi rupupic chiru choxa. Yo̱ chixyebal jun esilal li ma̱cꞌaꞌ rosoꞌjic reheb chixjunileb li cuanqueb saꞌ ruchichꞌochꞌ aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

Cantares 2:8

Nacuabi xya̱b xcux li cui̱nk li ninra. Yo̱ chak chi cha̱lc. Yo̱ chak chi a̱linac saꞌ eb li tzu̱l ut saꞌ xbe̱n bol re nak ta̱cha̱lk cuiqꞌuin saꞌ junpa̱t.

Salmos 99:1

Li Ka̱cuaꞌ, aꞌan li tzꞌakal rey. Aꞌan li nahilan saꞌ xyiheb li querubines. Chixjunileb li cuanqueb saꞌ ruchichꞌochꞌ teꞌxucuak nak teꞌril lix cuanquil.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Miqueas 4:7

Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ.

Isaías 33:22

Li Ka̱cuaꞌ Dios, aꞌan li ta̱rakok a̱tin saꞌ kabe̱n. Aꞌan ta̱qꞌuehok ke li chakꞌrab. Li Ka̱cuaꞌ, aꞌan li karey ut aꞌan ajcuiꞌ li ta̱colok ke.

Salmos 96:10

Yehomak resil saꞌ chixjunileb li tenamit nak li nimajcual Dios, aꞌan li tzꞌakal Rey. Aꞌan li quiqꞌuehoc re li ruchichꞌochꞌ saꞌ xnaꞌaj ut incꞌaꞌ ta̱ecꞌa̱nk saꞌ xnaꞌaj. Aꞌan li ta̱rakok a̱tin saꞌ xbe̱neb li tenamit saꞌ ti̱quilal.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Salmos 59:13

Chasacheb riqꞌuin la̱ joskꞌil. Chasacheb chi junaj cua re nak chixjunileb teꞌxqꞌue retal nak la̱at li Dios li kꞌaxal nim a̱cuanquil saꞌ xbe̱neb laj Israel joꞌ ajcuiꞌ saꞌ chixjunil li ruchichꞌochꞌ.

Salmos 97:1

Li nimajcual Dios, aꞌan li tzꞌakal rey. Joꞌcan nak chisahokꞌ taxak saꞌ xchꞌo̱l li ruchichꞌochꞌ joꞌ eb ajcuiꞌ li chꞌochꞌ li sutsu̱queb saꞌ haꞌ.

Isaías 41:27

La̱in li Ka̱cuaꞌ. La̱in li xbe̱n quincꞌutuc chiruheb laj Israel cꞌaꞌru ta̱cꞌulma̱nk. La̱in quintaklan re li takl chixyebal resilal li sahil chꞌo̱lej li ta̱cha̱lk.

Isaías 42:11

Cheꞌbicha̱nk chixjunileb li cuanqueb saꞌ li chaki chꞌochꞌ joꞌ eb ajcuiꞌ li cuanqueb saꞌ eb li tenamit. Cheꞌsahokꞌ taxak saꞌ xchꞌo̱leb li cuanqueb Cedar. Cheꞌbicha̱nk xban xsahil xchꞌo̱l li cuanqueb Sela. Cheꞌxjapak reheb xban xsahil xchꞌo̱leb saꞌ xbe̱neb li tzu̱l.

Salmos 98:2

Li Ka̱cuaꞌ quixcꞌutbesi chiruheb li tenamit nak aꞌan nim xcuanquil chi coloc. Quixcꞌutbesi lix ti̱quilal chiruheb chixjunileb li tenamit.

Salmos 98:3

Xban nak li Dios naxba̱nu li cꞌaꞌru naxye, quijulticoꞌ re lix rahom saꞌ xbe̱neb laj Israel. Chixjunileb li tenamit li cuanqueb jun sut rubel choxa queꞌril nak li Dios quixcoleb laj Israel chiruheb li xicꞌ nequeꞌiloc reheb.

Nahum 2:1

Xeꞌchal saꞌ e̱be̱n li teꞌsachok e̱re, la̱ex aj Nínive. Cauresihomak e̱rib. Qꞌuehomakeb laj ramonel saꞌ eb li be. Qꞌuehomak lix cꞌa̱mal e̱saꞌ ut cauresihomak e̱rib chi pletic.