Isaías 52:5 - Li Santil hu

⁵ Ut, ¿anakcuan cꞌaꞌru tinba̱nu? chan li Ka̱cuaꞌ. —Eb lin tenamit queꞌcꞌameꞌ Babilonia chi ma̱cꞌaꞌeb xma̱c. Ut eb li nequeꞌtaklan saꞌ xbe̱neb nequeꞌxrahobtesiheb. Ut rajlal nequeꞌxmajecua incꞌabaꞌ.

Q'eqchi Bible

⁵ Ut anaqwan k'aru yookin chi xk'ulb'al arin -chan li Qaawa'- xb'aan naq lintenamit xe'k'ame'k chi munil chi maak'a'eb' xmaak? Eb' li neke'numtaak sa' xb'eeneb' neke'xjap reheb' chi q'etq'eteb' ut rajlaleb' kutan chinmajewankil.

Isaías 52:5 ပူးပေါင်းရင်းမြစ်များ

Romanos 2:24

Joꞌ naxye saꞌ li Santil Hu: Saꞌ e̱cꞌabaꞌ la̱ex aj judío, nequeꞌxmajecua li Dios li ma̱cuaꞌeb aj judío. (Isa. 52:5)

Sofonías 1:10

Quixye ajcuiꞌ li Ka̱cuaꞌ: —Saꞌ eb li cutan aꞌan japjo̱keb re chixtzꞌa̱manquil xtenkꞌanquileb laj Judá joꞌqueb ajcuiꞌ li cuanqueb Jerusalén. Ut ta̱abima̱nk lix ya̱b lix cuxeb toj cuan cuiꞌ li oqueba̱l li nequeꞌcꞌayin cuiꞌ car. Ta̱abi̱k ajcuiꞌ lix ya̱b xcuxeb toj saꞌ lix cab oqueba̱l. Ut teꞌrabi nak yo̱keb chak chi cha̱lc saꞌ li tzu̱l li xicꞌ nequeꞌiloc reheb.

Ezequiel 20:14

Abanan incꞌaꞌ quinsach ruheb xban nak incꞌaꞌ quicuaj nak ta̱isi̱k lin lokꞌal xbaneb li xni̱nkal ru tenamit li queꞌiloc re nak quicuisiheb laj Israel aran Egipto.

Ezequiel 20:9

Abanan incꞌaꞌ quinba̱nu xban nak chiruheb laj Egipto la̱in quinye reheb laj Israel nak tincuisiheb Egipto. Incꞌaꞌ quicuaj nak ta̱isi̱k lin lokꞌal.

Lamentaciones 2:3

Xban xjoskꞌil li Ka̱cuaꞌ quixsach xcuanquileb laj Israel. Incꞌaꞌ chic quixtenkꞌaheb laj Israel nak queꞌchal li xicꞌ nequeꞌiloc reheb chi pletic riqꞌuineb. Quixcanab chixjunil chi sachecꞌ. Chanchan queꞌcꞌateꞌ xban xam nak queꞌsacheꞌ ruheb.

Lamentaciones 1:21

Eb li tenamit queꞌrabi nak yo̱co chi ya̱bac xban li raylal, abanan ma̱ ani nacꞌojoban kachꞌo̱l. Nequeꞌsahoꞌ saꞌ xchꞌo̱leb li xicꞌ nequeꞌiloc ke nak nequeꞌrabi resil li raylal li xaqꞌue saꞌ kabe̱n. Chicuulak taxak xkꞌehil li rakba a̱tin re nak teꞌxcꞌul ajcuiꞌ eb aꞌan joꞌ yo̱co chixcꞌulbal la̱o.

Jeremías 50:17

Eb laj Israel chanchaneb li queto̱mk li queꞌxjeqꞌui ribeb nak li cakcoj quichal chira̱linanquileb. Li xbe̱n li quichal chi sachoc reheb, aꞌan lix reyeb laj Asiria. Ut li xcab li quichal chi sachoc reheb, aꞌan laj Nabucodonosor lix reyeb laj Babilonia.

Isaías 52:3

Aꞌan aꞌin li naxye li Ka̱cuaꞌ: —Moco quitojeꞌ ta e̱rix nak quexcꞌameꞌ chi pre̱xil. Joꞌcan ajcuiꞌ la̱in. Moco riqꞌuin ta tumin texincol.—

Isaías 51:23

Tintakla ban li raylal aꞌin saꞌ xbe̱neb li nequeꞌrahobtesin e̱re, eb li xeꞌxye e̱re, “Yoclankex re nak tonumekꞌ saꞌ e̱be̱n”. Ut la̱ex xeyocob e̱rib re teꞌnumekꞌ saꞌ e̱be̱n. Chanchanex chic li chꞌochꞌ.—

Isaías 51:20

Xeꞌsach xnaꞌleb le̱ ralal e̱cꞌajol. Yalak bar tꞌantꞌo̱queb saꞌ be. Chanchaneb li quej li queꞌchapeꞌ saꞌ jun li raꞌal. Li Dios quirisi xjoskꞌil saꞌ xbe̱neb nak quixkꞌuseb.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Isaías 37:28

La̱in ninnau chanru nak cuancat. Ninnau chixjunil li cꞌaꞌru nacaba̱nu. Ut ninnau ajcuiꞌ nak cꞌajoꞌ la̱ joskꞌil cuiqꞌuin.

Isaías 37:6

Ut laj Isaías quixye reheb: —Joꞌcaꞌin te̱ye re laj Ezequías. “Li Ka̱cuaꞌ naxye a̱cue nak incꞌaꞌ tatxucuak xban li cꞌaꞌru nequeꞌxye e̱re. Matxucuac xban li cꞌaꞌru xeꞌxye re inmajecuanquil eb li nequeꞌcꞌanjelac chiru lix reyeb laj Asiria.

Isaías 22:16

“¿Cꞌaꞌru a̱cuanquil la̱at? ¿Ani quiqꞌuehoc a̱lese̱ns chixyi̱banquil li mukleba̱l arin? ¿Ani xyehoc a̱cue nak ta̱yi̱b la̱ hiloba̱l saꞌ li sako̱nac aꞌin li najt xteram?

Salmos 74:18

At Ka̱cuaꞌ, misach taxak saꞌ a̱chꞌo̱l nak li incꞌaꞌ useb xnaꞌleb yo̱queb cha̱majecuanquil. Eb aꞌan incꞌaꞌ nacateꞌxqꞌue saꞌ ruheb. Junes a̱hobbal nequeꞌxba̱nu.

Salmos 74:10

At Ka̱cuaꞌ, ¿joꞌ najtil chic takacꞌul li raylal aꞌin saꞌ rukꞌeb li xicꞌ nequeꞌiloc ke? ¿Ma toj ta̱canabeb re nak yo̱keb cha̱majecuanquil?

Salmos 44:16

Ninxuta̱nac chirabinquil nak niquineꞌxhob ut niquineꞌxseꞌe li xicꞌ nequeꞌiloc cue.

Salmos 44:12

Xoa̱canab saꞌ rukꞌeb li xicꞌ nequeꞌiloc ke. Chanchan nak xoa̱cꞌayi. Ut, ¿cꞌaꞌ ta ru xara chikix nak xoa̱kꞌaxtesi saꞌ rukꞌeb? Moco xacꞌul ta katzꞌak.

Jueces 18:3

Nak yo̱queb chi nachꞌoc riqꞌuin li rochoch laj Micaía, queꞌrabi nak yo̱ chi a̱tinac li sa̱j cui̱nk. Queꞌxqꞌue retal nak aꞌan aj Leví xban li ra̱tinoba̱l. Nak queꞌcuulac queꞌxye re: —¿Cꞌaꞌru yo̱cat arin? ¿Ani xcꞌamoc chak a̱cue arin? ¿Cꞌaꞌru aj e nak cuancat arin? chanqueb.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

2 Samuel 12:14

Abanan xban li ma̱c xaba̱nu, xaqꞌue li Dios chi hobecꞌ xbaneb li xicꞌ nequeꞌiloc re. Joꞌcan nak la̱ cualal li tojeꞌ xyoꞌla ta̱ca̱mk, chan.