Isaías 52:3 - Li Santil hu

³ Aꞌan aꞌin li naxye li Ka̱cuaꞌ: —Moco quitojeꞌ ta e̱rix nak quexcꞌameꞌ chi pre̱xil. Joꞌcan ajcuiꞌ la̱in. Moco riqꞌuin ta tumin texincol.—

Q'eqchi Bible

³ Jo'ka'in kixye li Qaawa': “Maak'a' tumin kink'ul naq kexk'ame'k chi munil; jo'kan naq maak'a' tumin tink'e naq texwisi chaq anaqwan.

Isaías 52:3 ပူးပေါင်းရင်းမြစ်များ

Isaías 45:13

La̱in xban xti̱quilal inchꞌo̱l, quinqꞌue saꞌ xchꞌo̱l laj Ciro nak ta̱re̱chani li xni̱nkal ru tenamit. La̱in tinti̱cobresiheb li be chiru. Aꞌan ta̱yi̱ba̱nk cuiꞌchic reheb lin tenamit ut tixcoleb li cualal incꞌajol saꞌ rukꞌeb li xicꞌ nequeꞌiloc reheb. Abanan ma̱ ani quituminan ru chi moco queꞌxtoj re xba̱nunquil, chan li Dios.

1 Pedro 1:18

La̱ex nequenau nak xban li Dios colbilex chic chiru li joꞌ ma̱joꞌil naꞌleb li quilajeꞌxcꞌut chak che̱ru le̱ xeꞌto̱nil yucuaꞌ. Moco colbilex ta riqꞌuin cꞌaꞌak re ru na-osoꞌ joꞌ li oro ut li plata.

Salmos 44:12

Xoa̱canab saꞌ rukꞌeb li xicꞌ nequeꞌiloc ke. Chanchan nak xoa̱cꞌayi. Ut, ¿cꞌaꞌ ta ru xara chikix nak xoa̱kꞌaxtesi saꞌ rukꞌeb? Moco xacꞌul ta katzꞌak.

Jeremías 15:13

Ut li Ka̱cuaꞌ quixye: —Xban li ma̱usilal xelajeba̱nu saꞌ eb li naꞌajej aꞌin, la̱in tinkꞌaxtesi reheb li xicꞌ nequeꞌiloc e̱re chixjunil le̱ biomal chi incꞌaꞌ ta̱tojekꞌ e̱re.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Isaías 1:27

Xban inti̱quilal la̱in tincoleb cuiꞌchic li tenamit Sión. La̱in tincolok reheb li teꞌraj cuiꞌchic sukꞌi̱c cuiqꞌuin.

Isaías 62:12

“Santil Tenamit” ta̱yehekꞌ reheb laj Israel ut ta̱yehekꞌ ajcuiꞌ reheb “Colbileb xban li Ka̱cuaꞌ”. Ut li tenamit Jerusalén tixcꞌabaꞌi “Li tenamit li raro, li incꞌaꞌ chic tzꞌekta̱nanbil”.—

Isaías 63:4

Xcuulac xcutanquil nak tinqꞌue re̱kaj li rahobtesi̱nc li queꞌxba̱nu reheb lin tenamit. Xcuulac xkꞌehil nak tincoleb lin tenamit saꞌ rukꞌeb li xicꞌ nequeꞌiloc reheb.

Ezequiel 16:31

Saꞌ chixjunileb li be cayi̱b li naꞌajej li najt xteram re ta̱lokꞌoni cuiꞌ li jalanil dios. Cayi̱beb li artal saꞌ eb li naꞌajej li cuanqueb cuiꞌ nabal li cristian re ta̱ba̱nu li ma̱usilal. Abanan incꞌaꞌ cacꞌul la̱ tojbal joꞌ nequeꞌxba̱nu li ixk li nequeꞌxcꞌayi ribeb.

Ezequiel 34:27

Eb li cheꞌ teꞌu̱chi̱nk ut li acui̱mk saꞌ li cꞌaleba̱l ta̱u̱chi̱nk. Ut chixjunileb teꞌcua̱nk saꞌ xnaꞌajeb chi ma̱cꞌaꞌ ta̱chꞌiꞌchꞌiꞌi̱nk reheb. La̱in tincoleb saꞌ rukꞌeb li queꞌnumta saꞌ xbe̱neb ut queꞌrahobtesin reheb. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Levítico 25:54

Cui incꞌaꞌ nalokꞌeꞌ cuiꞌchic saꞌ eb li cutan aꞌan, li cui̱nk rochbeneb li ralal xcꞌajol teꞌcana̱k libre saꞌ li chihab re sahil chꞌo̱lejil.

Salmos 44:13

Xacꞌut kaxuta̱n chiruheb li jalanil tenamit. Nak nocoeꞌril, nocoeꞌxseꞌe ut nocoeꞌretzꞌu.