Isaías 52:12 - Li Santil hu

¹² Abanan moco saꞌ a̱nil ta tex-e̱lk, chi moco tex-e̱lelik nak tex-e̱lk. Li Ka̱cuaꞌ aꞌan li ta̱cꞌamok be che̱ru ut aꞌan ajcuiꞌ li ta̱ilok e̱re.

Q'eqchi Bible

¹² Ab'an moko tex'elq ta chi junpaat chi moko jo' aj eelel ta naq texxik, xb'aan naq k'amolb'ehaq li Qaawa' cheru ut chi ixb'ej wanq li xYos laj Israel.

Isaías 52:12 ပူးပေါင်းရင်းမြစ်များ

Isaías 58:8

Cui te̱ba̱nu chixjunil aꞌin, la̱in tin-osobtesi̱nk e̱re ut ta̱qꞌuehekꞌ e̱lokꞌal joꞌ nak nasake̱u li cutan. La̱in texinqꞌuirtesi saꞌ junpa̱t. Saꞌ ti̱quilal tincꞌamok be che̱ru ut lin lokꞌal junelic cua̱nk e̱riqꞌuin.

Deuteronomio 20:4

Li Ka̱cuaꞌ le̱ Dios, aꞌan li ta̱cua̱nk e̱riqꞌuin. Aꞌan ta̱tenkꞌa̱nk e̱re chi pletic riqꞌuineb li xicꞌ nequeꞌiloc e̱re re texnumta̱k saꞌ xbe̱neb.”

Isaías 45:2

—La̱in tincꞌamok be cha̱cuu. Ut tinti̱cobresi li be. Tinjuqꞌueb li oqueba̱l yi̱banbil riqꞌuin bronce ut hierro.

Miqueas 2:13

Li Ka̱cuaꞌ Dios ta̱colok reheb chiruheb li tenamit li queꞌnumta saꞌ xbe̱neb. Chanchan nak yo̱ chixtebal li be chiruheb nak ta̱risiheb saꞌ xya̱nkeb li xicꞌ nequeꞌiloc reheb. Ut li Ka̱cuaꞌ, aꞌan ta̱cꞌamok be chiruheb ut aꞌanak lix reyeb.

1 Crónicas 14:15

Nak ta̱cuabi li choki̱nc saꞌ ruꞌujeb li cheꞌ, la̱at tatxic chi pletic riqꞌuineb xban nak la̱in tinxic chi ubej ut tinsach xcuanquileb lix solda̱deb aj filisteo, chan li Dios.

Números 10:25

Ut chirixeb li ralal xcꞌajol laj Benjamín queꞌco̱eb li jun chꞌu̱tal li ralal xcꞌajol laj Dan ut cuan xbande̱reb. Aꞌaneb li teꞌilok reheb li teꞌxic chi ubej. Ut laj Ahiezer li ralal laj Amisadai, aꞌan li najolomin reheb.

Éxodo 12:11

Joꞌcaꞌin nak texcuaꞌak. Nak ac oc e̱re chi cuaꞌac, te̱qꞌue lix cꞌa̱mal e̱saꞌ, te̱qꞌue le̱ xa̱b ut cua̱nk le̱ xukꞌ saꞌ le̱ rukꞌ. Te̱se̱ba e̱rib chi cuaꞌac. Aꞌan li kꞌojyi̱n nak la̱in li Ka̱cuaꞌ Dios tinnumekꞌ saꞌ li tenamit chi rakoc a̱tin.

Jueces 4:14

Ut lix Débora quixye re laj Barac: —Anakcuan xcuulac xkꞌehil. Ayukex chi pletic xban nak li Ka̱cuaꞌ ac xkꞌaxtesi saꞌ a̱cuukꞌ laj Sísara. Li Ka̱cuaꞌ yo̱ chi tenkꞌa̱nc e̱re, chan. Ut queꞌcube saꞌ li tzu̱l Tabor laj Barac rochbeneb li laje̱b mil chi soldado.

Éxodo 12:39

Xban nak queꞌisi̱c saꞌ junpa̱t saꞌ li tenamit Egipto, ma̱cꞌaꞌ xcuaheb yi̱banbil nak queꞌco̱eb. Riqꞌuin lix kꞌemal li caxlan cua queꞌxyi̱b lix cuaheb xcomon li ma̱cꞌaꞌ xchꞌamal.

Éxodo 12:33

Ut eb laj Egipto queꞌxtzꞌa̱ma ajcuiꞌ chiruheb laj Israel nak teꞌxse̱ba rib chi xic. Queꞌxye reheb: —Ayukex. Se̱bahomak e̱rib chi xic. Ma̱re toca̱mk ajcuiꞌ la̱o cui la̱ex incꞌaꞌ texxic, chanqueb.

Isaías 51:14

Eb li cuanqueb chi pre̱xil chi se̱b teꞌachꞌaba̱k. Incꞌaꞌ teꞌca̱mk saꞌ li naꞌajej li cuanqueb cuiꞌ chi pre̱xil. Ut junelic ta̱cua̱nk xcua rucꞌaheb.

Éxodo 14:8

Li Ka̱cuaꞌ Dios quixcacuubresi xchꞌo̱l laj faraón lix reyeb laj Egipto re nak tixta̱keheb laj Israel. Ut eb laj Israel nequeꞌtzololnac chi xic. Ut li Ka̱cuaꞌ Dios yo̱ chi cꞌamoc be chiruheb riqꞌuin lix nimal xcuanquilal.

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

Deuteronomio 16:3

Incꞌaꞌ te̱tzaca tib riqꞌuin li caxlan cua cuan xchꞌamal. Chiru cuukub cutan te̱cuaꞌ li caxlan cua ma̱cꞌaꞌ xchꞌamal, li caxlan cua re rahil chꞌo̱lej. Te̱ba̱nu chi joꞌcan re nak junelic ta̱julticokꞌ e̱re chanru nak quex-el chak Egipto saꞌ junpa̱t, li bar quexrahobtesi̱c cuiꞌ.

Josué 6:9

Cuanqueb li soldado li yo̱queb chi xic chi ubej chiruheb laj tij li yo̱queb chixya̱basinquil li xucub carner. Ut cuanqueb ajcuiꞌ li soldado li yo̱queb chi xic chirix li Lokꞌlaj Ca̱x. Ut eb laj tij incꞌaꞌ nequeꞌxcanab xya̱basinquil lix xucub li carner.

Isaías 26:7

Ti̱c ru li be li nequeꞌnumeꞌ cuiꞌ li ti̱queb xchꞌo̱l. At Ka̱cuaꞌ, la̱at nacatti̱cobresin re li be chiruheb.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Isaías 49:10

Incꞌaꞌ chic teꞌtzꞌoca̱k chi moco ta̱chakik reheb, ut lix tikcual li sakꞌe incꞌaꞌ ta̱chꞌiꞌchꞌiꞌi̱nk reheb xban nak li Jun li na-uxta̱nan ruheb tixberesiheb ut tixcꞌameb cuan cuiꞌ li yuꞌam haꞌ.

Isaías 49:11

La̱in tinti̱cobresiheb li be saꞌ eb li tzu̱l ut tinyi̱beb li ni̱nki be re teꞌnumekꞌ cuiꞌ lin tenamit, chan li Dios.

Isaías 57:18

Usta ac ninnau chanru lix naꞌlebeb, abanan la̱in tinqꞌuirtesiheb. La̱in tinberesiheb ut tincꞌojob xchꞌo̱leb.

Josué 4:11

Nak ac xeꞌnumeꞌ chixjunileb li tenamit, queꞌnumeꞌ ajcuiꞌ laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ ut queꞌco̱eb chi ubej.