Isaías 52:11 - Li Santil hu

¹¹ Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Q'eqchi Bible

¹¹ Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Isaías 52:11 ပူးပေါင်းရင်းမြစ်များ

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Efesios 5:11

Me̱junaji chic e̱rib riqꞌuineb li incꞌaꞌ nequeꞌxnau xya̱lal ut nequeꞌxba̱nu li cꞌaꞌak re ru ma̱cꞌaꞌ na-oc cuiꞌ. La̱ex ban chic texchꞌoloba̱nk re lix ya̱lal chiruheb nak incꞌaꞌ us yo̱queb.

Isaías 1:16

Yi̱bomak le̱ yuꞌam. Ti̱cobresihomak le̱ chꞌo̱l. Canabomak li ma̱cobc. Ut me̱ba̱nu chic li ma̱usilal.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

Apocalipsis 18:4

Ut quicuabi jun chic yo̱ chak chi a̱tinac saꞌ choxa ut quixye: Ex ralal xcꞌajol li Dios, elenkex saꞌ li tenamit aꞌan re nak incꞌaꞌ textzꞌako̱nk riqꞌuin lix ma̱queb ut re nak incꞌaꞌ textzꞌako̱nk riqꞌuin li raylal li teꞌxcꞌul.

1 Pedro 2:11

Ex inherma̱n, raro̱quex inban. La̱ex yal numelex arin saꞌ ruchichꞌochꞌ. La̱in nintzꞌa̱ma che̱ru nak me̱ba̱nu chic li ma̱usilal li queba̱nu chak junxil xban nak aꞌan caꞌaj cuiꞌ xpoꞌbal ru le̱ cꞌaꞌux naxba̱nu.

Romanos 14:14

Xban nak ninpa̱b li Cristo, joꞌcan nak ninnau nak ma̱cꞌaꞌ re̱cꞌ xtzacanquil li cꞌaꞌak re ru. Abanan cui junak narecꞌa saꞌ xchꞌo̱l nak ma̱c xtzacanquil junak tzacae̱mk, us cui incꞌaꞌ tixba̱nu.

Hechos 10:28

Laj Pedro quixye reheb: —La̱ex nequenau nak lix chakꞌrabeb laj judío naxye nak incꞌaꞌ naru takajunaji kib riqꞌuineb li ma̱cuaꞌeb aj judío chi moco ta̱ru̱k to-oc saꞌ rochocheb. Abanan xcꞌut chicuu li Ka̱cuaꞌ Dios nak ma̱ jun li cristian tintzꞌekta̱na chi moco tinye nak incꞌaꞌ us a̱tinac riqꞌuineb.

Hechos 10:14

Laj Pedro quixye: —Incꞌaꞌ, Ka̱cuaꞌ. Ma̱ jun sut xintzaca cꞌaꞌak re ru li naxye saꞌ li chakꞌrab nak incꞌaꞌ us xtzacanquil, chan.

Ezequiel 44:23

Eb laj tij teꞌxcꞌut chiruheb lin tenamit cꞌaꞌru li santobresinbil ut cꞌaꞌru li incꞌaꞌ santobresinbil. Teꞌxcꞌut chiruheb cꞌaꞌru li muxbil ut cꞌaꞌru li incꞌaꞌ muxbil.

Jeremías 51:45

La̱ex aj Israel, lin tenamit, elenkex saꞌ li tenamit Babilonia. Tex-e̱lelik ut colomak le̱ yuꞌam xban nak la̱in yo̱ injoskꞌil saꞌ xbe̱neb laj Babilonia, chan li Dios.

Jeremías 51:6

Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

Jeremías 50:8

Elenkex Babilonia. Canabomak lix naꞌajeb. Chanchanakex li chiba̱t li nequeꞌcꞌamoc be chiruheb li jun chꞌol chic chiba̱t.

Levítico 11:47

Riqꞌuin aꞌin te̱qꞌue retal cꞌaꞌru li muxbil ru ut cꞌaꞌru li incꞌaꞌ muxbil ru. Tento nak te̱nau bar cuan li xul li naru te̱tzaca ut bar cuan li xul li incꞌaꞌ naru te̱tzaca, chan li Dios.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Levítico 11:45

La̱in li Ka̱cuaꞌ Dios. La̱in li quin-isin chak e̱re aran Egipto. La̱in le̱ Dios. Santobresinbilakex la̱ex xban nak santin la̱in.

Éxodo 30:19

Ut riqꞌuin li haꞌ li cuan saꞌ li pila teꞌxchꞌaj li rukꞌeb ut teꞌxchꞌaj li rokeb laj Aarón joꞌqueb ajcuiꞌ li ralal.

Números 8:6

—Ta̱cuisiheb laj levitas saꞌ xya̱nkeb laj Israel re ta̱santobresiheb.

Números 16:26

Ut laj Moisés quixye reheb laj Israel: —Elenkex chixcꞌatk lix muheba̱leb li cui̱nk aꞌin li incꞌaꞌ useb xnaꞌleb. Ut me̱chꞌeꞌ li cꞌaꞌru reheb ma̱re anchal texca̱mk xban lix ma̱usilaleb, chan. Joꞌcan nak queꞌel chixcꞌatk lix muheba̱leb laj Coré, laj Datán ut laj Abiram. Laj Datán ut laj Abiram queꞌel chak saꞌ lix muheba̱leb. Xakxo̱queb chiru li oqueba̱l rochbeneb li rixakil ut eb lix cocꞌal.

Números 19:11

Li ani tixchꞌeꞌ junak camenak muxbil ru ta̱cana̱k chiru cuukub cutan.

Números 19:16

Ut muxbilak ajcuiꞌ ru li ani ta̱chꞌeꞌok re junak camenak saꞌ cꞌaleba̱l, usta quicamsi̱c chi chꞌi̱chꞌ, malaj ut yal nacam chi joꞌcan. Ut muxbilak ru li ani ta̱chꞌeꞌok re xbakel li camenak malaj ut junak li mukleba̱l. Muxbil ru ta̱cana̱k chiru cuukub cutan.

Isaías 66:20

Ut teꞌxcꞌam chak chixjunileb li ras ri̱tzꞌin li cuanqueb saꞌ eb li najtil tenamit chokꞌ inmayej. Teꞌxcꞌameb saꞌ lin santil tzu̱l aran Jerusalén. Teꞌcha̱lk chirix cacua̱y, chirix bu̱r ut chirix camello. Ut teꞌcha̱lk ajcuiꞌ saꞌ carruaje ut saꞌ carre̱t. Teꞌxcꞌameb chak joꞌ nak eb laj Israel nequeꞌxcꞌam saꞌ lin templo lix mayej saꞌ eb li secꞌ li kꞌaxtesinbil chi cꞌanjelac chicuu.

Jeremías 31:21

Qꞌuehomak retalil li be li quexnumeꞌ cuiꞌ nak quexco̱ex. Qꞌuehomak retal chi us. Sukꞌinkex cuiꞌchic saꞌ le̱ naꞌaj, ex tukꞌ ixk aj Israel.

Levítico 21:6

Tento nak santakeb laj tij re nak incꞌaꞌ teꞌxcꞌut xxuta̱n lin cꞌabaꞌ xban nak aꞌaneb li nequeꞌxqꞌue li cꞌatbil mayej ut nequeꞌmayejac li caxlan cua chicuu la̱in lix Dioseb. Joꞌcan nak tento nak santakeb.

1 Crónicas 15:12

Quixye reheb: —La̱ex laj cꞌamol be chiruheb laj levita. Santobresihomak e̱rib la̱ex ut santobresihomakeb ajcuiꞌ laj levitas, le̱ rechꞌalal, re nak naru te̱numsi lix Lokꞌlaj Ca̱x li Ka̱cuaꞌ li kaDios la̱o aj Israel saꞌ li naꞌajej li xinyi̱b.

Zacarías 2:10

Li Ka̱cuaꞌ quixye: —Bichankex chi sa saꞌ e̱chꞌo̱l la̱ex aj Jerusalén xban nak la̱in tincua̱nk e̱riqꞌuin, chan.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.