Isaías 52:10 - Li Santil hu

¹⁰ Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Q'eqchi Bible

¹⁰ Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Isaías 52:10 ပူးပေါင်းရင်းမြစ်များ

Isaías 51:9

Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

San Lucas 3:6

Ut chixjunileb li cuanqueb saꞌ ruchichꞌochꞌ teꞌril ru laj Colonel li xtakla chak li Dios. (Isa. 40:3-5)

Apocalipsis 14:6

Ut quicuil jun chic li ángel yo̱ chi rupupic chiru choxa. Yo̱ chixyebal jun esilal li ma̱cꞌaꞌ rosoꞌjic reheb chixjunileb li cuanqueb saꞌ ruchichꞌochꞌ aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Hechos 13:47

Tento takaye xban nak joꞌcan coxtakla cuiꞌ chak li Ka̱cuaꞌ Dios nak quixye: Xatinxakab re ta̱chꞌolob xya̱lal chiruheb li ma̱cuaꞌeb aj judío ut ta̱ye resil li colba-ib jun sut saꞌ ruchichꞌochꞌ.— (Isa. 49:6)

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

San Lucas 2:30

xban nak riqꞌuin xnakꞌ cuu xcuil li Colonel li yechiꞌinbil a̱ban,

Salmos 67:2

Chixjunileb li cuanqueb saꞌ ruchichꞌochꞌ teꞌxnau taxak nak kꞌaxal nim la̱ cuusilal. Ut cheꞌxnau ta ajcuiꞌ nak la̱at aj Colol reheb.

Isaías 11:9

Saꞌ lin santil tzu̱l ma̱ ani chic tixchꞌeꞌ rib ut incꞌaꞌ chic teꞌxrahobtesi ribeb chi ribileb rib xban nak chixjunil li ruchichꞌochꞌ nujenak riqꞌuin lix naꞌleb li Ka̱cuaꞌ joꞌ nak nanujac li palau riqꞌuin haꞌ.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Isaías 40:5

Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Isaías 59:16

Li Ka̱cuaꞌ quisach xchꞌo̱l chirilbal nak ma̱ ani natenkꞌan reheb li rahobtesinbileb. Ma̱ ani na-oquen chirixeb. Joꞌcan nak riqꞌuin xcuanquil quixcoleb ut quixxakab xcuanquil li ti̱quilal.

Isaías 62:1

Xban nak ninra li tenamit Sión, joꞌcan nak la̱in tinchꞌolob lix ya̱lal. Xban nak ninra li tenamit Jerusalén incꞌaꞌ tincanab xchꞌolobanquil lix ya̱lal chiruheb toj retal ta̱cꞌutu̱nk lix ti̱quilaleb. Ut ta̱cꞌutu̱nk nak colbileb chic. Chanchanak jun li xam lochlo̱k.

Isaías 63:5

Quicuil nak ma̱ ani natenkꞌan cue. Quisach inchꞌo̱l nak ma̱ jun xtenkꞌan cue. Xban nak yo̱ injoskꞌil, xincacuubresi inchꞌo̱l ut yal injunes xinnumta saꞌ xbe̱neb.

Miqueas 5:4

Ut li Acuabej li ta̱yoꞌla̱k, aꞌan chic xakxo̱k xcuanquil saꞌ xbe̱n lix tenamit ut aꞌan ajcuiꞌ ta̱ilok reheb riqꞌuin lix nimajcual xcuanquilal li Dios. Aꞌan ta̱takla̱nk saꞌ xbe̱neb saꞌ xcꞌabaꞌ li nimajcual Dios. Ut li ralal xcꞌajol cauhakeb xchꞌo̱l riqꞌuin xban nak kꞌaxal nim xcuanquil saꞌ xbe̱n chixjunil li ruchichꞌochꞌ.

Josué 4:24

Quixba̱nu chi joꞌcan re nak chixjunileb li cuanqueb saꞌ ruchichꞌochꞌ teꞌxqꞌue retal nak kꞌaxal nim xcuanquil li Ka̱cuaꞌ ut re ajcuiꞌ nak la̱ex junelic te̱xucua ru li Ka̱cuaꞌ le̱ Dios, chan laj Josué.

Li xHu LAJ JOB 40:9

¿Ma kꞌaxal nim ta biꞌ la̱ cuanquil joꞌ la̱in? Ut, ¿ma chanchan ta biꞌ nak namok li ca̱k nak nacat-a̱tinac la̱at?

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Isaías 33:13

La̱ex li cuanquex chi najt, cherabihak resil li cꞌaꞌru xinba̱nu. La̱ex li cuanquex chi nachꞌ cheqꞌuehak retal lin cuanquil, chan li Dios.

Isaías 53:1

¿Ani ta biꞌ xpa̱ban re li xkaye resil? Ut, ¿ani ta biꞌ chi aj u quixcꞌutbesi lix cuanquil li Dios?