Isaías 51:9 - Li Santil hu

⁹ Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

Q'eqchi Bible

⁹ Ajen, ajsi aawu, at Qaawa', ut k'ut laawankilal; waklin jo' kab'aanu chaq junxil, jo' kab'aanu chaq najter q'e kutan. Ma ink'a' tab'i' laa'at katkamsink re Rahab, ut kapaynumi chi ch'iich' li xk'anti'il li palaw?

Isaías 51:9 ပူးပေါင်းရင်းမြစ်များ

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

Isaías 27:1

Saꞌ eb li cutan aꞌan li Ka̱cuaꞌ tixqꞌueheb chixtoj xma̱queb laj Leviatán li nimla xul li se̱b xchꞌo̱l chixba̱nunquil li incꞌaꞌ us, ut li nimla cꞌantiꞌ li naxkꞌotkꞌoti rib, joꞌ ajcuiꞌ li dragón li cuan saꞌ li palau. Riqꞌuin lix nimla chꞌi̱chꞌ cau tixcamsiheb.

Salmos 89:10

La̱at xatnumta saꞌ xbe̱n li tenamit Egipto. Riqꞌuin xnimal la̱ cuanquil xachaꞌchaꞌi ruheb li xicꞌ nequeꞌiloc a̱cue.

Isaías 30:7

Relic chi ya̱l nak ma̱cꞌaꞌ na-oc cuiꞌ li teꞌxba̱nu eb laj Egipto. Moco naru ta teꞌxtenkꞌaheb laj Israel. Joꞌcan nak ninye: —Eb laj Egipto nequeꞌxnimobresi ribeb, abanan ma̱cꞌaꞌ naru nequeꞌxba̱nu.—

Ezequiel 29:3

Ta̱ye reheb: joꞌcaꞌin xye li Ka̱cuaꞌ li nimajcual Dios. Yo̱ injoskꞌil saꞌ a̱be̱n la̱at, at faraón, lix reyeb laj Egipto. La̱at chanchanat jun li nimla xul dragón xcꞌabaꞌ li nacuan saꞌ nimaꞌ. Nacaye, “Li nimaꞌ Nilo cue la̱in. La̱in quinyi̱ban re,” chancat.

Isaías 51:17

Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Salmos 44:1

At kaDios, ac xkabi resil li joꞌ qꞌuial caba̱nu chak najter. Eb li kanaꞌ kayucuaꞌ queꞌxserakꞌi ke chanru nak catenkꞌaheb chak najter.

Li xHu LAJ JOB 26:12

Riqꞌuin lix cuanquil quixye re li palau nak tixcanab ecꞌa̱nc. Xban nak cuan xnaꞌleb naxqꞌue chi tukla̱c ru li palau.

Salmos 7:6

At Ka̱cuaꞌ, chacꞌut la̱ joskꞌil chiruheb li xicꞌ nequeꞌiloc cue. At inDios, china̱tenkꞌa xban nak la̱at saꞌ ti̱quilal nacatrakoc a̱tin.

Habacuc 3:13

La̱at catchal chixcolbaleb la̱ tenamit ut chixcolbaleb li ac sicꞌbil ruheb a̱ban. Ut casach ru li nacꞌamoc be saꞌ xya̱nkeb li incꞌaꞌ useb xnaꞌleb. Ut casacheb ru chixjunileb li nequeꞌta̱ken re. Chanchan nak najuqꞌueꞌ jun li cab nak casach chixjunil.

Isaías 62:8

Li Ka̱cuaꞌ riqꞌuin lix cuanquil quixye riqꞌuin juramento nak incꞌaꞌ chic tixqꞌue lix trigo lix tenamit chixtzacaheb li xicꞌ nequeꞌiloc reheb. Chi moco eb li jalan tenamit tixqꞌueheb xlese̱ns chirucꞌbal li xyaꞌal li uvas li nequeꞌxcꞌanjela.

Salmos 93:1

Li nimajcual Dios, aꞌan li tzꞌakal rey. Cuan xcuanquil saꞌ xbe̱n chixjunil ut cꞌajoꞌ lix lokꞌal. Quixqꞌue saꞌ xnaꞌaj li ruchichꞌochꞌ ut incꞌaꞌ ta̱ecꞌa̱nk saꞌ xnaꞌaj.

Salmos 87:4

Naxye: —Nak yo̱quin chixqꞌuebal xlokꞌal li tenamit Sión, nequeꞌjulticoꞌ cue eb li tenamit Egipto, Babilonia, Filistea, Tiro ut Etiopía. Lin tenamit Sión chanchan jun naꞌbej chokꞌ reheb li tenamit aꞌin xban nak aran queꞌxtau li cuusilal, chan li Dios.

Salmos 44:23

Chacuabi taxak, at Ka̱cuaꞌ, li yo̱co chixtzꞌa̱manquil a̱cue. Nakanau nak incꞌaꞌ nacatcuar. Chacuabi taxak li yo̱co xtzꞌa̱manquil a̱cue ut moa̱tzꞌekta̱na chi junaj cua.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

Apocalipsis 11:17

Ut queꞌxye: At Ka̱cuaꞌ, at nimajcual Dios, nocobantioxin cha̱cuu. La̱at li ac cuancat ajcuiꞌ chak junxil ut cuancat anakcuan ut cua̱nkat chi junelic. La̱at cuan a̱cuanquil chi junelic ut la̱at chic tattakla̱nk saꞌ xbe̱neb chixjunileb li cuanqueb saꞌ ruchichꞌochꞌ.

San Lucas 1:51

Sachba chꞌo̱lej li quixba̱nu riqꞌuin xnimal xcuanquil. Quixpoꞌ ru li yo̱queb chixcꞌoxlanquil xba̱nunquil li kꞌetkꞌeteb, li nequeꞌrecꞌa saꞌ xchꞌo̱leb nak ni̱nkeb xcuanquil.

Habacuc 2:19

Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume.

Isaías 53:1

¿Ani ta biꞌ xpa̱ban re li xkaye resil? Ut, ¿ani ta biꞌ chi aj u quixcꞌutbesi lix cuanquil li Dios?

Isaías 51:5

Chi se̱b tinba̱nu li cꞌaꞌru xinye. Chi se̱b tincoleb lin tenamit. La̱in tinrakok a̱tin saꞌ xbe̱neb li tenamit. Eb li xni̱nkal ru tenamit yo̱queb chicuoybeninquil. Teꞌxqꞌue retal lin cuanquil ut cuiqꞌuin teꞌyoꞌoni̱nk.

Salmos 78:65

Ut li Ka̱cuaꞌ quixcanabeb li xicꞌ nequeꞌiloc reheb lix tenamit chi numta̱c saꞌ xbe̱neb. Nak quixqꞌue retal nak yo̱queb chi numta̱c li xicꞌ nequeꞌiloc reheb, quixtenkꞌa cuiꞌchic lix tenamit. Chanchan nak yo̱ chi cua̱rc li Ka̱cuaꞌ ut qui-aj ru. Chanchan jun li cui̱nk cau rib chi pletic xban li vino li ac xrucꞌ.

Salmos 21:13

Tatkalokꞌoni, at Ka̱cuaꞌ, xban nak riqꞌuin xnimal la̱ cuanquilal xoa̱col. Tobicha̱nk chi anchal kachꞌo̱l re a̱lokꞌoninquil.

Jueces 6:13

Quichakꞌoc laj Gedeón ut quixye re: —At Ka̱cuaꞌ, cui li Dios cuan kiqꞌuin, ¿cꞌaꞌut nak yo̱co chixcꞌulbal li raylal aꞌin? ¿Bar cuan li milagros queꞌxserakꞌi ke li kanaꞌ kayucuaꞌ nak queꞌxye: “¿Ma incꞌaꞌ ta biꞌ xorisi chak li Ka̱cuaꞌ Egipto?” chanqueb. Anakcuan li Ka̱cuaꞌ xoxtzꞌekta̱na ut xoxkꞌaxtesi saꞌ rukꞌeb laj Madián, chan.

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

San Juan 12:38

Aꞌin quicꞌulman re nak ta̱tzꞌaklok ru li quixye li profeta Isaías nak quixye: Ka̱cuaꞌ, ¿ani ta biꞌ ta̱qꞌuehok xcuanquil li cꞌaꞌru xkaye? Ut, ¿ani ta biꞌ ta̱qꞌuehok xcuanquil li milagro li yo̱cat chixcꞌutbesinquil chiruheb? (Isa. 53:1)

Salmos 59:4

At Ka̱cuaꞌ, usta ma̱cꞌaꞌ inma̱c, teꞌraj ru incamsinquil. Yo̱queb xcꞌu̱banquil chanru nak tineꞌxcamsi. Chacuil li cꞌaꞌru yo̱queb chixba̱nunquil cue, at Ka̱cuaꞌ. Cha̱lkat chi junpa̱t ut cholina̱col.

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Li xHu LAJ JOB 9:13

Nak li Dios najoskꞌoꞌ moco nanumeꞌ ta lix joskꞌil chi junpa̱t. Ut eb li kꞌaxal kꞌetkꞌeteb nequeꞌxcubsi ribeb rubel xcuanquil.

Salmos 77:5

Nanak saꞌ inchꞌo̱l li cꞌaꞌru kacꞌul chak saꞌ eb li cutan ut eb li chihab li quilajeꞌnumeꞌ.

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Zacarías 2:13

Chixjunileb li cuanqueb saꞌ ruchichꞌochꞌ cheꞌxxucua ta ru li Ka̱cuaꞌ ut incꞌaꞌ ta chic teꞌecꞌa̱nk xban nak aꞌan tixcanab chak lix Santil Naꞌaj ut ta̱cha̱lk saꞌ kaya̱nk.

Zacarías 10:11

La̱in tintenkꞌaheb chixcuybal xnumsinquil li raylal joꞌ nak quintenkꞌaheb chak nak queꞌnumeꞌ chak saꞌ li Caki Palau aran Egipto. La̱in quintenkꞌaheb nak quinqꞌue chi chakic li nimaꞌ ut queꞌnumeꞌ jun pacꞌal. La̱in tincuisi xcuanquileb laj Asiria re nak incꞌaꞌ chic teꞌxnimobresi ribeb ut tinsach ajcuiꞌ xcuanquileb laj Egipto.

Salmos 44:2

Ac xkabi ut ac xkanau nak la̱at cattaklan chak re li raylal saꞌ xbe̱neb li tenamit li queꞌlokꞌonin jalanil dios. Ut la̱at cat-isin reheb saꞌ li naꞌajej yechiꞌinbil reheb la̱ cualal a̱cꞌajol. Ut caqꞌueheb la̱ cualal a̱cꞌajol chi cua̱nc saꞌ li naꞌajej aꞌan.

Salmos 44:24

¿Cꞌaꞌut nak nacamuk a̱cuib chiku? ¿Cꞌaꞌut nak nocosach saꞌ a̱chꞌo̱l? ¿Ma incꞌaꞌ nacacuil li raylal li yo̱co chixcꞌulbal?

Salmos 89:11

La̱at aj e̱chal re li choxa joꞌ ajcuiꞌ li ruchichꞌochꞌ xban nak la̱at catyi̱ban re chixjunil li cꞌaꞌru cuan.

Miqueas 7:15

Ut chacꞌut ta ajcuiꞌ chiku li sachba chꞌo̱lej joꞌ caba̱nu chak junxil nak coa̱cuisi chak saꞌ li naꞌajej Egipto.

Hechos 7:7

Ut la̱in tinrakok a̱tin saꞌ xbe̱n li tenamit aꞌan li teꞌrahobtesi̱nk reheb la̱ cualal a̱cꞌajol. Ut nak teꞌe̱lk saꞌ li tenamit aꞌan teꞌcꞌanjelak chicuu saꞌ li naꞌajej aꞌin,” chan li Dios.