Isaías 51:6 - Li Santil hu

⁶ Ilonkex saꞌ choxa ut ilonkex saꞌ ruchichꞌochꞌ. Li choxa ta̱sachk joꞌ nak nasach li sib. Li ruchichꞌochꞌ ta̱osokꞌ joꞌ nak na-osoꞌ junak li tꞌicr. Ut eb li cristian telajeꞌca̱mk. Abanan li colba-ib li ninqꞌue incꞌaꞌ ta̱osokꞌ. Ta̱cua̱nk ban chi junelic ut lin ti̱quilal incꞌaꞌ ta̱paltok.

Q'eqchi Bible

⁶ “Taqsihomaq leerilob'aal sa' choxa ut ilomaq li ruuchich'och' taq'a: li choxa taa'oso'q jo' li sib', ut li ruuchich'och' taaq'eelo'q jo' junaq aq'ej; eb' li xpoyanamil te'kamq jo'kaqeb' li suq. A'ut linkolb'a ib' taawanq chi junelik ut lintiikilal maajoq'e taa'oso'q.

Isaías 51:6 ပူးပေါင်းရင်းမြစ်များ

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Isaías 34:4

Chixjunil li cꞌaꞌru cuan chiru li choxa telajeꞌosokꞌ ut ta̱sachekꞌ li choxa. Chanchanak chic li hu naxboti rib. Telajeꞌtꞌanekꞌ chixjunileb li chahim joꞌ nak natꞌaneꞌ lix xak lix cheꞌel li uvas malaj ut lix xak lix cheꞌel li higo.

Isaías 51:8

Mexcꞌoxlac xban nak eb aꞌan teꞌosokꞌ lix tibeleb joꞌ nak li xul nequeꞌxcux li tꞌicr. Ut li motzoꞌ tixtiu lix tibeleb joꞌ nak li cocꞌ xul nequeꞌxcux li lana. Abanan lin ti̱quilal incꞌaꞌ ta̱osokꞌ. Ta̱cua̱nk ban chi junelic. Ut ta̱cua̱nk ajcuiꞌ chi junelic li colba-ib li ninqꞌue, chan li Dios.

Isaías 13:13

La̱in tincuecꞌasi li choxa ut tincuecꞌasi ajcuiꞌ li ruchichꞌochꞌ saꞌ xnaꞌaj saꞌ li cutan nak la̱in li nimajcual Dios tincuisi lin joskꞌil saꞌ xbe̱neb li cuanqueb Babilonia.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Isaías 40:26

Taksihomak le̱ riloba̱l saꞌ choxa ut te̱qꞌue retal. ¿Ani li quiyoꞌobtesin re li choxa ut lix sahob ru? Aꞌan li Ka̱cuaꞌ li kꞌaxal nim xcuanquil. Aꞌan naxqꞌue li junju̱nk saꞌ xnaꞌaj ut naxqꞌue xcꞌabaꞌ li junju̱nk. Ma̱ jun ta̱paltok.

Deuteronomio 4:19

Nak te̱ril li choxa, li sakꞌe, li po, ut li chahim, me̱lokꞌoniheb xban nak li Ka̱cuaꞌ le̱ Dios quixyi̱b eb aꞌan re nak teꞌcꞌanjelak chiruheb chixjunileb li cuanqueb saꞌ ruchichꞌochꞌ.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.

Hebreos 9:15

Anakcuan cuan li acꞌ contrato xban xcamic li Jesucristo. Chixjunileb li bokbileb xban li Dios ta̱cua̱nk xcuybal lix ma̱queb, eb li queꞌcuan rubel xcuanquil li xbe̱n contrato joꞌ ajcuiꞌ la̱o li cuanco rubel xcuanquil li acꞌ contrato. Ut ta̱cua̱nk kayuꞌam chi junelic joꞌ quixyechiꞌi li Dios. Li Jesucristo quicam chiru cruz re kacolbal. Riqꞌuin lix lokꞌlaj quiqꞌuel quixtoj rix li kama̱c.

Isaías 50:9

Li Ka̱cuaꞌ Dios, aꞌan li natenkꞌan cue. ¿Ma cuan ta biꞌ junak ta̱yehok re nak cuan inma̱c? Chixjunileb li xicꞌ nequeꞌiloc cue telajeꞌosokꞌ joꞌ nak na-osoꞌ li tꞌicr li namaxen.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Hebreos 9:12

Li Ka̱cuaꞌ Jesucristo co̱ saꞌ li Lokꞌlaj Santil Naꞌajej saꞌ choxa. Aꞌan incꞌaꞌ quixmayeja xquiqꞌuel li chiba̱t chi moco ral cuacax. Quixmayeja ban lix lokꞌlaj quiqꞌuel. Jun sut ajcuiꞌ quixmayeja rib re xqꞌuebal li kacolbal chi junelic.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

Hebreos 5:9

Riqꞌuin li raylal li quixcꞌul li Jesucristo quitzꞌakobresi̱c ru chi cꞌanjelac chokꞌ xyucuaꞌil aj tij. Ut saꞌ xcꞌabaꞌ aꞌan cuan li colba-ib chi junelic reheb li teꞌpa̱ba̱nk re.

Salmos 103:17

Abanan lix rahom ut lix ti̱quilal li Ka̱cuaꞌ junelic cuan saꞌ xbe̱neb li nequeꞌxucuan ru li Ka̱cuaꞌ joꞌ ajcuiꞌ saꞌ xbe̱neb li ralal xcꞌajol li teꞌcua̱nk mokon.

Isaías 33:6

Junelic naxcoleb lix tenamit ut naxqꞌueheb xnaꞌleb. Naxtenkꞌaheb chixtaubal ru lix ya̱lal. Li xxucuanquil ru li Ka̱cuaꞌ, aꞌan li kꞌaxal lokꞌ chiruheb.

Isaías 54:10

Usta na-ecꞌasi̱c li tzu̱l saꞌ xnaꞌajeb ut usta nequeꞌtꞌaneꞌ li tzu̱l, abanan lin rahom saꞌ e̱be̱n ma̱ jokꞌe ta̱jala̱k. Junelic ban texinra. Tinba̱nu li xinye saꞌ li contrato li xinba̱nu e̱riqꞌuin re nak junelic cua̱nko saꞌ usilal, chan li Ka̱cuaꞌ li na-uxta̱nan e̱ru.

Salmos 111:3

Kꞌaxal lokꞌ ut kꞌaxal cha̱bil chixjunil li nalajxba̱nu li Ka̱cuaꞌ ut lix ti̱quilal ma̱cꞌaꞌ rosoꞌjic. Cuan ban chi junelic.

Isaías 54:9

—Saꞌ eb li cutan nak toj yoꞌyo laj Noé la̱in xinye riqꞌuin juramento nak incꞌaꞌ chic tinsach li ruchichꞌochꞌ riqꞌuin butꞌi haꞌ. Joꞌcan ajcuiꞌ anakcuan. Riqꞌuin juramento xinye e̱re nak incꞌaꞌ chic tinjoskꞌokꞌ e̱riqꞌuin. Incꞌaꞌ chic texinqꞌue chi rahobtesi̱c.