Isaías 51:4 - Li Santil hu

⁴ Chine̱rabi, ex intenamit. Cheqꞌuehak retal li oc cue chixyebal. La̱in tinqꞌue lin chakꞌrab reheb li xni̱nkal ru tenamit. Ut lin ti̱quilal ta̱cutanobresi̱nk reheb li tenamit.

Q'eqchi Bible

⁴ “Ex intenamit, ab'ihomaqin; ex inpoyanam, k'ehomaq reetal li ok we xyeeb'al, xb'aan naq wik'in taa'elq li chaq'rab' ut lintaqlahom taakutanob'resinq re eb' li tenamit.

Isaías 51:4 ပူးပေါင်းရင်းမြစ်များ

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

1 Corintios 9:21

Eb li ma̱cuaꞌeb aj judío moco cuanqueb ta rubel xcuanquil lix chakꞌrab laj Moisés. Nak cuanquin saꞌ xya̱nkeb aꞌan, ninba̱nu joꞌ nequeꞌxba̱nu eb aꞌan re nak teꞌxpa̱b li Cristo inban la̱in. Abanan aꞌan incꞌaꞌ naraj naxye nak incꞌaꞌ ninba̱nu li naxye li Dios. Incꞌaꞌ ninba̱nu li incꞌaꞌ us. La̱in ninba̱nu li naxye li Cristo.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Isaías 42:6

La̱in li Ka̱cuaꞌ li nimajcual Dios. La̱in xinsicꞌoc a̱cuu. La̱in xinqꞌuehoc re la̱ cuanquilal re nak ta̱xakab li ti̱quilal saꞌ ruchichꞌochꞌ. Saꞌ a̱cꞌabaꞌ la̱at la̱in tinba̱nu li contrato riqꞌuineb li tenamit. Ut la̱at tatcutanobresi̱nk re lix cꞌaꞌuxeb li tenamit li ma̱cuaꞌeb aj judío.

Miqueas 4:2

Ut nabaleb li tenamit teꞌcha̱lk ut teꞌxye: —Yoꞌkeb. Takekꞌo chiru li tzu̱l li cuan cuiꞌ li templo. Toxic saꞌ rochoch lix Dios laj Jacob ut aꞌan ta̱cꞌutuk chiku cꞌaꞌru ta̱raj takaba̱nu. Ut la̱o takaba̱nu li cꞌaꞌru naraj aꞌan xban nak aran Sión nayeman chak lix chakꞌrab li Ka̱cuaꞌ. Aran Jerusalén nayeman chak li ra̱tin li Dios.

Salmos 78:1

Ex intenamit, cheqꞌuehak retal li tijleb li oc cue chixyebal e̱re ut canabomak e̱rib chirabinquil li cua̱tin.

San Lucas 2:32

Aꞌan li ta̱cutanobresi̱nk re lix cꞌaꞌuxeb li ma̱cuaꞌeb aj Israel ut aꞌan lix lokꞌaleb la̱ tenamit Israel, chan laj Simeón.

Isaías 26:2

Tehomak li oqueba̱l re li tenamit re teꞌoc li tenamit li ti̱queb xchꞌo̱l. Teꞌoc li tenamit li nequeꞌxba̱nu li us.

Proverbios 6:23

Relic chi ya̱l nak li kachakꞌrabinquil ut li katijbal aꞌan naxcutanobresi li kacꞌaꞌux. Li kakꞌusbal naxqꞌue kanaꞌleb re nak takanau chanru nak tocua̱nk.

Salmos 147:20

Li Ka̱cuaꞌ incꞌaꞌ quixqꞌue li ra̱tin reheb li jalaneb xtenamit. Eb aꞌan incꞌaꞌ nequeꞌxnau cꞌaꞌru naxye lix chakꞌrab. ¡Chikalokꞌoni taxak li Ka̱cuaꞌ!

Salmos 106:5

La̱in tincuaj nak tina̱cuosobtesi nak ta̱cuosobtesiheb la̱ tenamit li sicꞌbileb ru a̱ban. Ut nacuaj ajcuiꞌ nak tintzꞌako̱nk riqꞌuin li sahil chꞌo̱lej li ta̱qꞌue reheb la̱ tenamit. La̱in tincuaj ajcuiꞌ xcꞌulbal li lokꞌal li ta̱qꞌue reheb aꞌan.

Salmos 50:7

Ut li Dios tixye: —La̱ex intenamit, cherabi li tinye e̱re anakcuan, la̱ex aj Israel, li cꞌaꞌru incꞌaꞌ us yo̱quex chixba̱nunquil. La̱in li Ka̱cuaꞌ le̱ Dios.

Salmos 33:12

Us xak re li tenamit li naqꞌuehoc xlokꞌal li Dios. Us xak re li tenamit aꞌan xban nak queꞌsiqꞌueꞌ ru xban li Dios chokꞌ ralal xcꞌajol.

Éxodo 33:13

Cui la̱in xincꞌam cuib saꞌ usilal cha̱cuu, ba̱nu usilal ye cue chi tzꞌakal li cꞌaꞌru ta̱cuaj la̱at re nak tinnau chi tzꞌakal cꞌaꞌru ta̱cuaj ut tincꞌam cuib saꞌ usilal cha̱cuu. Ba̱nu usilal julticak ajcuiꞌ a̱cue nak a̱cue li tenamit aꞌin, chan.

Éxodo 19:6

La̱ex taxak jun santil tenamit chicuu. Texcꞌanjelak chicuu joꞌ xbe̱nil aj tij. Aꞌin li cua̱tin ta̱yeheb re laj Israel, chan li Dios re laj Moisés.

Deuteronomio 18:18

La̱in tinqꞌue junak profeta saꞌ e̱ya̱nk joꞌ la̱at. E̱comon ajcuiꞌ la̱ex. La̱in tinqꞌue li cua̱tin re ut aꞌan tixye reheb li tenamit chixjunil li cꞌaꞌru tinye la̱in.

Isaías 1:27

Xban inti̱quilal la̱in tincoleb cuiꞌchic li tenamit Sión. La̱in tincolok reheb li teꞌraj cuiꞌchic sukꞌi̱c cuiqꞌuin.

Isaías 26:8

At Ka̱cuaꞌ, yo̱co chixba̱nunquil joꞌ nacacuaj la̱at re xqꞌuebal xlokꞌal la̱ cꞌabaꞌ. Li cꞌaꞌru nakaj, aꞌan oybeni̱nc a̱cuiqꞌuin ut li kacꞌaꞌux cua̱nk a̱cuiqꞌuin.

Isaías 33:22

Li Ka̱cuaꞌ Dios, aꞌan li ta̱rakok a̱tin saꞌ kabe̱n. Aꞌan ta̱qꞌuehok ke li chakꞌrab. Li Ka̱cuaꞌ, aꞌan li karey ut aꞌan ajcuiꞌ li ta̱colok ke.

Isaías 42:21

Li Ka̱cuaꞌ nacuulac chiru xba̱nunquil chixjunil saꞌ ti̱quilal. Joꞌcan nak quixqꞌue xcuanquil li chakꞌrab ut quixqꞌue ajcuiꞌ xlokꞌal.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Isaías 63:8

Li Ka̱cuaꞌ quixye: —Aꞌaneb li cualal incꞌajol. Incꞌaꞌ tineꞌxbalakꞌi, chan. Joꞌcan nak quixcoleb.