Isaías 51:20 - Li Santil hu

²⁰ Xeꞌsach xnaꞌleb le̱ ralal e̱cꞌajol. Yalak bar tꞌantꞌo̱queb saꞌ be. Chanchaneb li quej li queꞌchapeꞌ saꞌ jun li raꞌal. Li Dios quirisi xjoskꞌil saꞌ xbe̱neb nak quixkꞌuseb.

Q'eqchi Bible

²⁰ Eb' laawalal aak'ajol t'ant'ookeb' xe'kanaak sa'atqeb' li xaalib'e, jo'keb' li yuk naq xe't'ane'k sa' li ra'al; xe'lub'k xb'aan xjosq'il li Qaawa' naq xe'q'use'k xb'aan laaYos.

Isaías 51:20 ပူးပေါင်းရင်းမြစ်များ

Apocalipsis 14:10

aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c.

Ezequiel 39:19

Saꞌ li mayejac li yo̱quin chixcauresinquil teꞌxtzaca li xe̱bul toj retal teꞌnujak. Teꞌrucꞌ li quicꞌ toj retal teꞌnujak. Chanchan teꞌcala̱k xban.

Ezequiel 17:20

La̱in tinqꞌue chixtojbal lix ma̱c xban nak quinixtzꞌekta̱na. Chanchan nak tinchap aꞌan saꞌ lin raꞌal nak tincanab chi cꞌamecꞌ Babilonia.

Ezequiel 12:13

La̱in li Ka̱cuaꞌ tinqꞌue lin raꞌal re nak ta̱chapekꞌ. La̱in tincꞌam toj Babilonia saꞌ lix naꞌajeb laj Caldea, abanan aꞌan incꞌaꞌ ta̱ril li naꞌajej. Aran ta̱ca̱mk.

Lamentaciones 5:13

Eb li sa̱j cui̱nk queꞌqꞌueheꞌ chixqueꞌbal li ru li trigo. Ra sa nak nequeꞌru xqꞌuebal vue̱lt re li nimla pec li nequeꞌxqueꞌ cuiꞌ li trigo. Ut joꞌcaneb ajcuiꞌ li cocꞌal. Incꞌaꞌ nequeꞌxcuy ri̱kanquil li siꞌ xban nak kꞌaxal a̱l.

Lamentaciones 4:2

Eb li cuanqueb Sión queꞌqꞌueheꞌ xlokꞌaleb junxil. Kꞌaxal lokꞌeb chiru li oro. Abanan anakcuan chanchaneb aj chic li chꞌochꞌ ucꞌal yi̱banbil yal xban cui̱nk.

Lamentaciones 1:19

Kajap ke chixbokbaleb li nequeꞌrahoc ke, abanan xoeꞌxbalakꞌi. Eb laj tij ut eb li nequeꞌcꞌamoc be chiku yo̱queb chi ca̱mc saꞌ li tenamit. Yo̱queb raj chixsicꞌbal lix tzacae̱mkeb re nak incꞌaꞌ teꞌca̱mk.

Lamentaciones 1:15

Li Ka̱cuaꞌ quirisi xmetzꞌe̱uheb li kasolda̱d li cauheb raj rib chikacolbal. Ut quixtaklaheb jun chꞌu̱tal lix soldado li xicꞌ nequeꞌiloc ke chixsachbal ruheb li sa̱j cui̱nk saꞌ kaya̱nk. Xban nak kꞌaxal yo̱ xjoskꞌil, joꞌcan nak quixtakla raylal saꞌ kabe̱n. Chanchan nak nayatzꞌeꞌ li ru li uvas re risinquil li xyaꞌal.

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

Jeremías 14:16

Ut eb li tenamit li yo̱queb chi abi̱nc re li cꞌaꞌru nequeꞌxye li profeta aꞌin, teꞌcutekꞌ saꞌ eb li be re Jerusalén xban li ple̱t ut xban cueꞌej. Ut ma̱ ani ta̱ru̱k ta̱mukuk reheb. Incꞌaꞌ teꞌmukekꞌ li rixakileb chi moco li ralal xcꞌajoleb. La̱in tintakla li raylal saꞌ xbe̱neb joꞌ xcꞌulubeb xcꞌulbal.

Isaías 51:21

Abihomak la̱ex li rahobtesinbilex. Qꞌuehomak retal la̱ex li chanchan texcala̱k, abanan moco xban ta li vino.

Isaías 51:17

Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Isaías 29:9

La̱ex aj Jerusalén, cana̱kex saꞌ le̱ to̱ntil naꞌleb. Chanchanakex li mutzꞌ ut chanchanakex li calajenak usta incꞌaꞌ tex-ucꞌak vino. Taclo̱kex usta incꞌaꞌ yo̱kex chi cala̱c.

Isaías 8:21

Eb li tenamit teꞌxbeni ribeb yalak bar chi ra saꞌ xchꞌo̱leb ut teꞌtzꞌoca̱k. Xban nak teꞌtzꞌoca̱k ta̱cha̱lk xjoskꞌileb ut teꞌxmajecua lix reyeb ut teꞌxmajecua ajcuiꞌ lix Dioseb. Teꞌilok takecꞌ saꞌ choxa,

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Deuteronomio 14:5

ut li qꞌuila pa̱y ru li quej ut li yuc, joꞌ ajcuiꞌ li carner li nacuan saꞌ qꞌuicheꞌ.

Isaías 40:30

Usta toj sa̱jeb, nequeꞌlub. Ut li cauheb rib nalaj lix metzꞌe̱uheb ut nequeꞌtꞌaneꞌ.

Deuteronomio 28:20

Li Ka̱cuaꞌ tixtakla li raylal saꞌ e̱be̱n ut textzꞌekta̱na xban chixjunil li cꞌaꞌru te̱ba̱nu. Sachso e̱chꞌo̱l texcana̱k ut texsachekꞌ chi junpa̱t xban li ma̱usilal te̱ba̱nu nak te̱tzꞌekta̱na li Ka̱cuaꞌ.

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Lamentaciones 2:19

Chexcuacli̱k chiru kꞌojyi̱n nabal sut ut te̱ya̱ba xcꞌabaꞌ li Ka̱cuaꞌ chi anchal e̱chꞌo̱l. Chetzꞌa̱ma chiru li Dios re nak ta̱ril xtokꞌoba̱leb ru le̱ cocꞌal li yo̱queb chi ca̱mc saꞌ be yalak bar xban nak ma̱cꞌaꞌ xtzacae̱mkeb.

Lamentaciones 4:11

Quirisi xjoskꞌil li Ka̱cuaꞌ saꞌ xbe̱neb li cuanqueb Jerusalén. Quixtakla xam saꞌ li tenamit ut quilajeꞌsacheꞌ chixjunil. Joꞌ ajcuiꞌ lix cimiento li cab, queꞌosoꞌ xban xam.