Isaías 51:2 - Li Santil hu

² Chijulticokꞌ e̱re le̱ xeꞌto̱nil yucuaꞌ laj Abraham ut lix Sara. Saꞌ xcꞌabaꞌ aꞌan nak cuanquex la̱ex. Nak la̱in xinsicꞌ ru laj Abraham, aꞌan jun ajcuiꞌ. Abanan la̱in quicuosobtesi ut queꞌnabaloꞌ li ralal xcꞌajol.

Q'eqchi Bible

² K'ehomaq reetal laj Abrahán, leeyuwa', ut lix Sara, li ki'alank eere. Naq laa'in kinb'oq chaq laj Abrahán, a'an jun chirib'il rib'; ab'anan kiwosob'tesi ut kink'ihob'resi.

Isaías 51:2 ပူးပေါင်းရင်းမြစ်များ

Ezequiel 33:24

—At ralal cui̱nk, eb laj Israel li cuanqueb saꞌ lix tenamiteb, li jucꞌbil, yo̱queb chixyebal chi joꞌcaꞌin: Laj Abraham jun ajcuiꞌ chi cui̱nk, abanan chixjunil li naꞌajej quiqꞌueheꞌ re. La̱o kꞌaxal nabalo. Joꞌcan nak li naꞌajej aꞌin xqꞌueheꞌ chokꞌ ke.

Isaías 29:22

Joꞌcan nak li Ka̱cuaꞌ li quicoloc re laj Abraham, naxye chi joꞌcaꞌin: —Ex ralal xcꞌajol laj Jacob, incꞌaꞌ chic ta̱cꞌutekꞌ le̱ xuta̱n, chi moco texsakquirinokꞌ xban le̱ xiu.

Génesis 24:35

Li Ka̱cuaꞌ Dios nabal li usilal xba̱nu re lin patrón. Nim lix cuanquil laj Abraham. Cꞌajoꞌ xqꞌuial li cꞌaꞌru re li quiqꞌueheꞌ re xban li Ka̱cuaꞌ Dios. Ma̱ caꞌchꞌin lix queto̱mk cuan. Cuan xcarner, cuan xcuacax, cuan xcamellos ut cuan xburros. Cuan ajcuiꞌ nabal lix oro ut lix plata. Ut nabaleb ajcuiꞌ lix mo̱s, joꞌ ixk joꞌ cui̱nk.

Génesis 24:1

Laj Abraham ac ti̱x chic. Qꞌuila chihab cuan re. Laj Abraham qui-osobtesi̱c xban li Dios. Numtajenak li usilal li quiqꞌueheꞌ re.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Josué 24:3

La̱in quincꞌamoc re laj Abraham la̱ xeꞌto̱nil yucuaꞌ jun pacꞌal li nimaꞌ Éufrates. La̱in quincꞌamoc be chiru nak quinumeꞌ saꞌ chixjunil li naꞌajej Canaán. Quinqꞌue laj Isaac li ralal ut quinqꞌue ajcuiꞌ chi ta̱mc li ralal xcꞌajol.

Deuteronomio 1:10

Li Ka̱cuaꞌ li kaDios xoxqꞌue chi ta̱mc. Anakcuan chanchano chic xqꞌuial li chahim chiru li choxa.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Isaías 43:27

Eb le̱ xeꞌto̱nil yucuaꞌ xeꞌma̱cob chicuu. Ut eb li nequeꞌcꞌamoc be che̱ru xeꞌma̱cob chicuu.

Isaías 60:22

Usta incꞌaꞌ qꞌuihex, abanan texnabalokꞌ toj retal texcuulak jun nimla tenamit ut ta̱cua̱nk e̱cuanquil. La̱in li Ka̱cuaꞌ. La̱in tinba̱nu chixjunil aꞌin saꞌ junpa̱t nak ta̱cuulak xkꞌehil, chan li Dios.

Isaías 63:16

At Ka̱cuaꞌ, la̱at li kayucuaꞌ usta laj Abraham ut laj Israel (Jacob) incꞌaꞌ queꞌxnau ku. La̱at li kayucuaꞌ. Ut la̱at laj Colol ke chalen chak najter.

Deuteronomio 26:5

Ut la̱ex te̱ye chiru li Ka̱cuaꞌ le̱ Dios, “Eb li kaxeꞌto̱nil yucuaꞌ, aꞌaneb jun chꞌina chꞌu̱tal chi arameo li queꞌco̱eb chi cua̱nc Egipto. Aran queꞌtam ut queꞌnabaloꞌ. Cuanqueb xcuanquil joꞌ jun xnimal ru tenamit, ut cuanqueb xmetzꞌe̱u.

Isaías 48:1

Cherabihak la̱ex li ralal xcꞌajol laj Jacob, li nequecꞌabaꞌin Israel. La̱ex xcomonex li ralal xcꞌajol laj Judá. La̱ex li nequeba̱nu li juramento saꞌ xcꞌabaꞌ li Ka̱cuaꞌ ut nequextijoc saꞌ xcꞌabaꞌ li Dios. Nequeya̱ba xcꞌabaꞌ li Ka̱cuaꞌ lix Dioseb laj Israel. Abanan incꞌaꞌ nequeba̱nu saꞌ xya̱lal, chi moco saꞌ ti̱quilal.