Isaías 51:19 - Li Santil hu

¹⁹ Cuib li raylal xecꞌul. Xsacheꞌ ru le̱ tenamit. Ma̱cꞌaꞌ chic xeꞌcana. Cuan li xeꞌcamsi̱c ut cuan li teꞌtzꞌoca̱k. ¿Ma cuan ta biꞌ junak li ra ta̱recꞌa li cꞌaꞌru xecꞌul? Ut, ¿ma cuan ta biꞌ junak ta̱cꞌojoba̱nk e̱chꞌo̱l?

Q'eqchi Bible

¹⁹ Ani xraho'k xch'ool chawix naq xchalk li wiib' chi rahilal sa' aab'een: xatjuk'e'k ut xatrahob'tesiik, xattz'okaak ut xatkamk xb'aan li yalok? Ma wank tab'i' junaq xk'ojob'ank re laawaanm?

Isaías 51:19 ပူးပေါင်းရင်းမြစ်များ

Amós 7:2

Ut quicuil ajcuiꞌ nak eb laj sa̱cꞌ queꞌxchoy xcuaꞌbal li acui̱mk ut quinye: —Ka̱cuaꞌ Dios, chacuy taxak kama̱c, la̱o aj Israel, ralal xcꞌajolo laj Jacob. ¿Chanru nak ta̱ru̱k takacol kib xban nak la̱o incꞌaꞌ qꞌuiho ut ma̱cꞌaꞌ kacuanquil?—

Isaías 47:9

Abanan kꞌaxal ra te̱cꞌul. Saꞌ junpa̱t ta̱cha̱lk li raylal saꞌ e̱be̱n. Chiru jun cutan ta̱sachekꞌ le̱ cuanquil. Chanchanakex chic junak li ixk li xcam xbe̱lom malaj ut joꞌ junak li xcam ralal xcꞌajol. Usta la̱ex aj kꞌe ut usta nequenau tu̱lac, abanan incꞌaꞌ ta̱ru̱k te̱col e̱rib.

2 Corintios 7:13

Xban nak xeba̱nu li cꞌaꞌru xinye e̱re, quicꞌojla lin chꞌo̱l. Ut kꞌaxal cuiꞌchic nasahoꞌ lin chꞌo̱l riqꞌuin lix sahil xchꞌo̱l laj Tito e̱riqꞌuin la̱ex nak xeqꞌue xcacuilal xchꞌo̱l.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Lamentaciones 1:12

Nequeꞌxye reheb li nequeꞌnumeꞌ aran: —¿Ma incꞌaꞌ nayotꞌeꞌ e̱chꞌo̱l chirilbal li raylal li yo̱co chixcꞌulbal? ¿Ma cuanqueb ta biꞌ queꞌcꞌuluc li raylal li yo̱co chixcꞌulbal la̱o? Li Ka̱cuaꞌ xoxqꞌue chixcꞌulbal li raylal aꞌin xban nak yo̱ xjoskꞌil saꞌ kabe̱n.

Lamentaciones 1:9

Quicꞌutun chi tzꞌakal li ma̱usilal li queꞌxba̱nu, abanan incꞌaꞌ quiyotꞌeꞌ xchꞌo̱leb. Incꞌaꞌ queꞌxqꞌue retal cꞌaꞌru teꞌxcꞌul mokon. Cꞌajoꞌ li raylal queꞌxcꞌul nak qui-isi̱c xcuanquileb. Ma̱ ani nacꞌojoban xchꞌo̱leb. Nequeꞌtijoc ut nequeꞌxye re li Dios: —At Ka̱cuaꞌ, chaqꞌue taxak retal li raylal li yo̱co chixcꞌulbal. Chaqꞌue taxak retal chanru nak eb li xicꞌ nequeꞌiloc ke yo̱queb chi numta̱c saꞌ kabe̱n, chanqueb.

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.

Isaías 22:4

Joꞌcan nak la̱in ninye: —Canabomakin injunes. Oc cue chi ya̱bac xban xrahil inchꞌo̱l. Ut ma̱ ani tixbay rib chixcꞌojobanquil inchꞌo̱l xban nak lin tenamit teꞌsachekꞌ ru.—

Isaías 14:30

Eb li nebaꞌ teꞌxtau lix tzacae̱mkeb usta kꞌaxal nebaꞌeb. Eb li ma̱cꞌaꞌ cuan reheb teꞌhila̱nk chi tuktu xchꞌo̱leb. Aban li Ka̱cuaꞌ tixtakla jun li cueꞌej saꞌ e̱be̱n la̱ex aj filisteo ut telajexca̱mk che̱junilex.

Eclesiastés 4:1

Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Salmos 69:20

Cꞌajoꞌ nak nayotꞌeꞌ inchꞌo̱l xban nak niquineꞌxhob. Yo̱ chi chꞌina̱nc inchꞌo̱l ut incꞌaꞌ chic nincuy. Xcuoybeni nak teꞌril xtokꞌoba̱l cuu, abanan ma̱ jun x-iloc xtokꞌoba̱l cuu. Xcuoybeni nak ta̱cꞌojoba̱k inchꞌo̱l, abanan ma̱ jun xcꞌojoban inchꞌo̱l.

Li xHu LAJ JOB 42:11

Chixjunileb li ras ut li ri̱tzꞌin, joꞌ cui̱nk joꞌ ixk, queꞌcuulac chirilbal laj Job. Ut queꞌcuulac ajcuiꞌ chixjunileb li rami̱g li queꞌcuan junxil ut queꞌninkꞌei̱c saꞌ li rochoch. Queꞌxcꞌojob xchꞌo̱l laj Job riqꞌuin chixjunil li raylal li quiqꞌueheꞌ saꞌ xbe̱n xban li Ka̱cuaꞌ. Chixjunileb queꞌxsi xtumin ut queꞌxsi ajcuiꞌ xmatkꞌab oro.

Li xHu LAJ JOB 2:11

Cuanqueb oxib rami̱g laj Job: laj Elifaz, Temán xtenamit; ut laj Bildad, Súa xtenamit; ut laj Zofar, Naamat xtenamit. Eb li oxib chi cui̱nk aꞌin queꞌrabi resil nak laj Job yo̱ chixcꞌulbal raylal. Joꞌcan nak queꞌxcꞌu̱b rib chi xic chirilbal re nak teꞌxcꞌojob xchꞌo̱l ut teꞌxtenkꞌa.

Isaías 8:21

Eb li tenamit teꞌxbeni ribeb yalak bar chi ra saꞌ xchꞌo̱leb ut teꞌtzꞌoca̱k. Xban nak teꞌtzꞌoca̱k ta̱cha̱lk xjoskꞌileb ut teꞌxmajecua lix reyeb ut teꞌxmajecua ajcuiꞌ lix Dioseb. Teꞌilok takecꞌ saꞌ choxa,

Isaías 9:20

Yalak bar teꞌxsicꞌ xtzacae̱mkeb li tenamit. Teꞌcuaꞌak ut incꞌaꞌ ta̱cꞌojla̱k xchꞌo̱leb. Junelic ban teꞌtzꞌoca̱k toj retal teꞌxtiu xtibeleb lix cocꞌaleb.

Isaías 54:11

Li Ka̱cuaꞌ quixye: —La̱ex aj Jerusalén, tokꞌob e̱ru. Kꞌaxal ra xecꞌul ut ma̱ ani xcꞌojoban e̱chꞌo̱l. La̱in tinyi̱b cuiꞌchic le̱ tenamit riqꞌuin li cha̱bil pec carbunclo ut tinqꞌue li cimiento riqꞌuin li cha̱bil pec zafiro.

Isaías 60:18

Incꞌaꞌ chic ta̱cua̱nk li raylal saꞌ le̱ naꞌaj, chi moco teꞌxpoꞌ le̱ tenamit chi moco teꞌxsach ru. Ut li tzꞌac li sutsu cuiꞌ le̱ tenamit ta̱colok e̱re. Ut saꞌ li oqueba̱l ta̱cua̱nk lokꞌoni̱nc.

Jeremías 15:5

Li Ka̱cuaꞌ quixye ajcuiꞌ: —¿Ani ta biꞌ ta̱ilok xtokꞌoba̱l e̱ru la̱ex aj Jerusalén? ¿Ani ta biꞌ ta̱rahokꞌ xchꞌo̱l xban li raylal li yo̱quex chixcꞌulbal? ¿Ani ta biꞌ ta̱patzꞌok e̱re ma sa saꞌ e̱chꞌo̱l?

Jeremías 24:10

Tebinkꞌaxtesi saꞌ rukꞌeb li xicꞌ nequeꞌiloc reheb saꞌ li ple̱t. Tintakla cueꞌej ut yajel saꞌ xbe̱neb toj retal teꞌosokꞌ saꞌ li naꞌajej li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ, chan li Ka̱cuaꞌ.

Nahum 3:7

Chixjunileb li jalan tenamit incꞌaꞌ chic teꞌraj e̱rilbal. Teꞌxye: Eb laj Nínive queꞌsacheꞌ ruheb. ¿Ani ta cuiꞌ ta̱tokꞌoba̱nk ruheb? Ut, ¿ani ta cuiꞌ ta̱cꞌojoba̱nk xchꞌo̱leb? chaꞌkeb.

Lamentaciones 3:47

Kꞌaxal ra xkacꞌul. Xsacheꞌ ru li katenamit. Ut yo̱ kaxiu.—

Ezequiel 14:15

Malaj ut tintakla li joskꞌ aj xul saꞌ li tenamit chixcamsinquileb li cristian, ma̱cꞌaꞌak chic cristian teꞌcana̱k aran. Ut ma̱ ani chic ta̱ru̱k ta̱numekꞌ aran xbaneb li joskꞌ aj xul.