Isaías 51:18 - Li Santil hu

¹⁸ Ma̱ jun cuan saꞌ xya̱nkeb le̱ ralal e̱cꞌajol li ta̱beresi̱nk e̱re. Ma̱ jun saꞌ xya̱nkeb li xeqꞌuiresi naru ta̱cꞌamok be che̱ru.

Q'eqchi Bible

¹⁸ Sa' xyanqeb' chixjunileb' laawalal aak'ajol, maajun reheb' nab'eresink aawe; maajun sa' xyanqeb' chixjunil li xak'iiresiheb' nak'amok b'e chawu.

Isaías 51:18 ပူးပေါင်းရင်းမြစ်များ

Isaías 49:21

Ut la̱at ta̱ye saꞌ a̱chꞌo̱l, “¿Bar xeꞌchal chak li tenamit aꞌin? La̱in ra saꞌ inchꞌo̱l xban nak lin tenamit xcana chi ma̱cꞌaꞌ chic cristian chi saꞌ. Xintzꞌekta̱na̱c ut quincꞌameꞌ saꞌ jalan naꞌajej. Quincanaba̱c injunes. Ut ¿bar xeꞌchal chak eb li tenamit aꞌin?”

Salmos 88:18

Usta li tzꞌakal cuami̱g xinixtzꞌekta̱na. Ma̱cꞌaꞌ chic cuochben. Junes saꞌ kꞌojyi̱n aj chic cuanquin.

San Marcos 8:23

Li Jesús quixchap li rukꞌ li mutzꞌ ut quixcꞌam chire li tenamit. Ut quixchu̱ba saꞌ xnakꞌ ru li mutzꞌ. Quixqꞌue li rukꞌ saꞌ xbe̱n ut quixpatzꞌ re: —¿Ma nacat-iloc bayak anakcuan? chan re.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

San Mateo 9:36

Ut nak quirileb li qꞌuila tenamit, quixtokꞌobaheb ru xban nak tacuajenakeb ut raheb saꞌ xchꞌo̱l. Chanchaneb li carner li ma̱cꞌaꞌ aj ilol reheb.

Isaías 45:1

Li Ka̱cuaꞌ quixsicꞌ ru li rey Ciro chi numta̱c saꞌ xbe̱neb li xni̱nkal ru tenamit ut chixcubsinquil xcuanquileb li rey. Li Ka̱cuaꞌ tixtenkꞌa ut tixte li oqueba̱l chiru. Ma̱ ani ta̱ramok chiru. Aꞌan aꞌin li quixye li Ka̱cuaꞌ re li rey Ciro:

Isaías 41:13

La̱in li Ka̱cuaꞌ le̱ Dios. La̱in nequexinchap riqꞌuin le̱ nim ukꞌ. La̱in ninyehoc e̱re: Mexxucuac. La̱in tintenkꞌa̱nk e̱re.

Salmos 142:4

Chaqꞌue taxak retal. Ma̱ ani cuan arin re tinixcol. Ma̱ ani natenkꞌan cue. Ma̱ ani nacꞌoxlan cue.

Hebreos 8:9

Li contrato aꞌin ma̱cuaꞌ joꞌ li quinba̱nu chak reheb lix xeꞌto̱nil yucuaꞌeb nak quicuisiheb chak saꞌ li tenamit Egipto. Incꞌaꞌ queꞌxba̱nu li naxye li contrato. Xban aꞌan quebintzꞌekta̱na.

Hechos 13:11

Anakcuan li Ka̱cuaꞌ ta̱rakok a̱tin saꞌ a̱be̱n. Tatmutzꞌokꞌ ut najt incꞌaꞌ ta̱ilok xnakꞌ a̱cuu, chan laj Pablo. Ut saꞌ junpa̱t quimoy ut quikꞌojyi̱noꞌ saꞌ xnakꞌ ru. Quixyal xsicꞌbal ani ta̱chꞌilo̱nk re.

Hechos 9:8

Quicuacli laj Saulo ut nak quixte li xnakꞌ ru, incꞌaꞌ chic qui-iloc. Chꞌilonbil chi rukꞌ nak quicꞌameꞌ saꞌ li tenamit Damasco.

Jeremías 31:32

Ma̱cuaꞌ joꞌ li contrato li quinba̱nu riqꞌuineb lix xeꞌto̱nil yucuaꞌ nak quebinchꞌilo chak chi rukꞌeb nak quicuisiheb chak saꞌ li tenamit Egipto. Usta la̱in chanchanin jun li be̱lomej chokꞌ reheb, abanan eb aꞌan queꞌxsach xcuanquil li contrato quinba̱nu riqꞌuineb junxil.

Li xHu LAJ JOB 8:20

Li Dios incꞌaꞌ naxtzꞌekta̱na li ti̱queb xchꞌo̱l ut incꞌaꞌ naxtenkꞌaheb li incꞌaꞌ useb xnaꞌleb.

Isaías 54:11

Li Ka̱cuaꞌ quixye: —La̱ex aj Jerusalén, tokꞌob e̱ru. Kꞌaxal ra xecꞌul ut ma̱ ani xcꞌojoban e̱chꞌo̱l. La̱in tinyi̱b cuiꞌchic le̱ tenamit riqꞌuin li cha̱bil pec carbunclo ut tinqꞌue li cimiento riqꞌuin li cha̱bil pec zafiro.

Jeremías 10:20

Xeꞌpoꞌi̱c li katenamit. Chanchan nak xpoꞌeꞌ li kamuheba̱l. Ut queꞌtꞌupeꞌ li laso li chapcho̱queb cuiꞌ. Eb li kalal kacꞌajol xoeꞌxcanab kajunes. Xeꞌsacheꞌ ruheb. Ma̱ ani chic ta̱ru̱k ta̱xakaba̱nk re li kamuheba̱l. Ma̱ ani ta̱ru̱k ta̱yi̱ba̱nk re li katenamit.

Amós 5:2

Xeꞌtꞌaneꞌ laj Israel li ti̱queb xchꞌo̱l nak queꞌcuan xban nak queꞌxlokꞌoni li jalanil dios. Ut incꞌaꞌ chic teꞌcuacli̱k. Saꞌ ajcuiꞌ lix chꞌochꞌeb teꞌcana̱k chi tꞌantꞌo. Ut ma̱ ani chic ta̱cuaclesi̱nk reheb.

Ezequiel 34:6

Eb lin carner yo̱queb chixbeninquil ribeb yalak bar saꞌ eb li tzu̱l ut saꞌ eb li xbe̱n bol. Ut saꞌ chixjunil li ruchichꞌochꞌ queꞌjeqꞌui̱c ruheb. Ut ma̱ ani quisicꞌoc reheb ut ma̱ ani quipatzꞌoc reheb.