Isaías 51:17 - Li Santil hu

¹⁷ Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Q'eqchi Bible

¹⁷ Ajen, ajsi aawu, waklin, at Jerusalén! Laa'at li xat-uk'ak sa' xsek'ul li xjosq'il li Qaawa', jo' tawi' li na'uk'ak b'iin sa' junaq sek' toj reetal naxchoy ut nataktotk nakanaak.

Isaías 51:17 ပူးပေါင်းရင်းမြစ်များ

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

Apocalipsis 14:10

aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c.

1 Corintios 15:34

Checꞌoxla chi us li yo̱quex chixba̱nunquil ut mexma̱cob chic. Cuanqueb saꞌ e̱ya̱nk li toj ma̱jiꞌ nequeꞌxpa̱b li Dios. Re xcꞌutbal e̱xuta̱n nak ninye e̱re chi joꞌcaꞌin.

Isaías 51:9

Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

Salmos 60:3

Cꞌajoꞌ li raylal xaqꞌue saꞌ kabe̱n. Chanchan nak xoa̱qꞌue chi ucꞌac vino. Chanchan tocala̱k xocana xban li raylal li xaqꞌue saꞌ kabe̱n.

Li xHu LAJ JOB 21:20

Tento nak eb aꞌan teꞌcꞌuluk re lix tojbal rix lix ma̱queb. Tento nak li nimajcual Dios tixcꞌutbesi lix joskꞌil chiruheb.

Apocalipsis 18:6

Cheꞌqꞌuehekꞌ chixtoj li joꞌ qꞌuial li raylal xeꞌxba̱nu reheb li jalaneb xtenamit. Chiqꞌuehekꞌ re̱kaj li queꞌxba̱nu reheb. Caꞌ sut xqꞌuial li raylal ta̱ba̱nu̱k reheb chiru li queꞌxba̱nu eb aꞌan.

Efesios 5:14

Nak ta̱cutanobresi̱k lix chꞌo̱leb cutan saken chic chanru nak cuanqueb. Joꞌcaꞌin tzꞌi̱banbil saꞌ li Santil Hu: Ajsi a̱cuu, la̱at li yo̱cat chi cua̱rc. Matcana chi camenak saꞌ la̱ ma̱c, ut li Cristo tixcutanobresi la̱ cꞌaꞌux. (Isa. 60:1)

Zacarías 12:2

—La̱in tinqꞌue xcuanquileb laj Jerusalén. Ut eb li xicꞌ nequeꞌiloc reheb teꞌxucuak nak teꞌcha̱lk chi pletic riqꞌuineb ut riqꞌuineb li jun chꞌol chic li tenamit li cuanqueb xcue̱nt Judá. Nak teꞌril li tenamit Jerusalén sicsotkeb xbaneb xxiu.

Salmos 75:8

Ta̱cuulak xkꞌehil nak li Dios ta̱rakok a̱tin saꞌ xbe̱neb li incꞌaꞌ useb xnaꞌleb. Chanchan nak cuan jun secꞌ li cꞌahil vino saꞌ rukꞌ ut tixhoy ut teꞌrucꞌ toj retal teꞌxchoy. Joꞌcan tixba̱nu li Dios nak ta̱rakok a̱tin saꞌ xbe̱neb toj retal teꞌrecꞌa xrahil li tojba ma̱c li tixqꞌue saꞌ xbe̱neb.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Apocalipsis 16:19

Li tenamit li kꞌaxal nim xcuanquil quijacheꞌ. Oxib jachal qui-el. Ut eb li jun chꞌol chic tenamit quilajeꞌtꞌaneꞌ. Ut quijulticoꞌ re li Dios li ma̱c queꞌxba̱nu li tenamit Babilonia. Joꞌcan nak quixqꞌueheb chixtojbal rix lix ma̱queb chi tzꞌakal xban nak yo̱ xjoskꞌil saꞌ xbe̱neb.

Jeremías 25:27

Ut li Ka̱cuaꞌ quixye cue: —La̱at ta̱ye reheb: Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. Cꞌulumak li raylal. Chanchan nak tex-ucꞌak toj texcala̱k ut texxaꞌcuak ut textꞌanekꞌ. Ut incꞌaꞌ chic texcuacli̱k xban li ple̱t li tintakla saꞌ e̱be̱n.

Salmos 75:10

Tinqꞌue xlokꞌal li Dios xban nak aꞌan ta̱risiheb xcuanquil li incꞌaꞌ useb xnaꞌleb. Abanan tixnimobresi xcuanquil li ti̱queb xchꞌo̱l.

Jueces 5:12

Chacuabi, at Débora. Chacuabi. Bicha junak li bich. Ut la̱at, at Barac, ralal laj Abinoam, ayu. Cꞌameb chixjunileb li tenamit li queꞌchapeꞌ chak saꞌ li ple̱t.

Deuteronomio 28:34

Ta̱sachekꞌ le̱ naꞌleb xban li raylal li yo̱kex chixcꞌulbal.

Deuteronomio 28:28

Li Ka̱cuaꞌ texcanab chi lo̱cocꞌ ut texmutzꞌi̱rk ut sachso̱k le̱ naꞌleb texcana̱k.

San Mateo 20:22

Ut li Jesús quixye re: —Incꞌaꞌ nequenau xya̱lal li cꞌaꞌru yo̱quex chixtzꞌa̱manquil. ¿Ma te̱cuy xcꞌulbal li raylal li oc cue chixcꞌulbal la̱in? ¿Ma te̱cuy xnumsinquil li rahobtesi̱c li tincꞌul la̱in?— Eb aꞌan queꞌxye: —Takacuy, chanqueb.

Isaías 29:9

La̱ex aj Jerusalén, cana̱kex saꞌ le̱ to̱ntil naꞌleb. Chanchanakex li mutzꞌ ut chanchanakex li calajenak usta incꞌaꞌ tex-ucꞌak vino. Taclo̱kex usta incꞌaꞌ yo̱kex chi cala̱c.

Isaías 51:21

Abihomak la̱ex li rahobtesinbilex. Qꞌuehomak retal la̱ex li chanchan texcala̱k, abanan moco xban ta li vino.

Isaías 51:22

Aꞌan aꞌin li naxye li Ka̱cuaꞌ le̱ Dios, li Ka̱cuaꞌ li nacoloc reheb lix tenamit: —La̱in xexcuisi saꞌ li raylal li cuanquex cuiꞌ. Xnumeꞌ lin joskꞌil. Incꞌaꞌ chic te̱cꞌul li raylal.

Isaías 63:6

Xban nak yo̱ injoskꞌil, xinsacheb ru li tenamit, li xicꞌ nequeꞌiloc cue. Xhoyeꞌ lix quiqꞌueleb saꞌ chꞌochꞌ nak xeꞌosoꞌ, chan li Dios.

Jeremías 13:13

Ut la̱at ta̱ye reheb, “Joꞌcaꞌin xye li Ka̱cuaꞌ. Nak tinqꞌue li raylal saꞌ xbe̱neb, chanchan nak tinqꞌueheb chirucꞌ li vino ut chanchan nak teꞌcala̱k chixjunileb li cuanqueb saꞌ li naꞌajej aꞌin, joꞌ eb ajcuiꞌ li rey li ralal xcꞌajoleb laj David, eb laj tij ut eb li profetas, joꞌ eb ajcuiꞌ laj Jerusalén.

Jeremías 25:18

Aꞌaneb aꞌin li tenamit li teꞌcꞌuluk raylal: eb li cuanqueb Jerusalén ut eb li cuanqueb saꞌ eb li tenamit li cuanqueb Judá; joꞌ eb ajcuiꞌ lix reyeb ut eb li cuanqueb xcuanquil. Xinba̱nu chi joꞌcan re nak xucuajel rilbal teꞌcana̱k ut re nak teꞌsachekꞌ ruheb ut re ajcuiꞌ nak teꞌseꞌe̱k ut teꞌhobekꞌ joꞌ yo̱queb xcꞌulbal toj chalen anakcuan.

Jeremías 44:6

Joꞌcan nak quinumta lin joskꞌil saꞌ xbe̱neb ut quicuisi injoskꞌil saꞌ xbe̱neb li tenamit li cuanqueb Judá ut saꞌ eb li be li cuanqueb Jerusalén. La̱in quinsach ruheb ut ma̱cꞌaꞌ cuan saꞌ eb li tenamit toj chalen anakcuan.

Salmos 60:5

Choa̱tenkꞌa re nak tocolekꞌ la̱o, li raro̱co a̱ban. Choa̱sume ut choa̱col riqꞌuin xnimal la̱ cuanquilal.

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.