Isaías 51:12 - Li Santil hu

¹² Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Q'eqchi Bible

¹² “Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Isaías 51:12 ပူးပေါင်းရင်းမြစ်များ

Salmos 118:6

Li Ka̱cuaꞌ cuan cuiqꞌuin. Joꞌcan nak la̱in incꞌaꞌ ninxucua li cꞌaꞌru teꞌxba̱nu cue li cui̱nk.

1 Pedro 1:24

Saꞌ li Santil Hu tzꞌi̱banbil retalil chi joꞌcaꞌin: Lix yuꞌam li cristian saꞌ ruchichꞌochꞌ, aꞌan chanchan li pim. Nachakic ut na-osoꞌ. Ut lix lokꞌal chanchan ratzꞌum li pim. Nachakic natꞌaneꞌ ut na-osoꞌ.

Isaías 2:22

Me̱cꞌojob e̱chꞌo̱l saꞌ xbe̱neb li cristian xban nak eb aꞌan ma̱cꞌaꞌ nequeꞌoc cuiꞌ. Moco najt ta nequeꞌcuan. ¿Cꞌaꞌru aj e nak te̱qꞌueheb xlokꞌal?

San Juan 14:18

Nak tinxic incꞌaꞌ texincanab e̱junes. Tincha̱lk cuiꞌchic e̱riqꞌuin.

Isaías 66:13

La̱in tincꞌojob e̱chꞌo̱l joꞌ nak li naꞌbej naxcꞌojob xchꞌo̱leb li ralal xcꞌajol. Ut aran Jerusalén te̱tau xcꞌojobanquil le̱ chꞌo̱l.—

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

Isaías 43:25

Abanan la̱in li Ka̱cuaꞌ Dios. La̱in nincuyuc re le̱ ma̱c. Ninba̱nu aꞌan xban nak la̱in li Dios. La̱in tincuy le̱ ma̱c ut incꞌaꞌ chic ta̱julticokꞌ cue.

Proverbios 29:26

Nabaleb li teꞌraj ta̱uxk usilal reheb xban li acuabej. Abanan caꞌaj cuiꞌ li Ka̱cuaꞌ narakoc a̱tin saꞌ ti̱quilal.

Salmos 146:4

Nak nequeꞌcam, nequeꞌsukꞌi chꞌochꞌ ut saꞌ ajcuiꞌ li cutan aꞌan na-osoꞌ li cꞌaꞌru nequeꞌxcꞌoxla xba̱nunquil.

Salmos 92:7

Li incꞌaꞌ useb xnaꞌleb nequeꞌtam joꞌ li pachꞌayaꞌ ut nequeꞌel chi us riqꞌuin li cꞌaꞌru nequeꞌxba̱nu. Abanan ta̱cuulak xkꞌehil nak teꞌsachekꞌ ruheb chi junaj cua.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

1 Samuel 15:24

Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.

2 Reyes 1:15

Ut lix ángel li Ka̱cuaꞌ quixye re laj Elías: —Matxucuac. Cuben ut tatxic chirixeb, chan. Joꞌcan nak laj Elías quixta̱keheb li soldado ut co̱ riqꞌuin li rey.

Isaías 40:1

Li Ka̱cuaꞌ le̱ Dios quixye: —Checꞌojobakeb xchꞌo̱l lin tenamit. Ut cheqꞌuehak xcacuileb xchꞌo̱l.

Isaías 49:13

At choxa, jap a̱cue xban xsahil a̱chꞌo̱l. At ruchichꞌochꞌ, chisahokꞌ a̱chꞌo̱l. Ut la̱ex tzu̱l chisahokꞌ saꞌ e̱chꞌo̱l xban nak li Ka̱cuaꞌ tixcꞌojob cuiꞌchic xchꞌo̱leb lix tenamit ut ta̱ril cuiꞌchic xtokꞌoba̱l ruheb nak yo̱queb chi cꞌuluc raylal.

Isaías 57:11

Li Ka̱cuaꞌ quixye e̱re: —¿Cꞌaꞌut nak nequexxucuac xbaneb li yi̱banbil dios ut nequelokꞌoniheb? ¿Cꞌaꞌut nak xecanab inlokꞌoninquil xbaneb ut ninsach saꞌ e̱chꞌo̱l? Usta incꞌaꞌ xine̱lokꞌoni, aban chalen chak junxil yo̱quin chixcuybal. Joꞌcan nak incꞌaꞌ niquine̱xucua.

Jeremías 38:19

Li rey Sedequías quixye re laj Jeremías: —La̱in yo̱ inxiu xbaneb laj judío li xeꞌxkꞌaxtesi ribeb saꞌ xya̱nkeb laj Babilonia. Ma̱re anchal eb laj Babilonia tineꞌxkꞌaxtesi saꞌ rukꞌeb laj judío ut eb aꞌan tineꞌxrahobtesi, chan.

Jeremías 41:18

Queꞌco̱eb chi najt xban nak queꞌraj e̱lelic chiruheb laj Babilonia. Queꞌxucuac chiruheb xban nak laj Ismael li ralal laj Netanías quixcamsi laj Gedalías li quixakaba̱c xban lix reyeb laj Babilonia chi takla̱nc saꞌ li naꞌajej Judá.

Ezequiel 2:6

Ut la̱at, ralal cui̱nk, matxucuac chiruheb chi moco tatxucuak xban li cꞌaꞌru teꞌxye a̱cue. Kꞌaxal ra ta̱nak cuiꞌ li cꞌaꞌru teꞌxye a̱cue. Chanchan li qꞌuix ut chanchan nak cuancat saꞌ xya̱nkeb laj xo̱cꞌ nak cua̱nkat saꞌ xya̱nkeb. Abanan matxucuac xban li cꞌaꞌru teꞌxye a̱cue chi moco tatxucuak chiruheb xban nak li tenamit aꞌan kꞌaxal kꞌetkꞌeteb.

1 Samuel 17:11

Cꞌajoꞌ nak quixucuac laj Saúl joꞌqueb ajcuiꞌ lix soldados nak queꞌrabi li cꞌaꞌru quixye laj Goliat. Nequeꞌsicsot xbaneb xxiu.

1 Samuel 21:13

Nak cuan riqꞌuineb quixjal lix naꞌleb ut quixba̱nu rib nak lo̱c ru. Quitzꞌi̱bac chiru li oqueba̱l re li tenamit ut lix yaꞌal re yo̱ chi tꞌanecꞌ saꞌ lix mach.

Isaías 8:12

—Ma̱junaji a̱cuib riqꞌuin li cꞌaꞌru nequeꞌxcꞌu̱b ru eb li tenamit, chi moco ta̱xucua li cꞌaꞌru nequeꞌxxucua eb aꞌan.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Isaías 52:9

Jap a̱cue xban xsahil a̱chꞌo̱l ut bichan re xlokꞌoninquil li Ka̱cuaꞌ, la̱at tenamit Jerusalén, li juqꞌuinbil a̱cuu. Sahak saꞌ a̱chꞌo̱l xban nak li Ka̱cuaꞌ tixcoleb lix tenamit ut tixcꞌojob xchꞌo̱leb. Tixcoleb lix tenamit Jerusalén.

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.