Isaías 51:11 - Li Santil hu

¹¹ Eb li colbileb a̱ban teꞌsukꞌi̱k cuiꞌchic Sión chi sa saꞌ xchꞌo̱leb. Yo̱keb chi bicha̱nc ut yo̱keb chixjapbal reheb xban xsahileb xchꞌo̱l. Sahak saꞌ xchꞌo̱leb chi junelic. Incꞌaꞌ chic ta̱rahokꞌ saꞌ xchꞌo̱leb. Chi moco teꞌya̱bak chic.

Q'eqchi Bible

¹¹ Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Isaías 51:11 ပူးပေါင်းရင်းမြစ်များ

Isaías 25:8

Li nimajcual Dios ta̱risi xcuanquil li ca̱mc. Tixmes li xyaꞌal ruheb. Ta̱risi lix xuta̱neb lix tenamit saꞌ chixjunil li ruchichꞌochꞌ. Li Ka̱cuaꞌ, aꞌan li quiyehoc re aꞌin.

Apocalipsis 21:4

Ma̱cꞌaꞌak chic rahil chꞌo̱lej. Ma̱cꞌaꞌak chic li ca̱mc chi moco li ya̱bac chi moco li yotꞌecꞌ, chi moco li raylal xban nak chixjunil li cꞌaꞌak re ru aꞌan, ac xelajeꞌnumeꞌ.—

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

Isaías 61:7

Xban nak kꞌaxal cuiꞌchic nabal li raylal ut li xuta̱n xecꞌul, joꞌcan nak kꞌaxal nabal ajcuiꞌ le̱ ma̱tan te̱cꞌul. Caꞌ sut xqꞌuial le̱ lokꞌal te̱cꞌul nak cua̱nkex cuiꞌchic saꞌ le̱ naꞌaj. Ut ta̱cua̱nk chi junelic xsahilal e̱chꞌo̱l.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Apocalipsis 22:3

Aran ma̱cꞌaꞌak chic ma̱usilal. Lix lokꞌlaj cꞌojariba̱l li Dios ta̱cua̱nk aran ut ta̱cua̱nk ajcuiꞌ lix lokꞌlaj cꞌojariba̱l li Jun li chanchan carner. Ut eb laj cꞌanjel chiru teꞌlokꞌoni̱nk re.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

Isaías 65:19

Joꞌcan ajcuiꞌ la̱in ta̱sahokꞌ saꞌ inchꞌo̱l riqꞌuin li Jerusalén ut ta̱sahokꞌ saꞌ inchꞌo̱l xbaneb li cualal incꞌajol. Ma̱cꞌaꞌak chic li ya̱bac chi moco teꞌxjap chic reheb xban raylal.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Isaías 49:13

At choxa, jap a̱cue xban xsahil a̱chꞌo̱l. At ruchichꞌochꞌ, chisahokꞌ a̱chꞌo̱l. Ut la̱ex tzu̱l chisahokꞌ saꞌ e̱chꞌo̱l xban nak li Ka̱cuaꞌ tixcꞌojob cuiꞌchic xchꞌo̱leb lix tenamit ut ta̱ril cuiꞌchic xtokꞌoba̱l ruheb nak yo̱queb chi cꞌuluc raylal.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Apocalipsis 21:1

Ut quicuil ajcuiꞌ jun acꞌ choxa ut jun acꞌ ruchichꞌochꞌ xban nak li xbe̱n choxa ut li xbe̱n ruchichꞌochꞌ ma̱cꞌaꞌ chic. Ac xsacheꞌ. Ut ma̱cꞌaꞌ chic li palau.

Salmos 126:5

Eb li yo̱queb chi ya̱bac nak queꞌau, ta̱sahokꞌ saꞌ xchꞌo̱leb nak teꞌkꞌolok.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Isaías 55:12

Cꞌajoꞌak xsahil saꞌ le̱ chꞌo̱l nak tex-e̱lk saꞌ li naꞌajej cuanquex cuiꞌ. Saꞌ tuktu̱quil usilal texsukꞌi̱k cuiꞌchic saꞌ le̱ tenamit. Ut teꞌoc cuiꞌchic chi u̱chi̱nc li cheꞌ chi sa saꞌ xchꞌo̱leb. Ut ta̱e̱lk cuiꞌchic chi cha̱bil li acui̱mk saꞌ eb li tzu̱l.

Isaías 65:14

Eb li nequeꞌcꞌanjelac chicuu teꞌbicha̱nk xban xsahileb xchꞌo̱l. Abanan la̱ex, li nequeba̱nu li incꞌaꞌ us, texya̱bak xban li raylal li te̱cꞌul. Ta̱yotꞌekꞌ e̱chꞌo̱l ut japjo̱k e̱re xban li raylal.

Jeremías 31:13

Eb li tukꞌ ixk teꞌxajok xban xsahil xchꞌo̱leb. Sahakeb saꞌ xchꞌo̱l li chꞌajom ut eb li che̱quel cristian. La̱in tincꞌojob xchꞌo̱leb ut tinsukꞌisi lix rahil xchꞌo̱leb chokꞌ sahil chꞌo̱lejil.

Salmos 126:2

Coseꞌec ut cobichan xban xsahil li kachꞌo̱l. Ut eb li jalaneb xtenamit queꞌxye: Sachba chꞌo̱lej li xba̱nu li Ka̱cuaꞌ reheb lix tenamit, chanqueb.