Isaías 51:10 - Li Santil hu

¹⁰ Ut, ¿ma ma̱cuaꞌ ta biꞌ la̱at catqꞌuehoc re chi chakic li palau re nak la̱ tenamit teꞌbe̱k saꞌ chaki chꞌochꞌ nak queꞌnumeꞌ jun pacꞌal? ¿Ma ma̱cuaꞌ ta biꞌ la̱at catcoloc reheb chiruheb li xicꞌ nequeꞌiloc reheb?

Q'eqchi Bible

¹⁰ Ma ink'a' tab'i' laa'at katchaqihob'resink re li palaw ut li nimla ha', ut kate jun li b'e sa' xchamal li palaw re naq ke'nume'k li kakoleb' chaq?

Isaías 51:10 ပူးပေါင်းရင်းမြစ်များ

Isaías 43:16

Najter kꞌe cutan la̱in quexinqꞌue chi numecꞌ saꞌ li palau. La̱in quinramoc re li haꞌ re nak incꞌaꞌ chic ta̱be̱k.

Isaías 50:2

¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

Éxodo 15:13

Xban nak kꞌaxal nim la̱ cuusilal, la̱at yo̱cat chi cꞌamoc be chiku ut xoa̱col. Riqꞌuin lix nimal a̱cuanquilal toa̱cꞌam saꞌ li naꞌajej li xayechiꞌi ke junxilaj.

Isaías 42:15

La̱in tinsacheb ru li tzu̱l ut eb li cocꞌ bol. Tinqꞌue chi chakic li racui̱mkeb. Tinsukꞌisi li nimaꞌ chokꞌ chaki chꞌochꞌ ut tinchakihobresiheb li xnaꞌaj li haꞌ.

Salmos 74:13

Riqꞌuin xnimal la̱ cuanquilal, cajach ru li Caki Palau re nak teꞌnumekꞌ jun pacꞌal eb laj Israel. Ut casach ruheb laj Egipto li yo̱queb chi ta̱ke̱nc reheb re teꞌxchap. Chanchan nak cacamsiheb li ni̱nki xul li cuanqueb saꞌ li palau nak casach ruheb.

Salmos 77:19

Usta kꞌaxal cham li palau, abanan la̱at catnumeꞌ aran nak cajach ru ut ma̱ ani qui-iloc re nak catnumeꞌ aran.

Salmos 106:9

Li Dios quixye re li palau nak tixjach rib ut quixjach rib. Chaki li chꞌochꞌ li queꞌnumeꞌ cuiꞌ lix tenamit. Joꞌcan nak li Dios quixnumsiheb jun pacꞌal li palau.

Salmos 106:10

Joꞌcaꞌin nak quixcoleb lix tenamit saꞌ rukꞌeb li xicꞌ nequeꞌiloc reheb. Quixcoleb saꞌ rukꞌeb li queꞌrahobtesin reheb.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Isaías 11:16

Nak eb li joꞌ qꞌuial chic li teꞌcolekꞌ teꞌe̱lk Asiria teꞌnumekꞌ saꞌ jun li nimla be joꞌ queꞌxba̱nu eb laj Israel nak queꞌel chak Egipto junxil.

Isaías 35:8

Ta̱cua̱nk aran jun li cha̱bil be. “Xbehil li Santilal” xcꞌabaꞌ. Eb li incꞌaꞌ useb xnaꞌleb incꞌaꞌ teꞌoc saꞌ li be aꞌan, chi moco teꞌoc aran li ma̱cꞌaꞌeb xnaꞌleb.

Isaías 35:9

Aran ma̱cꞌaꞌak li joskꞌ aj xul ut ma̱cꞌaꞌak li cakcoj. Eb li colbileb teꞌnumekꞌ saꞌ li be aꞌan chi ma̱cꞌaꞌ xcꞌaꞌuxeb.

Isaías 62:12

“Santil Tenamit” ta̱yehekꞌ reheb laj Israel ut ta̱yehekꞌ ajcuiꞌ reheb “Colbileb xban li Ka̱cuaꞌ”. Ut li tenamit Jerusalén tixcꞌabaꞌi “Li tenamit li raro, li incꞌaꞌ chic tzꞌekta̱nanbil”.—

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Zacarías 10:11

La̱in tintenkꞌaheb chixcuybal xnumsinquil li raylal joꞌ nak quintenkꞌaheb chak nak queꞌnumeꞌ chak saꞌ li Caki Palau aran Egipto. La̱in quintenkꞌaheb nak quinqꞌue chi chakic li nimaꞌ ut queꞌnumeꞌ jun pacꞌal. La̱in tincuisi xcuanquileb laj Asiria re nak incꞌaꞌ chic teꞌxnimobresi ribeb ut tinsach ajcuiꞌ xcuanquileb laj Egipto.

Éxodo 14:29

Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Miqueas 7:15

Ut chacꞌut ta ajcuiꞌ chiku li sachba chꞌo̱lej joꞌ caba̱nu chak junxil nak coa̱cuisi chak saꞌ li naꞌajej Egipto.