Isaías 50:8 - Li Santil hu

⁸ Laj Colol cue cuan cuiqꞌuin. ¿Ani ta̱ru̱k ta̱yehok re nak cuan inma̱c? Toxic riqꞌuin laj rakol a̱tin. ¿Ani ta̱ru̱k ta̱jitok cue? Chicha̱lk ut chixyehak cue.

Q'eqchi Bible

⁸ Li nakolok we wank chink'atq: ani taayehoq naq wank inmaak? Xikaqo sa' wiib'al rik'in laj raqol aatin. Ani li najitok we? Chalqaq wik'in ut xyehaq we.

Isaías 50:8 ပူးပေါင်းရင်းမြစ်များ

Apocalipsis 12:10

Ut quicuabi jun xya̱b cux yo̱ chi a̱tinac chi cau saꞌ choxa ut quixye: Anakcuan xcꞌulun chak li kacolbal. Anakcuan li Ka̱cuaꞌ chic ta̱cua̱nk xcuanquil ut aꞌan chic ta̱takla̱nk. Quicꞌutun lix cuanquilal li Cristo nak qui-isi̱c saꞌ choxa laj tza li quijitoc reheb li kech aj pa̱banelil chiru li Dios chi kꞌek chi cutan.

Isaías 41:1

Li Dios naxye: —Ex tenamit li cuanquex chire li palau, cherabihak li oc cue chixyebal. Cauresihomak e̱rib ut xaklinkex chicuu. A̱tinankex re xcolbal e̱rib ut kacꞌu̱bak ru saꞌ comonil saꞌ li rakleb a̱tin.

Isaías 43:26

Cui la̱in xinpaltoꞌ che̱ru toxic saꞌ li rakleb a̱tin ut takatzꞌil rix re rilbal ani na cuan xma̱c.

Isaías 41:21

Quimkex la̱ex li yi̱banbil dios. A̱tinankex re xcolbal e̱rib. Cha̱lkex, ut cꞌutumak chicuu li cꞌaꞌru xeba̱nu, chan li Ka̱cuaꞌ lix Dioseb laj Israel.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

San Mateo 5:25

Cui cuan la̱ chꞌaꞌajquilal riqꞌuin la̱ cuas a̱cui̱tzꞌin, yi̱b ru chi junpa̱t. Cui incꞌaꞌ nacacꞌam a̱cuib saꞌ usilal chi junpa̱t, ma̱re anchal tatxcꞌam riqꞌuin laj rakol a̱tin ut aꞌan tatxtakla saꞌ tzꞌalam.

Deuteronomio 19:17

tento nak li cuib chi cristian li yo̱queb chi pletic teꞌxic chiru li Ka̱cuaꞌ ut chiruheb laj tij ut chiruheb ajcuiꞌ laj rakol a̱tin li cuanqueb saꞌ xcuanquil.

Éxodo 22:9

Riqꞌuin chixjunil li chꞌaꞌajquilal joꞌcaꞌin, usta chirix bo̱yx, malaj bu̱r, malaj carner, malaj tꞌicr, malaj chirix cꞌaꞌak chic re ru qui-elkꞌa̱c, cui junak tixye: “aꞌin cue la̱in”, tento nak teꞌxic xcabichaleb riqꞌuin laj rakol a̱tin re nak ta̱tzꞌilekꞌ a̱tin chirixeb. Ut laj rakol a̱tin tixye ani cuan xma̱c. Li ani cuan xma̱c, aꞌan ta̱tojok re li jun chic cuib sut xqꞌuial li quisach.

Li xHu LAJ JOB 13:19

¿Ma cuan ta biꞌ junak ta̱ru̱k ta̱jitok cue? Cui cuan, ma̱cꞌaꞌ chic tinye ut tinca̱mk.

Salmos 119:151

Abanan la̱at cuancat cuiqꞌuin, at nimajcual Dios. Ut tzꞌakal re ru la̱ chakꞌrab.

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Isaías 45:25

Abanan li Ka̱cuaꞌ tixye nak ma̱cꞌaꞌ xma̱queb li ralal xcꞌajol laj Israel ut teꞌqꞌuehekꞌ xlokꞌaleb.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.