Isaías 50:7 - Li Santil hu

⁷ Li Ka̱cuaꞌ Dios aꞌan li natenkꞌan cue. Joꞌcan nak incꞌaꞌ ra nacuecꞌa nak niquineꞌxhob. La̱in xakxo̱quin chi cau joꞌ jun li sako̱nac. La̱in ninnau nak incꞌaꞌ xuta̱nal tine̱lk mokon.

Q'eqchi Bible

⁷ Li Qaawa' a'an laj tenq'ahom we; jo'kan naq ink'a' ra naweek'a naq nikine'xhob'; q'axal kaw xaqxookin jo' li saqoonak: ninnaw naq ink'a' tinkanaaq sa' xutaan.

Isaías 50:7 ပူးပေါင်းရင်းမြစ်များ

Hebreos 13:6

Joꞌcan nak naru takaye chi anchal kachꞌo̱l: Li Ka̱cuaꞌ Dios natenkꞌan cue. Incꞌaꞌ ninxucua li cꞌaꞌru teꞌxba̱nu li xicꞌ nequeꞌiloc cue. (Sal. 118:6)

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Romanos 1:16

Incꞌaꞌ ninxuta̱nac chixchꞌolobanquil xya̱lal li colba-ib xban nak aꞌan lix nimal xcuanquil li Dios re xcolbal chixjunil li teꞌpa̱ba̱nk re. Li colba-ib xbe̱n cua qꞌuebil reheb laj judío ut qꞌuebil ajcuiꞌ reheb li ma̱cuaꞌeb aj judío.

1 Pedro 4:16

Cui ut nequecꞌul raylal xban nak nequepa̱b li Cristo, aꞌan moco xuta̱nal ta. Chenima̱k ban xlokꞌal li Dios xban nak la̱ex chic ralal xcꞌajol.

San Lucas 9:51

Nak ac cuulac re xkꞌehil nak li Jesús ta̱cꞌamekꞌ cuiꞌchic xban li Dios saꞌ choxa, quixcacuubresi xchꞌo̱l chi xic Jerusalén.

1 Pedro 4:1

Li Cristo quixcꞌul li raylal ut quirecꞌa tzꞌakal li raylal saꞌ kacꞌabaꞌ la̱o. Joꞌcan nak chikaqꞌue ajcuiꞌ kachꞌo̱l la̱o chixcuybal li raylal. Julticak e̱re nak ma̱cꞌaꞌ chic xcuanquil li ma̱c saꞌ xbe̱neb li nequeꞌxcuy li raylal chi ma̱cꞌaꞌ xma̱queb.

Isaías 49:8

Joꞌcaꞌin naxye li Ka̱cuaꞌ li nimajcual Dios: —Saꞌ xkꞌehil la̱in tinsume la̱ tij. Saꞌ xkꞌehil li colba-ib la̱in tintenkꞌa̱nk a̱cue. La̱in tin-ilok a̱cue ut tatinqꞌue chixxakabanquil lin contrato riqꞌuineb lin tenamit. Tatinqꞌue cuiꞌchic chi cua̱nc saꞌ la̱ naꞌaj ut ta̱cꞌameb cuiꞌchic lin tenamit saꞌ xnaꞌajeb.

Isaías 50:9

Li Ka̱cuaꞌ Dios, aꞌan li natenkꞌan cue. ¿Ma cuan ta biꞌ junak ta̱yehok re nak cuan inma̱c? Chixjunileb li xicꞌ nequeꞌiloc cue telajeꞌosokꞌ joꞌ nak na-osoꞌ li tꞌicr li namaxen.

Jeremías 1:18

Anakcuan tinqꞌue a̱cacuilal joꞌ jun li tenamit cauresinbil chi pletic. Chanchanakat xcacuil li okech chꞌi̱chꞌ malaj ut li tzꞌac chꞌi̱chꞌ. Ut la̱at ta̱ye reheb chixjunileb li cuanqueb Judá nak incꞌaꞌ us yo̱queb. Ta̱ye ajcuiꞌ reheb li rey ut eb laj tij.

Salmos 110:1

Li Dios quixye re li Ka̱cuaꞌ: —Tatcꞌojla̱k saꞌ innim ukꞌ toj retal tincanabeb rubel la̱ cuok li xicꞌ nequeꞌiloc a̱cue, chan.

Isaías 29:22

Joꞌcan nak li Ka̱cuaꞌ li quicoloc re laj Abraham, naxye chi joꞌcaꞌin: —Ex ralal xcꞌajol laj Jacob, incꞌaꞌ chic ta̱cꞌutekꞌ le̱ xuta̱n, chi moco texsakquirinokꞌ xban le̱ xiu.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Isaías 54:4

Mexxucuac xban nak incꞌaꞌ texxuta̱na̱k. Incꞌaꞌ ta̱cꞌutekꞌ e̱xuta̱n. Ta̱sachk saꞌ e̱chꞌo̱l li xuta̱n li xecꞌul saꞌ e̱sa̱jilal. Incꞌaꞌ chic ta̱julticokꞌ e̱re li raylal li xecꞌul nak xexcanaba̱c xban li Dios. Chanchan nak la̱ex chic xma̱lcaꞌan.

Miqueas 1:2

Ut nak qui-oc chixyebal li cꞌaꞌru quiyeheꞌ re xban li Dios laj Miqueas quixye chi joꞌcaꞌin: —Cherabihak che̱junilex la̱ex li cuanquex saꞌ ruchichꞌochꞌ. Cheqꞌuehak retal li naxye li Ka̱cuaꞌ. Li nimajcual Dios ta̱a̱tinak chak saꞌ lix santil naꞌaj ut aꞌan ta̱yehok re nak cuan e̱ma̱c.

Salmos 54:6

Ut la̱in tinmayejak cha̱cuu chi anchal inchꞌo̱l ut tinlokꞌoni la̱ cꞌabaꞌ, at Ka̱cuaꞌ, xban nak la̱at cha̱bilat.

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.