Isaías 50:2 - Li Santil hu

² ¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

Q'eqchi Bible

² K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

Isaías 50:2 ပူးပေါင်းရင်းမြစ်များ

Isaías 59:1

Incꞌaꞌ te̱cꞌoxla nak li Ka̱cuaꞌ ma̱cꞌaꞌ chic xcuanquil re texcol. Chi moco te̱cꞌoxla nak incꞌaꞌ ta̱rabi nak te̱tzꞌa̱ma e̱tenkꞌanquil.

Números 11:23

Ut li Ka̱cuaꞌ quichakꞌoc ut quixye re laj Moisés: —¿Ma nacacꞌoxla la̱at nak ma̱cꞌaꞌ incuanquil chixba̱nunquil aꞌin? Anakcuan ta̱cuil ma ta̱uxma̱nk tana li cꞌaꞌru xinye malaj ut incꞌaꞌ, chan li Ka̱cuaꞌ.

Isaías 66:4

Joꞌcan nak la̱in tinsicꞌ ru li raylal li tinqꞌue saꞌ xbe̱neb. Tinqꞌue li raylal saꞌ xbe̱neb li cꞌajoꞌ nequeꞌxxucua, xban nak xebinbok ut incꞌaꞌ xineꞌxchakꞌbe. Nak xeꞌcua̱tina, incꞌaꞌ xineꞌrabi. Queꞌxba̱nu ban li incꞌaꞌ us chicuu. Queꞌxba̱nu li incꞌaꞌ nacuulac chicuu, chan li Dios.

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Oseas 11:7

Lin tenamit niquineꞌxtzꞌekta̱na. Junes kꞌetkꞌetil chic cuan saꞌ xchꞌo̱leb. Usta nequeꞌxye nak la̱in li kꞌaxal nim incuanquil, abanan ma̱ jun reheb naqꞌuehoc incuanquil.

Proverbios 1:24

La̱in xexinbok ut xinye e̱re nak texcha̱lk cuiqꞌuin. Abanan la̱ex incꞌaꞌ queꞌraj rabinquil li cꞌaꞌru quinye e̱re.

San Juan 1:11

Quicꞌulun saꞌ lix tenamit. Abanan incꞌaꞌ quicꞌuleꞌ saꞌ xya̱lal xbaneb.

Nahum 1:4

Nak naxye aꞌan nak ta̱chakik li palau, nachakic ajcuiꞌ. Ut naxqꞌueheb ajcuiꞌ chi chakic li nimaꞌ. Quixsach ru li cha̱bil pim li cuan aran Basán ut quixsach ru li acui̱mk li cuan saꞌ li tzu̱l Carmelo. Ut quixsach ajcuiꞌ ru li cha̱bil cheꞌ li cuan aran Líbano.

Oseas 11:2

La̱in xcuaj raj nak xeꞌchal cuiqꞌuin, abanan nak xinbokeb, kꞌaxal cuiꞌchic xineꞌxtzꞌekta̱na. Chiruheb chic laj Baal nequeꞌmayejac ut chiruheb li yi̱banbil dios nequeꞌxcꞌat lix pomeb.

Daniel 3:29

Xban aꞌan, la̱in ninye nak chixjunileb yalak bar xtenamiteb ut yalak chanru ra̱tinoba̱l, cui nequeꞌxmajecua li Dios li nequeꞌxlokꞌoni laj Sadrac, laj Mesac ut laj Abed-nego, eb aꞌan teꞌcamsi̱k. Pedasinbil chi chꞌi̱chꞌ nak teꞌosokꞌ, ut li rochocheb ta̱jucꞌma̱nk ut teꞌcana̱k chokꞌ mul xban nak ma̱cꞌaꞌ chic junak dios naru nacoloc joꞌ xba̱nu li nimajcual Dios, chan.

Daniel 3:15

—Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Isaías 65:12

Joꞌcan nak la̱in xinteneb ca̱mc saꞌ e̱be̱n. Texinqꞌue chi camsi̱c chi chꞌi̱chꞌ xban nak quexinbok ut incꞌaꞌ quine̱chakꞌbe. Nak quexcua̱tina incꞌaꞌ quine̱rabi. Queba̱nu ban li incꞌaꞌ us chicuu. Queba̱nu li incꞌaꞌ nacuulac chicuu.

Isaías 59:16

Li Ka̱cuaꞌ quisach xchꞌo̱l chirilbal nak ma̱ ani natenkꞌan reheb li rahobtesinbileb. Ma̱ ani na-oquen chirixeb. Joꞌcan nak riqꞌuin xcuanquil quixcoleb ut quixxakab xcuanquil li ti̱quilal.

Isaías 43:16

Najter kꞌe cutan la̱in quexinqꞌue chi numecꞌ saꞌ li palau. La̱in quinramoc re li haꞌ re nak incꞌaꞌ chic ta̱be̱k.

Isaías 42:15

La̱in tinsacheb ru li tzu̱l ut eb li cocꞌ bol. Tinqꞌue chi chakic li racui̱mkeb. Tinsukꞌisi li nimaꞌ chokꞌ chaki chꞌochꞌ ut tinchakihobresiheb li xnaꞌaj li haꞌ.

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Éxodo 7:21

Quilajeꞌcam chixjunil li car saꞌ li nimaꞌ ut quichuhoꞌ li haꞌ. Incꞌaꞌ chic naru teꞌrucꞌ li haꞌ. Yalak bar saꞌ li tenamit Egipto, junes quicꞌ chic li haꞌ.

Éxodo 7:18

Ut li car li cuanqueb saꞌ li nimaꞌ teꞌca̱mk. Ta̱chuhokꞌ li nimaꞌ. Ut eb laj Egipto incꞌaꞌ chic teꞌrucꞌ li haꞌ xban nak chuhak chic.”

San Juan 3:19

Xban nak incꞌaꞌ nequeꞌpa̱ban, cuan li tojba ma̱c saꞌ xbe̱neb. Li Cꞌajolbej quicꞌulun saꞌ ruchichꞌochꞌ chixcꞌutbal lix ya̱lal chiruheb li cuanqueb saꞌ ruchichꞌochꞌ. Aꞌan chanchan li cutan. Abanan eb li cuanqueb saꞌ ruchichꞌochꞌ kꞌaxal queꞌraj cua̱nc saꞌ xkꞌojyi̱nal ru li ma̱c ut incꞌaꞌ queꞌraj cua̱nc saꞌ li cutan xban nak incꞌaꞌ us lix naꞌlebeb.

San Marcos 4:39

Quicuacli li Jesús ut quixkꞌus li ikꞌ ut quixye re li palau: —Matchokin. Canab ecꞌa̱nc, chan. Ut saꞌ junpa̱t quichꞌana li ikꞌ ut quitukla ru li haꞌ.

Daniel 6:20

Nak yo̱ chi nachꞌoc aran, chi ra saꞌ xchꞌo̱l, li rey quixbok laj Daniel ut quixye re: —At Daniel, la̱at aj cꞌanjel chiru li yoꞌyo̱quil Dios. ¿Ma xatxcol la̱ Dios li junelic nacacꞌanjela ru? ¿Ma xatxcol chiruheb li cakcoj? chan re.

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

Isaías 63:13

¿Ma ma̱cuaꞌ ta biꞌ li Dios li quiberesin reheb saꞌ xchamal li palau? Queꞌnumeꞌ jun pacꞌal ut incꞌaꞌ queꞌxtich li rokeb. Chanchaneb li cacua̱y nak nanumeꞌ saꞌ li ru takꞌa.

Isaías 51:10

Ut, ¿ma ma̱cuaꞌ ta biꞌ la̱at catqꞌuehoc re chi chakic li palau re nak la̱ tenamit teꞌbe̱k saꞌ chaki chꞌochꞌ nak queꞌnumeꞌ jun pacꞌal? ¿Ma ma̱cuaꞌ ta biꞌ la̱at catcoloc reheb chiruheb li xicꞌ nequeꞌiloc reheb?

Isaías 41:28

La̱in xinsicꞌ jun cuan xnaꞌleb saꞌ xya̱nkeb li profeta li nequeꞌcꞌanjelac chiruheb li yi̱banbil dios. Xinye re nak tixsume li cꞌaꞌru xinpatzꞌ re. Ma̱ jun xintau re teꞌxsume. Ti̱c ma̱cꞌaꞌ xeꞌxye.

Isaías 36:20

¿Ma cuan ta biꞌ junak Dios saꞌ eb li naꞌajej aꞌan li quixcuy xcolbal lix tenamit saꞌ cuukꞌ la̱in? ¿Chanru nak li Ka̱cuaꞌ Dios tixcol li tenamit Jerusalén saꞌ cuukꞌ? chan li rey.

Isaías 19:5

Ta̱chakik li nimaꞌ Nilo. Ma̱cꞌaꞌak chic li haꞌ.

Salmos 107:33

Li Ka̱cuaꞌ kꞌaxal nim xcuanquil saꞌ xbe̱n li ruchichꞌochꞌ. Naxqꞌueheb chi chakic li nimaꞌ ut eb li yuꞌam haꞌ.

2 Crónicas 32:15

Joꞌcan nak me̱canab e̱rib chixbalakꞌi laj Ezequías. Me̱pa̱b li cꞌaꞌru tixye xban nak ma̱ jun dios cuan saꞌ eb li tenamit quiru xcolbaleb li tenamit saꞌ cuukꞌ ut saꞌ rukꞌeb lin xeꞌto̱nil yucuaꞌ. ¿Ma tojaꞌ ta chic le̱ Dios la̱ex ta̱ru̱k ta̱colok e̱re saꞌ cuukꞌ?” chan.

Éxodo 14:29

Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

Jeremías 8:6

Xinqꞌue retal chi tzꞌakal li cꞌaꞌru nequeꞌxye. Incꞌaꞌ nequeꞌa̱tinac saꞌ xya̱lal. Ma̱ ani nayotꞌeꞌ xchꞌo̱l xban li ma̱usilal naxba̱nu. Ma̱ ani naxye, “¿Cꞌaꞌru li incꞌaꞌ us xinba̱nu?” Nequeꞌxba̱nu ban li cꞌaꞌru nequeꞌraj. Chanchaneb li cacua̱y li nequeꞌxcutbe rib nak nequeꞌxic saꞌ li ple̱t.

Salmos 106:9

Li Dios quixye re li palau nak tixjach rib ut quixjach rib. Chaki li chꞌochꞌ li queꞌnumeꞌ cuiꞌ lix tenamit. Joꞌcan nak li Dios quixnumsiheb jun pacꞌal li palau.

Daniel 6:27

Li Ka̱cuaꞌ Dios, aꞌan li na-achꞌaban ut aꞌan li nacoloc. Aꞌan li naba̱nun re li milagro ut li sachba chꞌo̱lej joꞌ saꞌ choxa joꞌ ajcuiꞌ saꞌ ruchichꞌochꞌ. Aꞌan li quicoloc re laj Daniel. Incꞌaꞌ quixcanab chi camsi̱c xbaneb li cakcoj, chan.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Isaías 23:11

Li Ka̱cuaꞌ quixyeꞌ li rukꞌ saꞌ xbe̱n li palau ut eb li cuanqueb xcuanquil nequeꞌsicsot xban xxiuheb. Quixye nak ta̱sachekꞌ xcuanquileb li tenamit li nequeꞌxcol cuiꞌ ribeb laj Canaán.

Isaías 44:27

Cui la̱in tinye nak ta̱chakik li palau, ta̱chakik. Ut cui tinye nak teꞌchakik li nimaꞌ, teꞌchakik ajcuiꞌ.

Isaías 54:6

La̱ex aj Israel, chanchanex jun li ixk li xsumla nak toj sa̱j ut ra saꞌ xchꞌo̱l xban nak quicanaba̱c xban lix be̱lom. La̱in li Ka̱cuaꞌ texinbok cuiꞌchic cuiqꞌuin joꞌ li be̱lomej li naxcꞌam cuiꞌchic saꞌ usilal li rixakil.

Jeremías 7:27

At Jeremías, la̱at ta̱ye chixjunil aꞌin reheb lin tenamit, usta incꞌaꞌ teꞌabi̱nk cha̱cuu. Jap a̱cue chixyebal reheb, usta incꞌaꞌ tateꞌxchakꞌbe.

Jeremías 14:9

¿Cꞌaꞌut nak chanchanat jun li cui̱nk li sachso xchꞌo̱l? ¿Cꞌaꞌut nak chanchanat jun li soldado li ma̱cꞌaꞌ naxba̱nu re toxcol? At Ka̱cuaꞌ, la̱at cuancat kiqꞌuin ut la̱o nakacꞌabaꞌin la̱ cꞌabaꞌ. Moa̱canab kajunes, at Ka̱cuaꞌ, chanqueb.

Jeremías 35:14

Laj Jonadab li ralal laj Recab quixye reheb li ralal xcꞌajol nak incꞌaꞌ teꞌrucꞌ li vino ut queꞌxba̱nu joꞌ quixye. Toj chalen anakcuan incꞌaꞌ nequeꞌrucꞌ li vino xban nak nequeꞌxba̱nu li cꞌaꞌru quixye lix xeꞌto̱nil yucuaꞌeb. Abanan la̱in nabal sut yo̱quin chixyebal e̱re cꞌaꞌru te̱ba̱nu ut incꞌaꞌ nequex-abin chicuu.

Habacuc 3:8

At nimajcual Dios, ¿ma yo̱ ta biꞌ a̱joskꞌil saꞌ xbe̱n li nimaꞌ nak xaxakab li haꞌ? ¿Ma yo̱ ta biꞌ a̱joskꞌil saꞌ xbe̱n li palau nak xajach ru? La̱at xaba̱nu aꞌan re xcolbaleb la̱ tenamit nak queꞌnumeꞌ jun pacꞌal li haꞌ chirixeb lix cacua̱y ut saꞌ eb lix carruaje.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.