Isaías 5:9 - Li Santil hu

⁹ Li Ka̱cuaꞌ li nimajcual Dios quixye cue nak relic chi ya̱l eb li xni̱nkal ru cab li xeyi̱b teꞌcana̱k chi ma̱cꞌaꞌ chic cuan chi saꞌ.

Q'eqchi Bible

⁹ Jo'ka'in xwab'i chi xyeeb'al li Nimajwal Yos: “Naab'aleb' li ochoch te'juk'manq. Us ta jwal ninq ut ch'ina'usil kab'l te'wanq aran, maajun chik poyanam taawanq chisa'.

Isaías 5:9 ပူးပေါင်းရင်းမြစ်များ

San Mateo 23:38

Ut anakcuan le̱ tenamit joꞌ ajcuiꞌ li templo ta̱cana̱k chi naqꞌuirnac aj chic ru.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Isaías 22:14

Ut li Ka̱cuaꞌ li nimajcual Dios quia̱tinac cuiqꞌuin ut quixye cue: —Li ma̱c aꞌin li xeba̱nu la̱ex aj Jerusalén incꞌaꞌ tincuy toj retal nak texca̱mk. La̱in li nimajcual Dios xinyehoc re aꞌin, chan.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

Amós 6:11

Quixye chi joꞌcan xban nak li Ka̱cuaꞌ quixye nak teꞌosokꞌ li ni̱nkeb xcuanquil joꞌqueb ajcuiꞌ li ma̱cꞌaꞌeb xcuanquil. Jun xiquic nak teꞌosokꞌ chixjunileb.

Isaías 27:10

Li tenamit li kꞌaxal cau rib nak quicuan quitzꞌekta̱na̱c. Ma̱cꞌaꞌ chic cuan chi saꞌ. Chanchan li chaki chꞌochꞌ. Aran nequeꞌcuaꞌac li cuacax saꞌ li pachꞌayaꞌ ut aran ajcuiꞌ nequeꞌhilan.

Isaías 5:6

Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

2 Crónicas 36:21

Joꞌcaꞌin quicꞌulman re nak ta̱tzꞌaklok ru chixjunil li quicꞌutbesi̱c chiru li profeta Jeremías xban li Ka̱cuaꞌ Dios nak quixye: —Li chꞌochꞌ quicana chi ma̱cꞌaꞌ chic cuan chiru. Chi joꞌcan quihilan li chꞌochꞌ chiru laje̱b xca̱cꞌa̱l chihab xban nak eb laj Israel incꞌaꞌ queꞌxqꞌue chi hila̱nc li chꞌochꞌ rajlal saꞌ li xcuuk li chihab.—

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Li xHu LAJ JOB 15:28

ta̱cuulak xkꞌehil nak li naꞌajej li ta̱cua̱nk cuiꞌ ma̱cꞌaꞌ chic ta̱cana̱k. Ut eb li rochoch jucꞌbil chic teꞌcana̱k. Chanchanakeb li jun tu̱b chi mul.

Li xHu LAJ JOB 20:21

Ma̱ ani naxcol rib chiru. Ut moco najt ta ta̱cua̱nk lix biomal.

Proverbios 15:27

Li ani naxrahi ru chixjunil naxqꞌue saꞌ raylal lix jun cablal. Abanan li ani incꞌaꞌ naxcꞌu̱luban nak ta̱tumina̱k ru, aꞌan sa ta̱cua̱nk.