Isaías 5:7 - Li Santil hu

⁷ Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Q'eqchi Bible

⁷ Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Isaías 5:7 ပူးပေါင်းရင်းမြစ်များ

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

San Juan 15:2

Li ani incꞌaꞌ naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li na-isi̱c xban nak incꞌaꞌ nau̱chin. Abanan li ani naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li nau̱chin. Ut li na-iloc re naxsabesi re nak tixqꞌue nabal li ru.

San Lucas 18:7

¿Ma tojaꞌ ta chic li Dios incꞌaꞌ tixcoleb li sicꞌbileb ru xban? ¿Ma ta̱ba̱yk ta biꞌ chixsumenquil li cꞌaꞌru teꞌxtzꞌa̱ma li nequeꞌya̱ban re lix cꞌabaꞌ chi kꞌek chi cutan?

San Mateo 23:23

Ra cha̱lel saꞌ e̱be̱n la̱ex aj tzꞌi̱b ut ex aj fariseo, ex aj caꞌ pacꞌal u. Nequemayeja lix laje̱tkil li isquiꞌij, li eneldo ut li comino. Ut nequetzꞌekta̱na li kꞌaxal cuan xcuanquil saꞌ li chakꞌrab. Incꞌaꞌ nequeba̱nu li ti̱quilal. Incꞌaꞌ nequex-uxta̱nan u ut incꞌaꞌ nequexpa̱ban. Us nak nequemayeja lix laje̱tkil abanan incꞌaꞌ raj nequecanab xba̱nunquil li kꞌaxal cuan xcuanquil.

Sofonías 3:17

Li Ka̱cuaꞌ le̱ Dios cuan e̱riqꞌuin. Aꞌan nim xcuanquil ut aꞌan ta̱colok e̱re. Li Ka̱cuaꞌ sahak xchꞌo̱l e̱riqꞌuin ut riqꞌuin xnimal xrahom tixqꞌue e̱re li acꞌ yuꞌam. Ut ta̱bicha̱nk xban xsahil saꞌ xchꞌo̱l.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Jeremías 12:10

Nabaleb li jalan tenamit li cuanqueb xcuanquil xeꞌxsach ru lix naꞌaj li cuacui̱mk. Xeꞌxyekꞌi saꞌ rokeb li cuacui̱mk. Ut xeꞌxsukꞌisi lin cha̱bil naꞌaj joꞌ chaki chꞌochꞌ xban nak ma̱cꞌaꞌ chic cuan aran.

Isaías 62:5

Eb le̱ ralal e̱cꞌajol teꞌsahokꞌ xchꞌo̱l riqꞌuin lix naꞌajeb, joꞌ nak li be̱lomej nasahoꞌ xchꞌo̱l riqꞌuin li rixakil. Joꞌcan ajcuiꞌ nak ta̱sahokꞌ xchꞌo̱l li Dios riqꞌuin lix tenamit.

Isaías 5:2

Quixyi̱b lix corral. Quixbec ru li chꞌochꞌ ut quilajrisi li pec chi saꞌ. Quixsicꞌ li cha̱bil uvas ut quirau saꞌ li chꞌochꞌ. Ut saꞌ xyi li acui̱mk quixyi̱b jun li chꞌina cab najt xteram re xcꞌacꞌalenquil. Ut quixyi̱b jun li yatzꞌleb ut quiroybeni ta̱u̱chi̱nk li acui̱mk. Aban nak quiu̱chin, ma̱cuaꞌ chic li cha̱bil uva quiru̱chin. Aꞌ ban chic li rare qui-el.

Isaías 3:17

Re xqꞌuebal chixtojbaleb xma̱c la̱in tinqꞌueheb chi tꞌanecꞌ li rismal. Tꞌuruꞌ chic lix jolomeb ta̱cana̱k re xcutbal xxuta̱neb, chan li Ka̱cuaꞌ.

Isaías 3:14

Ta̱rakok a̱tin saꞌ xbe̱neb li nequeꞌcꞌamoc be ut saꞌ xbe̱neb li nequeꞌtaklan saꞌ xbe̱neb li tenamit. Ut tixye reheb: —La̱ex xexsachoc re lin tenamit ut yo̱quex chixcꞌambal li cꞌaꞌru reheb li nebaꞌ saꞌ le̱ rochoch.

Isaías 1:6

Ma̱cꞌaꞌ chic rusil le̱ tibel. Naticla chak le̱ raylal saꞌ le̱ rok ut toj saꞌ le̱ jolom. Chixjunil le̱ tibel cuan xtochꞌolal ut cuan xyocꞌolal. Teto̱queb chic ru le̱ tochꞌolal. Ut ma̱ ani nabanoc re chi moco naru nequeꞌxlan ru. Ut ma̱ ani naqꞌuehoc li aceite chiru le̱ ra re risinquil lix rahil.—

Cantares 7:6

Cꞌajoꞌ xchakꞌal a̱cuu. Ut cꞌajoꞌ la̱ kꞌunil, at xsum li cua̱m. Nacꞌojla inchꞌo̱l a̱ban.

Proverbios 21:13

Li ani incꞌaꞌ narabi nak yo̱ chixtzꞌa̱manquil xtenkꞌanquil li nebaꞌ, joꞌcan ajcuiꞌ tixcꞌul aꞌan. Incꞌaꞌ ta̱sume̱k nak tixtzꞌa̱ma xtenkꞌanquil.

Salmos 149:4

Li Ka̱cuaꞌ sa saꞌ xchꞌo̱l riqꞌuineb lix tenamit ut naxqꞌueheb xlokꞌal li tu̱laneb.

Salmos 147:11

Nasahoꞌ ban xchꞌo̱l riqꞌuin li ani naxucuan ru ut naroybeni nak ta̱uxta̱na̱k ru xban li Ka̱cuaꞌ.

Salmos 80:15

Chojulticokꞌ taxak a̱cue la̱o, la̱ cualal a̱cꞌajol li coa̱qꞌue saꞌ li kanaꞌaj, xban nak saꞌ kaya̱nk la̱o ta̱yoꞌla̱k li jun li sicꞌbil ru a̱ban.

Li xHu LAJ JOB 34:28

Queꞌxba̱nu raylal reheb li nebaꞌ ut reheb li rahobtesinbileb. Ut li Dios quirabi nak yo̱queb chi ya̱bac xban li raylal.

Deuteronomio 15:9

Micuan yibru naꞌleb saꞌ le̱ chꞌo̱l ut me̱ye “La̱in incꞌaꞌ tinqꞌue cꞌaꞌru re chi toꞌ xban nak cuulac re li xcuuk li chihab nak incꞌaꞌ teꞌxqꞌue re̱kaj li nequeꞌxtoꞌoni.” Cui incꞌaꞌ nequeqꞌue chi toꞌ li cꞌaꞌru naraj, naru tixya̱ba xcꞌabaꞌ li Dios ut li Dios tixqꞌue saꞌ e̱be̱n li ma̱c xeba̱nu.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Génesis 4:10

Li Dios quixye ajcuiꞌ re: —¿Cꞌaꞌru xaba̱nu? Lix quiqꞌuel la̱ cui̱tzꞌin xahoy chiru chꞌochꞌ yo̱ chi kꞌoko̱nc chicuu.

2 Samuel 7:10

La̱in xinqꞌue xnaꞌajeb lin tenamit Israel ut xinqꞌueheb chi cua̱nc aran chi sa saꞌ xchꞌo̱leb. Ma̱ ani ta̱ru̱k ta̱isi̱nk reheb. Chi moco eb li incꞌaꞌ useb xnaꞌleb teꞌxrahobtesiheb joꞌ queꞌxba̱nu chak junxil.

Eclesiastés 4:1

Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Isaías 3:15

¿Cꞌaꞌut nak nequerahobtesiheb lin tenamit? ¿Cꞌaꞌut nak nequetacuasiheb li nebaꞌ? chan li Ka̱cuaꞌ li kꞌaxal nim xcuanquil.

Isaías 27:2

Saꞌ li cutan aꞌan li Ka̱cuaꞌ Dios tixye: —Bichankex chirix lix naꞌaj li cha̱bil uvas.

Isaías 30:12

Joꞌcan nak li nimajcual Dios, li Dios santo li nakalokꞌoni la̱o aj Israel, naxye chi joꞌcaꞌin: —La̱ex xetzꞌekta̱na li cua̱tin. Xecꞌojob e̱chꞌo̱l riqꞌuin li pletic ut li ma̱usilal.

Isaías 59:4

Ma̱ ani na-ajoc rakoc a̱tin saꞌ ti̱quilal. Incꞌaꞌ nequeye li ya̱l saꞌ li rakleb a̱tin. Nequecꞌojob e̱chꞌo̱l riqꞌuin li ticꞌtiꞌ. Junes raylal ut ma̱usilal nequeba̱nu.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Isaías 59:14

Incꞌaꞌ chic narakeꞌ a̱tin saꞌ xya̱lal. Nakatzꞌekta̱na li ti̱quilal. Chi moco saꞌ eb li naꞌajej li nequeꞌrakoc cuiꞌ a̱tin naru nequeꞌxba̱nu saꞌ ti̱quilal. Ma̱cꞌaꞌ chic nequeꞌxba̱nu saꞌ xya̱lal.

Jeremías 24:2

Jun chacach li higo quixcꞌut chicuu li Ka̱cuaꞌ kꞌaxal cha̱bil. Chanchan li xbe̱n ru li acui̱mk. Ut li jun chacach chic aꞌan incꞌaꞌ cha̱bil ut incꞌaꞌ naru xtzacanquil xban nak incꞌaꞌ us.

Jeremías 50:46

Nak teꞌrabi nak quichapeꞌ li tenamit Babilonia, chixjunileb li cuanqueb saꞌ ruchichꞌochꞌ sicsotkeb xbaneb xxiu. Ut lix ya̱beb ta̱abi̱k saꞌ lix ni̱nkal tenamit.

Ezequiel 22:29

Eb li tenamit junes rahobtesi̱nc nequeꞌxcꞌoxla xba̱nunquil. Ut aj e̱lkꞌeb. Nequeꞌxba̱nu raylal reheb li nebaꞌ ut reheb li tenkꞌa̱c teꞌraj. Nequeꞌxrahobtesiheb ajcuiꞌ li jalan xtenamiteb li incꞌaꞌ xcꞌulubeb rahobtesi̱c.

Miqueas 6:12

Eb li biom nequeꞌxrahobtesiheb li nebaꞌ nak nequeꞌxmakꞌ chiruheb li cꞌaꞌru cuan reheb. Ut li cuanqueb saꞌ li tenamit aj balakꞌeb ut aj ticꞌtiꞌeb.

Isaías 1:21

¿Chanru nak xejal e̱naꞌleb, ex tenamit? Junxil xine̱lokꞌoni ut xexcuan saꞌ ti̱quilal. Abanan anakcuan xine̱tzꞌekta̱na. Chanchanex chic li ixk li naxcꞌayi rib. Anakcuan la̱ex chic aj camsinel.

Isaías 46:12

Cherabihak li yo̱quin chixyebal la̱ex li cau e̱chꞌo̱l, la̱ex li nequecꞌoxla nak incꞌaꞌ texcolekꞌ.

Oseas 10:1

Eb laj Israel cꞌajoꞌ xchakꞌal ruheb. Chanchan jun to̱n li uvas naxqꞌue nabal li ru ut chiruheb ajcuiꞌ aꞌan nacꞌanjelac. Chanru nak yo̱queb chi biomocꞌ, joꞌcan ajcuiꞌ lix qꞌuialeb li artal li queꞌxyi̱b. Xban nak cha̱bil lix chꞌochꞌeb, kꞌaxal nabal cuiꞌchic li acui̱mk naxqꞌue. Ut xban nak nabal li cꞌaꞌru reheb, nabal ajcuiꞌ lix dioseb nequeꞌxyi̱b.

Habacuc 1:3

¿Cꞌaꞌut nak niquina̱qꞌue chirilbal li raylal ut li ma̱usilal aꞌin? ¿Cꞌaꞌut nak cuan li rahobtesi̱nc ib saꞌ kaya̱nk? Ut, ¿cꞌaꞌut nak cuan li joskꞌil ut li sacꞌoc ib ut li cuechꞌi̱nc ib saꞌ kaya̱nk?