Isaías 5:6 - Li Santil hu

⁶ Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

Q'eqchi Bible

⁶ Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Isaías 5:6 ပူးပေါင်းရင်းမြစ်များ

Jeremías 25:11

Chixjunil li naꞌajej aꞌin ta̱osokꞌ ut ta̱cana̱k chi ma̱cꞌaꞌ chic cuan chi saꞌ. Xucuajel rilbal li cꞌaꞌru tixcꞌul. Ut eb li tenamit teꞌcꞌanjelak chiru lix reyeb laj Babilonia chiru laje̱b xca̱cꞌa̱l (70) chihab.

Apocalipsis 11:6

Eb li cuib chi cui̱nk aꞌin qꞌuebileb xcuanquil chixba̱nunquil re nak incꞌaꞌ tixqꞌue li hab chiruheb li cutan nak yo̱keb chixyebal li cꞌaꞌru ta̱cꞌulma̱nk. Ut cuanqueb xcuanquil re xsukꞌisinquil li haꞌ chokꞌ quicꞌ ut cuanqueb ajcuiꞌ xcuanquil re xrahobtesinquileb li cuanqueb saꞌ ruchichꞌochꞌ riqꞌuin chixjunil li raylal aꞌ yal jarub sut teꞌraj xba̱nunquil.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Amós 4:7

—La̱in incꞌaꞌ chic xinqꞌue li hab nak oxib po chic ma̱ nacuulac xkꞌehil li kꞌoloc. Xinqꞌue li hab saꞌ jun li tenamit ut saꞌ li jun chic incꞌaꞌ xinqꞌue. Saꞌ jun li cꞌaleba̱l xinqꞌue li hab ut saꞌ li jun chic xchakic li acui̱mk xban nak incꞌaꞌ xinqꞌue li hab.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Jeremías 45:4

Li Ka̱cuaꞌ quixye: —Ye re chi joꞌcaꞌin: La̱in tinjucꞌ li cꞌaꞌru quinxakab ut tincuisiheb li cristian li quinqꞌueheb chi cua̱nc saꞌ chixjunil li naꞌajej aꞌin.

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Jeremías 14:1

Li Dios quia̱tinac riqꞌuin laj Jeremías chirix nak incꞌaꞌ chic naxqꞌue li hab.

Isaías 30:23

Nak la̱ex tex-a̱uk, li Ka̱cuaꞌ tixtakla li hab re xtꞌakresinquil le̱ racui̱mk. Ut nabal ru le̱ racui̱mk tixqꞌue e̱re. Ut tzꞌakalak ajcuiꞌ li pachꞌayaꞌ reheb le̱ queto̱mk.

Isaías 24:12

Jucꞌbil chic chixjunil li cuan saꞌ li tenamit ut jucꞌbil li puerta li cuan saꞌ li oqueba̱l.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

1 Reyes 8:35

Ut cui incꞌaꞌ chic tixqꞌue li hab xban li ma̱c li teꞌxba̱nu cha̱cuu, ut cui teꞌxjal xcꞌaꞌuxeb ut teꞌxya̱ba la̱ cꞌabaꞌ ut teꞌtijok cha̱cuu, xban li raylal xaqꞌue saꞌ xbe̱neb, ta̱cuabi taxak li cꞌaꞌru teꞌxtzꞌa̱ma cha̱cuu.

Li xHu LAJ JOB 31:40

Cui ta xinba̱nu chi joꞌcan, us raj nak ta̱mok li qꞌuix saꞌ lin chꞌochꞌ. Ut incꞌaꞌ chic ta̱mok li trigo. Chimok ta li yibru pim chiru ut incꞌaꞌ chic ta̱mok li cebada.— Riqꞌuin li a̱tin aꞌin, quirakeꞌ chi a̱tinac laj Job.

Isaías 7:19

Chanchanakeb li raxya̱t ut li sak cꞌau nak teꞌxic yalak bar saꞌ eb li u̱l ut saꞌ eb li ochoch pec. Ut telajeꞌxic saꞌ eb li qꞌuix ut saꞌ eb li pachꞌayaꞌ.

Isaías 32:10

Anakcuan ma̱cꞌaꞌ e̱cꞌaꞌux. Abanan saꞌ li chihab jun chic cꞌajoꞌ nak texxucuak xban nak ma̱cꞌaꞌak ru le̱ racui̱mk. Ut incꞌaꞌ chic te̱sicꞌ ru li uvas.

Isaías 49:19

Usta xsacheꞌ ru la̱ tenamit ut xtzꞌekta̱na̱c la̱ chꞌochꞌ, abanan teꞌnabalokꞌ cuiꞌchic li tenamit ut incꞌaꞌ chic ta̱tzꞌaklok li naꞌajej chokꞌ reheb. Ut eb li xeꞌsachoc a̱cuu teꞌcua̱nk chi najt.

Isaías 55:13

Chokꞌ re̱kaj li qꞌuix ta̱yoꞌla̱k li ciprés. Ut chokꞌ re̱kaj li cuara qꞌuix ta̱yoꞌla̱k li cuau̱t. Riqꞌuin aꞌan ta̱cꞌutu̱nk nak kꞌaxal nim xcuanquil li Ka̱cuaꞌ. Ut li retalil aꞌin ma̱ jokꞌe ta̱sachma̱nk. Ta̱cua̱nk ban chi junelic.

Oseas 9:6

Tex-e̱lk saꞌ le̱ tenamit xban li raylal yo̱kex chixcꞌulbal. Laj Asiria teꞌnumta̱k saꞌ e̱be̱n. Chanchan nak chapcho̱quex cuiꞌchic xbaneb laj Egipto. Ut nak tex-osokꞌ, chanchan nak texmukekꞌ aran Menfis. Ta̱chamokꞌ li qꞌuix ut li pim saꞌ le̱ naꞌaj quexcuan cuiꞌ, ut ta̱osokꞌ le̱ biomal.

Joel 1:7

Xeꞌxsach ru chi junaj cua li ka-uva. Ut xeꞌxsach ajcuiꞌ li kacheꞌ higo. Quilajeꞌtꞌaneꞌ li rukꞌ. Michꞌbil chic rix queꞌxcanab ut ma̱cꞌaꞌ chic xxak.

Proverbios 24:31

Ut li naꞌajej li quicuil chak nujenak chi pim ut chi qꞌuix. Ut li tzꞌac li sutsu cuiꞌ ac poꞌbileb.

Lamentaciones 2:6

Moco ra ta chiru nak quixqꞌue chi poꞌi̱c li templo. Ut quixsach ru li naꞌajej li nequeꞌlokꞌonin cuiꞌ li tenamit. Incꞌaꞌ chic nequeꞌlokꞌonin saꞌ li hiloba̱l cutan, chi moco nequeꞌxba̱nu li ninkꞌe joꞌ queꞌxba̱nu junxil. Xban xjoskꞌil li Ka̱cuaꞌ, quixtzꞌekta̱naheb chixjunileb, joꞌ li rey, joꞌ eb ajcuiꞌ laj tij.