Isaías 5:5 - Li Santil hu

⁵ Anakcuan chine̱rabi. Tinye e̱re cꞌaꞌru tinba̱nu riqꞌuin li cuacui̱mk. Tincuisi li corral li xinyi̱b re nak ta̱osokꞌ. Tintꞌan li tzꞌac re nak ta̱yekꞌi̱k ut ta̱sachekꞌ.

Q'eqchi Bible

⁵ Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Isaías 5:5 ပူးပေါင်းရင်းမြစ်များ

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Lamentaciones 1:15

Li Ka̱cuaꞌ quirisi xmetzꞌe̱uheb li kasolda̱d li cauheb raj rib chikacolbal. Ut quixtaklaheb jun chꞌu̱tal lix soldado li xicꞌ nequeꞌiloc ke chixsachbal ruheb li sa̱j cui̱nk saꞌ kaya̱nk. Xban nak kꞌaxal yo̱ xjoskꞌil, joꞌcan nak quixtakla raylal saꞌ kabe̱n. Chanchan nak nayatzꞌeꞌ li ru li uvas re risinquil li xyaꞌal.

Isaías 28:18

Ta̱sachekꞌ xcuanquil li contrato li queba̱nu riqꞌuin li ca̱mc joꞌ ajcuiꞌ li contrato li queba̱nu riqꞌuin lix naꞌajeb li camenak. Kꞌaxal ra te̱cꞌul nak ta̱cha̱lk li raylal saꞌ e̱be̱n.

Apocalipsis 11:2

Abanan ma̱bis li neba̱l li cuan chiru lix templo li Dios xban nak aꞌan kꞌaxtesinbil reheb li ma̱cuaꞌeb aj judío. Eb aꞌan teꞌxmux ru li santil tenamit chiru oxib chihab riqꞌuin media (42 po).

Isaías 28:3

Li tenamit li nequeꞌxnimobresi ribeb ut nequeꞌcala ta̱sachekꞌ ruheb ut ta̱yekꞌi̱k saꞌ chꞌochꞌ.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

Génesis 11:7

Joꞌcan ut tocubek ut takajal li ra̱tinoba̱leb re nak incꞌaꞌ teꞌxtau ru li cꞌaꞌru teꞌxye chi ribileb rib, chan li Dios.

Génesis 11:4

Queꞌxye: —Kayi̱bak junak katenamit ut jun li nimla ochoch najt xteram torre xcꞌabaꞌ. Ta̱cuulak toj saꞌ choxa li xnajtil xteram. Chi joꞌcaꞌin teꞌxqꞌue retal saꞌ chixjunil li ruchichꞌochꞌ nak la̱o cuan kanaꞌleb. Ut incꞌaꞌ takajeqꞌui kib yalak bar saꞌ ruchichꞌochꞌ, chanqueb.

Daniel 8:13

Ut quicuabi jun li santil ángel yo̱ chi a̱tinac. Ut li jun chic quixpatzꞌ re: —¿Joꞌ najtil ta̱cꞌulma̱nk aꞌin li quicꞌutbesi̱c saꞌ li visión? ¿Jarub cutan chic teꞌxba̱nu li ma̱usilal chokꞌ re̱kaj lix mayejeb saꞌ li templo? ¿Joꞌ najtil chic teꞌxyekꞌi lix templo li Ka̱cuaꞌ joꞌqueb ajcuiꞌ li ralal xcꞌajol?—

Lamentaciones 4:12

Eb lix reyeb li jalan xtenamiteb ma̱ jokꞌe queꞌxcꞌoxla nak naru teꞌoc saꞌ li tenamit Jerusalén li xicꞌ nequeꞌiloc reheb. Chi moco eb li jalan tenamit queꞌxpa̱b nak naru teꞌoc saꞌ li oqueba̱l re li tenamit Jerusalén.

Isaías 25:10

Li cuanqueb saꞌ li tzu̱l Sión li Ka̱cuaꞌ ta̱colok reheb. Abanan eb li tenamit Moab teꞌsachekꞌ ruheb joꞌ nak nayekꞌi̱c li qꞌuim saꞌ li mul.

Nehemías 2:3

La̱in quinchakꞌoc ut quinye re: —At rey, chicua̱nk taxak la̱ yuꞌam chi junelic. La̱in ra saꞌ inchꞌo̱l xban nak li tenamit li mukbileb cuiꞌ lin xeꞌto̱nil yucuaꞌ juqꞌuinbil ut cꞌatbileb lix puertil. Aꞌan aꞌin lix ya̱lal nak ra saꞌ inchꞌo̱l.—

Salmos 89:40

Xajuqꞌui li tzꞌac li sutsu cuiꞌ lix tenamit ut xajuqꞌui ajcuiꞌ li cab li queꞌxcol cuiꞌ ribeb.

Proverbios 24:31

Ut li naꞌajej li quicuil chak nujenak chi pim ut chi qꞌuix. Ut li tzꞌac li sutsu cuiꞌ ac poꞌbileb.

Isaías 32:10

Anakcuan ma̱cꞌaꞌ e̱cꞌaꞌux. Abanan saꞌ li chihab jun chic cꞌajoꞌ nak texxucuak xban nak ma̱cꞌaꞌak ru le̱ racui̱mk. Ut incꞌaꞌ chic te̱sicꞌ ru li uvas.

Jeremías 18:11

Joꞌcan nak ta̱ye reheb li cuanqueb Judá ut reheb li cuanqueb Jerusalén nak joꞌcaꞌin naxye li Ka̱cuaꞌ: La̱in oc cue chixqꞌuebal li raylal saꞌ e̱be̱n. Yo̱quin chixcꞌu̱banquil ru cꞌaꞌru tinba̱nu re e̱sachbal. Joꞌcan nak canabomak le̱ ma̱usilal. Jalomak e̱cꞌaꞌux ut yi̱bomak le̱ yuꞌam.

Jeremías 21:4

Li Ka̱cuaꞌ lix Dioseb laj Israel xye chi joꞌcaꞌin, “La̱in tinqꞌueheb chi oc saꞌ le̱ tenamit laj Babilonia li yo̱queb chixsutbal le̱ tenamit. Li chꞌi̱chꞌ li cuan saꞌ e̱rukꞌ re texpletik cuiꞌ riqꞌuineb laj Babilonia ma̱cꞌaꞌ ta̱oc cuiꞌ che̱ru. La̱ex incꞌaꞌ texru̱k chixsumenquileb.

Jeremías 28:8

Chalen najter nak toj ma̱jiꞌ ninyoꞌla la̱in ut la̱at, eb li profeta queꞌxye resil nak saꞌ nabal xni̱nkal ru tenamit ta̱cua̱nk li ple̱t ut li raylal ut li caki yajel.

Jeremías 45:4

Li Ka̱cuaꞌ quixye: —Ye re chi joꞌcaꞌin: La̱in tinjucꞌ li cꞌaꞌru quinxakab ut tincuisiheb li cristian li quinqꞌueheb chi cua̱nc saꞌ chixjunil li naꞌajej aꞌin.

Oseas 2:12

La̱in tinsach li racui̱mk uvas ut li cheꞌ higo li quixye nak aꞌan lix tojbal li quiqꞌueheꞌ re xbaneb li cui̱nk li nequeꞌrahoc re. Ma̱cꞌaꞌ chic ta̱e̱lk saꞌ xnaꞌaj li acui̱mk uvas ut ma̱cꞌaꞌak chic li cheꞌ li nau̱chin. Teꞌsachekꞌ xbaneb li joskꞌ aj xul.

Salmos 89:41

Chixjunileb li tenamit li nequeꞌnumeꞌ aran, nequeꞌrelkꞌa li cꞌaꞌru re. Ut chixjunileb li tenamit li cuanqueb chi nachꞌ, nequeꞌxseꞌe li cꞌaꞌru yo̱ chixcꞌulbal.

Eclesiastés 3:3

Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.

Lamentaciones 2:6

Moco ra ta chiru nak quixqꞌue chi poꞌi̱c li templo. Ut quixsach ru li naꞌajej li nequeꞌlokꞌonin cuiꞌ li tenamit. Incꞌaꞌ chic nequeꞌlokꞌonin saꞌ li hiloba̱l cutan, chi moco nequeꞌxba̱nu li ninkꞌe joꞌ queꞌxba̱nu junxil. Xban xjoskꞌil li Ka̱cuaꞌ, quixtzꞌekta̱naheb chixjunileb, joꞌ li rey, joꞌ eb ajcuiꞌ laj tij.

Oseas 2:14

Abanan la̱in tincꞌam cuiꞌchic saꞌ li chaki chꞌochꞌ bar cuiꞌ ma̱cꞌaꞌ cuan. Ut aran tinkꞌunbesi cuiꞌchic ut tinye re nak kꞌaxal ninra.