Isaías 5:30 - Li Santil hu

³⁰ Japjo̱k reheb li soldado nak teꞌoc chi pletic. Chanchan nak na-ecꞌan ru li palau. Li ani ta̱ilok re li tenamit aꞌan tixqꞌue retal nak junes raylal ut rahil chꞌo̱lej cuan aran. Chanchan nak ta̱kꞌojyi̱nokꞌ ru li cutan xban li chok.

Q'eqchi Bible

³⁰ Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

Isaías 5:30 ပူးပေါင်းရင်းမြစ်များ

Isaías 8:22

malaj ut takꞌa saꞌ li chꞌochꞌ. Abanan junes raylal chic teꞌril ut kꞌojyi̱n. Ma̱ ani ta̱colok reheb chiru li rahil chꞌo̱lej. Aran teꞌosokꞌ saꞌ li kꞌojyi̱n.

Joel 2:10

Ta̱ecꞌa̱nk li ruchichꞌochꞌ joꞌ ajcuiꞌ li choxa nak yo̱keb chi cha̱lc. Ta̱kꞌojyi̱nokꞌ ru li sakꞌe ut li po xban xqꞌuialeb laj sa̱cꞌ ut incꞌaꞌ chic teꞌcꞌutu̱nk li chahim.

Apocalipsis 6:12

Ut quicuil nak li Jun li chanchan carner quixte li xcuak sello ut quicuan jun li nimla hi̱c. Li sakꞌe quikꞌojyi̱noꞌ ru. Chanchan li kꞌeki tꞌicr li nequeꞌrocsi li raheb saꞌ xchꞌo̱l. Ut li po quicakoꞌ joꞌ li quicꞌ.

San Mateo 24:29

Ut saꞌ eb li cutan aꞌan nak acak xrakeꞌ li raylal aꞌan, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru. Ta̱ecꞌa̱nk chak ru li choxa ut li chahim talajeꞌtꞌanekꞌ chak.

Jeremías 6:23

Ac cuan chak lix chꞌi̱chꞌeb saꞌ rukꞌeb ut lix tzimaj. Kꞌaxal joskꞌeb. Ma̱ ani nequeꞌril xtokꞌoba̱l ruheb. Yo̱queb chi cha̱lc chirix cacua̱y chi pletic riqꞌuineb laj Jerusalén. Nak nequeꞌxjap re chanchan nak na-ecꞌan ru li palau.—

Isaías 13:10

Li chahim ut lix sahob ru li choxa incꞌaꞌ chic teꞌlemtzꞌu̱nk. Ta̱kꞌojyi̱nokꞌ ru li sakꞌe usta tojeꞌ e̱lc yo̱ chak. Ut li po incꞌaꞌ chic tixcutanobresi li ruchichꞌochꞌ.

Amós 8:9

Saꞌ li cutan aꞌan, usta cuaꞌleb re li cutan, li sakꞌe ta̱oc ut ta̱kꞌojyi̱nokꞌ ru li cutan inban la̱in. La̱in tinsukꞌisi li cutan chokꞌ kꞌojyi̱n, chan li Ka̱cuaꞌ.

Lamentaciones 3:2

Cꞌajoꞌ li raylal xqꞌue saꞌ inbe̱n. Incꞌaꞌ chic us nin-el. Chanchan nak yo̱quin chi be̱c saꞌ kꞌojyi̱n ut incꞌaꞌ naxcutanobresi lin be.

Jeremías 50:42

Cuanqueb xtzimaj ut cuanqueb xla̱ns. Kꞌaxal joskꞌeb. Ma̱ ani nequeꞌril xtokꞌoba̱l ru. Nak nequeꞌxjap re chanchaneb li palau li cau na-ecꞌan. Yo̱queb chi cha̱lc chirix cacua̱y. Ac cauresinbileb re teꞌcha̱lk chi pletic e̱riqꞌuin la̱ex aj Babilonia.

Eclesiastés 12:2

Chaba̱nuhak anakcuan nak toj nacꞌutun li sakꞌe chi cutan, li po ut li chahim chiru kꞌojyi̱n, ut nak toj ma̱jiꞌ namoy ru li cutan xban li chok.

Isaías 13:4

Abihomak li choki̱nc saꞌ xbe̱n li tzu̱l. Aꞌaneb li qꞌuila soldado. Aꞌaneb li qꞌuila tenamit li queꞌxjunaji ribeb. Li Ka̱cuaꞌ li nimajcual Dios yo̱ chixcauresinquileb lix soldado re teꞌpletik.

Isaías 17:12

Raylal ta̱cha̱lk saꞌ xbe̱neb li xni̱nkal ru tenamit li nequeꞌchokin nak nequeꞌchal chi pletic. Chanchan li choki̱nc li naxba̱nu li palau, malaj ut joꞌ nak na-ecꞌan lix cau ok li haꞌ.

Isaías 30:6

Aꞌan aꞌin li esilal chirixeb li xul li cuanqueb Neguev. Li Neguev, aꞌan jun li naꞌajej xiu xiu numecꞌ cuiꞌ xban nak aran cuanqueb li cakcoj ut li cꞌantiꞌ li kꞌaxal se̱b chi a̱linac ut li cꞌantiꞌ li napiscꞌoc chi junpa̱t. Eb laj Israel yo̱queb chi numecꞌ aran re teꞌxic Egipto chixpatzꞌbal lix tenkꞌanquil. Yo̱queb chixcꞌambal chirix bu̱r ut camello lix biomaleb re teꞌxqꞌue reheb laj Egipto. Abanan eb laj Egipto moco teꞌxtenkꞌaheb ta.

Isaías 59:9

Xban li ma̱usilal li nequeba̱nu la̱ex, la̱o incꞌaꞌ chic naru nococuan saꞌ ti̱quilal, chi moco naru nococuan saꞌ xya̱lal. Nakaj raj chic cua̱nc saꞌ xya̱lal, abanan junes raylal chic nakacꞌul. Chanchan li yo̱co chi be̱c saꞌ kꞌojyi̱n.

Jeremías 13:16

Qꞌuehomak xlokꞌal li Ka̱cuaꞌ le̱ Dios nak toj ma̱jiꞌ naxtakla li kꞌojyi̱n ma̱re anchal te̱tich le̱ rok saꞌ eb li tzu̱l xban nak kꞌojyi̱n chic. Qꞌuehomak xlokꞌal li Ka̱cuaꞌ nak toj ma̱jiꞌ naxtakla li raylal li cha̱lc re saꞌ e̱be̱n.

Jeremías 30:5

Li japoc e, retal li xucuac, yo̱ chi abi̱c. Ma̱cuaꞌ resil li tuktu̱quil usilal li yo̱ chi abi̱c.

Ezequiel 26:3

Joꞌcan nak la̱in li nimajcual Dios ninye reheb: La̱in xicꞌ nequexcuil la̱ex li cuanquex Tiro. La̱in tintaklaheb nabal li xni̱nkal ru tenamit chi pletic e̱riqꞌuin. Chanchan nak nachal lix cau ok li palau nak teꞌcha̱lk chi pletic e̱riqꞌuin.

Amós 5:18

Tokꞌob xak e̱ru la̱ex li yo̱quex chiroybeninquil li cutan nak ta̱cha̱lk chi rakoc a̱tin li Ka̱cuaꞌ. ¿Cꞌaꞌut nak yo̱quex chiroybeninquil li cutan aꞌan? ¿Ma incꞌaꞌ ta biꞌ nequenau cꞌaꞌru te̱cꞌul? Ma̱cuaꞌ sahil chꞌo̱lejil te̱cꞌul. Rahil chꞌo̱lej ban te̱cꞌul.